यूहन्‍ना 5:19 - Sunuwar Bible

¹⁹ मिनु येसुमी यहूदी आन कली “नोफा दाइश्‍शा नेनीन, आं आफोमी मार पाइबा, आ तौमी मेको मतवा सम्‍म मारेइ पने मचाप्‍ब। मिनु आफोमी दोदेंशो पाइबा, तौमी मोदेंशोन पाइब। यूहन्‍ना ३:११,३२

यूहन्‍ना 5:19 ပူးပေါင်းရင်းမြစ်များ

उत्पत्ती 1:1

नेल्‍ल क्‍येङा ङोंइती परमप्रभुमी सरीङ नु रागी दुम्‍पदा बाक्‍त।

उत्पत्ती 1:26

मिनु नोले परमप्रभुमी “इं खोदेंशो पा मुर का सेल्‍य। मिनु समुन्‍द्र ङा ङांइ, सरीङम बेरब चिक्‍ब, बी ब्‍यफ, ब्‍वाकी ङा जन्‍तु नु खपीम ग्रेशा गाक्‍ब आइक्‍च जन्‍तु नेल्‍ल आन कली हुकुम पाइब दुम्‍ल” देंमाक्‍त। भजन संग्रह ८:६-९; एफिसी ४:२४; कलस्‍सी १:१५; याकूब ३:९

भजन संग्रह 138:3

गो इन कली ब्रेङङानु, आं लोव़ लेत्‍ताक्‍यीनी। गे आं कली महिंब थुं गेशा, बोल्‍यो सेल्‍तीनी।

भजन संग्रह 27:14

गो इ कली “परमप्रभु यावे आ वारच पतीके रिम्‍दो। बोल्‍यो दुमो। इ थुं बारपतो। मिनु परमप्रभु यावे आ वारच पतीके रिम्‍दो” दे कुम्‍सो पाता।

भजन संग्रह 50:6

मिनु स्‍वर्गम बाक्‍बपुकीमी “एको ठीक पाइब बाक्‍ब। मारदे हना परमप्रभुमी एको मुर आन कली निसाफ पाइब” देंनीम। ठेयब सेंदा पा।

प्रस्‍थान 4:11

मिनु परमप्रभु यावेमी “सुमी मुर आ शोव़ सेला? सुम लोव़ पपाइक्‍ब, नोफा नेंब नु मनेंब, मिक्‍च ताइब नु मताइब सेला? गो, परमप्रभु यावे मनङा ङा? भजन संग्रह ९४:९

हितोपदेस 2:6

मारदे हना परमप्रभु यावे तुइक्‍‍तीक थुं गेब बाक्‍ब। आ शोव़ रे जोक्‍तीक नु रुप्‍तीक लोव़ ग्रूब। दानीएल २:२०-२३

यसैया 44:24

मिनु परमप्रभु यावे, इ कली श्‍येत रे प्रोंइब, इ कली कोव़जीम सेल्‍बमी “गो मारेइ मारेइ सेल्‍ब परमप्रभु यावे नङ। गो आं कामी सरीङ प्राक्‍ता। रागी वोइक्‍ता। यसैया ४५:१२

यसैया 45:24

‘परमप्रभु यावे ला ठीक पतीके नु सक्ति गेब बाक्‍ब’ दे कसम जाइनीम। परमप्रभु यावे कली मटीब नेल्‍ल आं बाक्‍तीकेम जाक्‍शा मुने दोक्‍चा माल्‍नीम। येरमीया २३:६

येरमीया 17:10

गो, परमप्रभु यावेमी मुर आन कली नाक्‍नुङ। आन थुंम मार बाक्‍मे, मेको कोव़नुङ। आन गाक्‍शो लां नु आन पशो कोव़शा, इनाम गेनुङमी।

मत्ती 26:39

मिनु इच्‍का ङोंइती लशा, खुम्‍की पा खपीम बाप्‍शा “आं आफ, दुम्‍ब हना, एको कचौरा आं कली मतूपाइक्‍थु सोइक्‍तीने। तन्‍न आं दाक्‍शो मदुम्‍ल, इन दाक्‍शोन दुम्‍ल” दे प्रार्थना पशा, लेश्‍शा जाक्‍माक्‍त। यूहन्‍ना १८:११; यूहन्‍ना ६:३८; हिब्रू ५:८

लूका 21:15

मारदे हना मोपा राप्‍पदमेनु, इन जोरी सत्रुमी लेन्‍ने मचाप्‍चा ङा लोव़ इन शोव़ रे पपाइक्‍नन्‍नी। इन कली ठीक लोव़ पपाइक्‍नुङ। मिनु मेकोपुकीमी इन लोव़ ख्रोइक्‍ने मचाप्‍नीम। प्रेरित ६:१०

