यूहन्‍ना 5:24 - Sunuwar Bible

²⁴ नोफा दाइश्‍शा नेनीन, सुमी आं लोव़ नेंबा नु आं कली सोइक्‍ब आं आफ परमप्रभु यावे कली थमा सुइक्‍बा, मेको गेना हना यो ब्रोंइशा बाक्‍चा ताइब। सजाइ मताइब। मारदे हना बेक्‍शो रे गेना हना यो ब्रोंइशा बाक्‍चा ताइब। यूहन्‍ना ३:१६-१८

यूहन्‍ना 5:24 ပူးပေါင်းရင်းမြစ်များ

मत्ती 25:46

मिनु मेकोपुकी गेना हना यो सजाइ ततीकेमी लाइनीम। परमप्रभु आ ङोंइती ठीक दुम्‍शोपुकी चहिं गेना हना यो परमप्रभु यावे नु बाक्‍चा ततीकेमी लाइनीम” दे शेंताक्‍मी। यूहन्‍ना ५:२९; याकूब २:१३

मर्कूस 16:16

सुमी थमा सुइश्‍शा, ब्‍वाक्‍कुमी ख्रुम्‍शा ग्रुंइचा पुंइसीबा, मेको ब्रोंइचा ताइब। सुमी चहिं थमा मसुइक्‍बा, मेको सजाइ गेचा पुंइसीब। प्रेरित २:३८; प्रेरित १६:३१-३३

यूहन्‍ना 11:26

सु ब्रोंइबा, मिनु आं कली थमा सुइक्‍बा, मेको गेनायो मबेक्‍ब। एको लोव़ थमा सुइक्‍नेवे?” दे हिल्‍लो पाप्‍तु। यूहन्‍ना ८:५१

यूहन्‍ना 12:44

मिनु येसुमी ठेयब सेंदा पशा “आं कली थमा सुइक्‍बमी आन थमा सुइश्‍शो आं कली ला ममाइ, तन्‍न आं कली सोइक्‍ब कली यो थमा सुइश्‍शो नम।

यूहन्‍ना 20:31

मिनु मेको ब्रेक्‍शो छक लाक्‍चा ङा गेयपुकी मारदे ब्रेक्‍शो बाक्‍नीम देंशा हना, गेपुकीमी “येसु ख्रीस्‍त, परमप्रभु यावे आ तौ बाक्‍ब” दे थमा सुइक्‍ने चापीन। मिनु थमा सुइश्‍शा, आ नेंमी गेना हना यो ब्रोंइशा बाक्‍चा ताइनीनी, दे ब्रेक्‍शो बाक्‍ब। १यूहन्‍ना ५:१३

यूहन्‍ना 3:16

परमप्रभु यावेमी रागी ङा मुर आन कली शुश दाक्‍ताक्‍व। मोपतीके आ कांइचीक तौ रागीमी सोइक्‍ताक्‍व। सु सुमी मेको कली थमा सुइक्‍नीमी, मेकोपुकी नरक मलाइनीम। तन्‍न गेना हना यो परमप्रभु यावे नु बाक्‍चा ताइनीम। रोमी ५:८; रोमी ८:३२; १यूहन्‍ना ४:९

यूहन्‍ना 3:18

सुमी परमप्रभु यावे आ तौ कली थमा सुइक्‍बा, मेको स्‍वर्गमी निसाफ पचा मपुंइसीब। सुमी चहिं थमा मसुइक्‍बा, मेको ङोंइती रेन निसाफ पा सजाइ तचा पुंइसीब दुम्‍शो बाक्‍ब। मारदे हना मेकोमी परमप्रभु यावे आ कांइचीक तौमी पाप रे प्रोंइब, दे थमा मसुइश्‍शो बाक्‍ब। यूहन्‍ना ५:२४

यूहन्‍ना 3:36

सुमी आ तौ आ देंशो थमा सुइक्‍बा, मेको गेना हना यो ब्रोंइशा बाक्‍चा ताइब। सुम चहिं आ देंशो मटीबा, मेको गेना हना यो ब्रोंइशा बाक्‍चा मतथु, परमप्रभु यावे आ गाइश्‍शो ताइब” दे यूहन्‍नामी शेंताक्‍व।

यूहन्‍ना 4:36

रुप्‍‍बमी गाल्‍च ताइब। मेकोमी गेना हना यो ब्रोंइशा बाक्‍चा कली मुर आन कली चाक्‍ब। मिनु शोक्‍ब नु रिक्‍ब नेल्‍ल कालेम ग्‍येरसीनीम।

यूहन्‍ना 6:40

मिनु सु सुमी परमप्रभु यावे आ तौ, दे आं कली तुइक्‍नीमी नु थमा सुइक्‍नीम। मेको आन कली नोले ङा नाक्‍तीमी सेंपाइश्‍शा, गेना हना यो ब्रोंइशा बाक्‍चा गेनुङमी। आं आफ आ दाक्‍शो गेय मेकोन बाक्‍त” दे यहूदी आन कली शेंताक्‍व। यूहन्‍ना ५:२९; यूहन्‍ना ११:२४

यूहन्‍ना 6:47

मिनु नोफा दाइश्‍शा नेनीन, सुमी थमा सुइक्‍बा, मेको गेना हना यो ब्रोंइशा बाक्‍चा ताइब। यूहन्‍ना ३:१६

यूहन्‍ना 6:50

तन्‍न मुरपुकीमी स्‍वर्ग रे यिशो शोब्‍ले कली जाम्‍तेक्‍म हना, मबेक्‍थु ब्रोंइशा बाक्‍नीम।

यूहन्‍ना 6:51

गो स्‍वर्ग रे यिशो ब्रोंइतीक शोब्‍ले नङ। सुमी मेको शोब्‍ले जाइबा, मेको गेना हना यो परमप्रभु यावे नु बाक्‍शा ब्रोंइ‍ब। मिनु रागी ङा मुर आन कली ब्रोंइपाइक्‍चा, दे मार शोब्‍ले गेनुङ देंशा हना, आं गेशो शोब्‍ले आं रां बाक्‍ब” दे शेंताक्‍व। मर्कूस १४:२२

यूहन्‍ना 6:58

मेको स्‍वर्ग रे यिशो शोब्‍ले बाक्‍ब। इन किकी पिपीमी शोब्‍ले जशा बेक्‍तेक्‍म। गो मेको खोदेंशो शोब्‍ले मगेनुङ। सुमी चहिं आं शोब्‍ले जाइबा, मेको गेना हना यो ब्रोंइशा बाक्‍ब” देंत।

यूहन्‍ना 8:51

मिनु येसुमी “नोफा दाइश्‍शा नेनीन, सुमी आं देंशो लोव़ टीबा, मेको गेनायो मबेक्‍ब” देंत। यूहन्‍ना ६:४०,४७

रोमी 8:1

येसु ख्रीस्‍तमी बाक्‍ब आन कली सजाइ मबाक्‍ब। रोमी ३३:३४

१ थिस्‍सलोनिकी 5:9

मारदे हना परमप्रभु यावे इं पर्बम मगाइक्‍ब। प्रभु येसु ख्रीस्‍त आ पतीके पाप रे ब्रोंइब सेल्‍तु।

१ पत्रुस 1:21

गे येसु ख्रीस्‍त आ पतीके परमप्रभु यावे कली थमा सुइक्‍नीनी। मेकोमी येसु ख्रीस्‍त कली बेक्‍शो रे सेंपाइश्‍शा, छेङछेङम वोइक्‍तु। मोपतीके गे “परमप्रभु यावेमी इं कली कोव़ब” दे थमा सुइश्‍शा आस पने।

१ पत्रुस 1:5

परमप्रभु यावे आ सक्तिमी इं कली कोव़ब। गो पाप रे ब्रोंइशो मुर बाक्‍नय, दे थमा सुइक्‍नय। मेको नेल्‍ल नोले ङा नाक्‍तीमी कोंइब। यूहन्‍ना १०:२८

१ यूहन्‍ना 3:14

गोपुकी बेक्‍तीक राज्‍य रे पा, ब्रोंइतीक राज्‍यमी बाक्‍नय। दोपा तुइक्‍नय देंशा हना, थमा सुइक्‍ब लोक्‍ब आन कली दाक्‍नय। सुम चहिं मदाक्‍बा, मेको बेक्‍तीक राज्‍यमी बाक्‍ब। यूहन्‍ना ५:२४

१ यूहन्‍ना 5:1

मिनु सुमी “येसु परमप्रभु यावे आ सोइश्‍शो ख्रीस्‍त बाक्‍ब” दे थमा सुइक्‍बा, मेको मुर परमप्रभु यावे आ आल बाक्‍ब। मिनु सुमी आफ कली दाक्‍बा, मेकोमी आ आल कली यो दाक्‍ब।