यूहन्‍ना 10:18

गो साइक्‍चा मपुंइसाक्‍यी हना, सुइमी आं कली साइक्‍ने मचाप्‍नीम। गो आं के साइक्‍चा पुंइसीतीके अधिकार बाक्‍ब। मिनु बेक्‍शो रे सेंसीचा अधिकार यो बाक्‍ब। मेको अधिकार निम्‍फा आं आफोमी गेती” दे शेंताक्‍व। यूहन्‍ना ५:२६

यूहन्‍ना 12:49

आं कली सोइक्‍ब आं आफोमी गो मार देंचा नु शेंचा माल्‍नुङा, मेको नेल्‍ल माइक्‍ती। मोपतीके मेको आं लोव़ ममाइ। आं आफ आ लोव़ बाक्‍ब।

यूहन्‍ना 12:50

मेको आ देंशो लोव़ मार बाक्‍ब देंशा हना, गेना हना यो ब्रोंइशा बाक्‍चा गेब लोव़ बाक्‍ब। मेको आं आफोमी आं कली दें‍शो लोव़ बाक्‍ब। मोपतीके आं पशो लोव़ आं आफोमी आं कली ङोंइती देंशो लोव़ बाक्‍ब” दे येसुमी मुर आन कली माइक्‍तीमी।

यूहन्‍ना 14:10

गो आं आफ आगामी बाक्‍नुङ। मिनु आं आफ आं आगामी बाक्‍ब, दे थमा मसुइक्‍नेवे? आं देंशो लोव़ आं के ममाइ, आं आफ आ लोव़ बाक्‍ब। आं आगामी बाक्‍शो आं आफोमी गेय पाइब। यूहन्‍ना १२:४९

यूहन्‍ना 2:19

येसुमी “परमप्रभु यावे आ खिं प्रेतीन। गो नाक्‍त सांमी लेंशा सेल्‍ने थुम्‍नुङ” दे माइक्‍तीमी। मत्ती २६:६१; मत्ती २७:४०

यूहन्‍ना 3:3

मिनु येसुमी “नोफा दाइश्‍शा थमा लोव़ नेनीन, मुर लेंशा, इर रे नक पा मजरमेसाक्‍व हना, परमप्रभु यावे आ राज्‍य तने मचाप्‍ब” देंत। १पत्रुस १:२३

यूहन्‍ना 5:21

मिनु आं आफोमी बेक्‍शो आन कली दोपा सेंबा, मोपा आ तौमी यो सु कली बेक्‍शो रे सेंचा दाक्‍बा, मेको कली सेंपाइक्‍ब। दानीएल ७:१३-१४; प्रेरित १०:४२

यूहन्‍ना 6:38

मारदे हना गो आं दाक्‍शो गेय पथ ममाइ, तन्‍न आं कली सोइक्‍ब आ दाक्‍शो गेय पचा कली स्‍वर्ग रे जाक्‍शो नङ। यूहन्‍ना ४:३४

यूहन्‍ना 8:28

येसुमी “गेपुकी रागीमी जरमेशो कली क्‍युक्‍नीनु, गो सु नङा, दे तुइक्‍नीनी। मिनु गो आंमा मिम्‍शो मारेइ मपाइनुङ। तन्‍न आं आफोमी आं कली दोदेंशो शेंदा, मोदेंशो लोव़ इन कली शेंनुङ। यूहन्‍ना ३:१४; यूहन्‍ना १२:३२

यूहन्‍ना 9:4

मिनु गोपुकीमी आं कली सोइक्‍ब आ गेय नाक्‍ती पचा माल्‍नय। नां रिक्‍मेनु, सुइमी गेय पने मचाप्‍नीम। यूहन्‍ना ५:१७; येरमीया १३:१६

प्रेरित 2:24

गेपुकीमी साइक्‍पाइक्‍तीनी हना यो, परमप्रभुमी येसु कली बेक्‍शो रे सेंताक्‍व। मारदे हना आ गेना हना यो ब्रोंइशा बाक्‍ब परमप्रभु बाक्‍ब।

रोमी 6:4

मिनु ब्‍वाक्‍कुम ग्रुम्‍यानु, गो येसु बेक्‍शा थिम्‍शो खोदेंशो दुम्‍तय। मिनु परमप्रभु यावे आ सक्तिमी ख्रीस्‍त कली बेक्‍शो रे सेंपाइश्‍शो खोदेंशो पा गो यो सेंसीशा, नक लांम गाक्‍तय। कलस्‍सी २:१२; १पत्रुस ३:२१

रोमी 8:11

परमप्रभु यावे आ सोक्‍तीमी दोपा ख्रीस्‍त येसु कली बेक्‍शो रे सेंदा, मोपान इं कली यो सेंशा ब्रोंइचा गेब। मारदे हना मुल मेको सोक्‍त इं आगाम बाक्‍शा, इं कली ब्रोंइचा गेब।

१ कोरिन्‍थी 15:12

मिनु ख्रीस्‍त बेक्‍शो रे सेंसाक्‍व, दे शेंशो बाक्‍त। तन्‍न इन दाते ङा का निक्‍शीमी “बेक्‍शो मुर बेक्‍शो रे मसेंसीनीम” देंशा दोपा देंने चाप्‍नीमी?

२ कोरिन्‍थी 4:14

मार लोव़ थमा सुइश्‍शा, नेंपाइक्‍नीकी देंशा हना “प्रभु येसु कली बेक्‍शो रे सेंबमी आंइ कली यो येसु नु सेंब” दे लोव़ बाक्‍ब। मिनु मेकोमी गे, गो नेल्‍ल इं कली आ ङोंइती बाक्‍चा गेब। १कोरिन्‍थी ६:१४

२ कोरिन्‍थी 5:10

मारदे हना गो नेल्‍ल ख्रीस्‍त आ ङोंइती निसाफ पची ना जाक्‍चा माल्‍नीकी। रांम बाक्‍यानु, इं रांम पशो रिम्‍शो नु मरिम्‍शो नेल्‍ल ताइनीकी। प्रेरित १७:३१; रोमी २:१६; रोमी १४:१०; यूहन्‍ना ५:२९; एफिसी ६:८

एफिसी 2:5

मेना गोपुकी मटिथु बेक्‍शो बाक्‍तय हना यो, मेकोमी इं कली ख्रीस्‍त नु कालेम सेंताक्‍व। मोपा आ शिशी रे गोपुकी ब्रोंइशो बाक्‍तय।

एफिसी 3:16

मिनु गोमी परमप्रभु यावे कली “इन शुश छेङछेङ नु सक्तिम, एफिसस ङा थमा सुइक्‍ब आन थुं बोल्‍यो से‍लीन। मिनु इन सोक्‍त आन थुंमी बाक्‍मेनु, महिंब दुम्‍नीम। एफिसी १:७; एफिसी ६:१०; २कोरिन्थी ४:१६‍

फिलिप्‍पी 3:21

मेकोमी इं बेक्‍चशो रां आ सक्ति पाइश्‍शो रां खोदेंशो सेल्‍ब। मेको आ सक्तिमी नेल्‍ल आन कली आ ङोंइती खुम्‍की पा बाप्‍पाइक्‍ब। १कोरिन्‍थी १५:४९; २कोरिन्‍थी ५:१; १यूहन्‍ना २:३

फिलिप्‍पी 4:13

आं कली सक्ति गेब आ नेंमी गो नेल्‍ल पने चाप्‍नुङ। २कोरिन्‍थी १२:१०

कलस्‍सी 1:11

इन छेङछेङ ङा सक्ति खोदेंशो पा मेको आन कली सक्ति पाइश्‍शो, बोल्‍यो सेलीन। मिनु सक्ति पाइश्‍शो बोल्‍यो दुम्‍शा, मारेइ मारेइ फाल्‍ने चाप्‍नीम” दे प्रार्थना पाइतस्‍कु।

कलस्‍सी 1:16

सरीङ नु रागीमी बाक्‍ब, तांइसीब नु मतांइसीब नेल्‍ल, पिपपुकी, मान पचा पुंइसीबपुकी, हुकुम पाइबपुकी, अधिकार पाइब नेल्‍ल नु मार मार सेल्‍शो बाक्‍मा, मेको नेल्‍ल येसु ख्रीस्‍तमी आंम कली सेल्‍तु। यूहन्‍ना १:३,१०; हिब्रू १:२

१ थिस्‍सलोनिकी 4:14

गोपुकी येसु बेक्‍शा सेंसाक्‍व, दे थमा सुइक्‍तय हना, परमप्रभु यावेमी येसु आ पतीकेमी बेक्‍शो मुर आन कली सेंशा चाक्‍ब। रोमी १४:९; १कोरिन्‍थी १५:३,९,१२

१ पत्रुस 3:18

मारदे हना ख्रीस्‍त यो मुर नेल्‍ल आन पाप क्‍याम्‍चा कली साइक्‍चा पुंइसाक्‍व। ठीक पाइबमी ठीक मपाइब आन श्‍येत जाप्‍तु। मो पशा इं कली परमप्रभु यावे आ बाक्‍तीक चाक्‍दीप्‍ब। मोपतीके साइक्‍चा पुंइसीशा यो, सेंचा पुंइसाक्‍व।

प्रकाश 2:23

आ आल आन कली मुर साइक्‍ब रोइम साइक्‍नुङमी। मेको आन श्‍येत जशा, बेक्‍शो तशा ‘गोम पाप्‍तु’ दे थमा सुइक्‍ब नेल्‍लेमी तुइक्‍नीमी। मिनु थमा सुइक्‍ब आन ग्रुम्‍तीके ङा मुर नेल्‍लेमी ‘येसु ख्रीस्‍तमी मुर आन थुं नु आन पशो तुइक्‍ब। मिनु नोले दोपा पामे, मोपा गेब’ दे तुइक्‍नीम। भजन संग्रह ७:१०; येरमीया १७:१०