यूहन्‍ना 4:25 - Sunuwar Bible

²⁵ मिनु मीश मुरुमी “मस्‍सीह जाक्‍ब, दे तुइक्‍नुङ। मेको कली ख्रीस्‍त यो देंनीमी। मेको जाक्‍शा, आंइ कली नेल्‍ल शेंब” दें‍त। यूहन्‍ना १:४१

यूहन्‍ना 4:25 ပူးပေါင်းရင်းမြစ်များ

मत्ती 1:16

मिनु याकूबमी योसेफ थि‍माक्‍त। योसेफ मरीयम आ वोंइश बाक्‍माक्‍त। मरीयममी येसु थि‍माक्‍त। येसु कली ख्रीस्‍त देंमा बाक्‍त। लूका १:२७

मत्ती 27:17

मिनु सरकार ङा ठेयब मुरुमी “बारब्‍बा कली प्रोंइचा, दे ख्रीस्‍त देंशो येसु कली प्रोंइचा? तेको कली प्रोंइचा?” दे हिल्‍लो पामी बाक्‍त।

मत्ती 27:22

मिनु पिलातसमी “ख्रीस्‍त देंशो येसु कली मार पदु, मिनु?” देंमेनु “शीमी केप्‍शा कांटी थोक्‍शा क्‍याइश्‍शा साइक्‍चा माल्‍ब, सरकार” देंमा बाक्‍त।

लूका 2:11

एको ग्‍येरपाइक्‍ब लोव़ दोदेंशो बाक्‍ब देंशा हना, मुलाक्‍दो पिप दाऊद आ सहरम आल का जरमेसाक्‍व। मेको नक जरमेशो आल पाप रे प्रोंइब, प्रभु येसु ख्रीस्‍त बाक्‍ब।

यूहन्‍ना 1:49

मिनु नथानेलमी “शेंब, गे परमप्रभु यावे आ तौ ननी। गे इस्राएल ङा मुर आन पिप ननी” देंत। यूहन्‍ना ६:६९; भजन संग्रह २:७; येरमीया २३:५; मत्ती १४:३३; मत्ती १६:१६

यूहन्‍ना 4:29

“मुर का कली कोव़थ पिने। मेकोमी आं पशो नेल्‍ल तुइश्‍शा गो नु लोव़ पाप्‍तु। मेको ख्रीस्‍त बाक्‍म, कों?” दे मुर आन कली माइक्‍मी बाक्‍त।

यूहन्‍ना 4:39

मेको मीश मुरुमी सामरीया ङा सीकार सहर ङा मुर आन कली “आं पशो गेय नेल्‍ल माइक्‍ती” देंशो नेंशा, सामरीया ङा मुर शुशेमी “मेकोन परमप्रभु यावे आ सोइश्‍शो ख्रीस्‍त बाक्‍त” दे थमा सुदमे बाक्‍त।

यूहन्‍ना 4:42

मेकोपुकीमी मीश मुर कली “इ देंतीक गो थमा मसुइक्‍नीकी। तन्‍न आ शेंशो आंमा नेंतक। रागी ङा मुर आन कली पाप रे प्रोंइब एकोन बाक्‍त, दे रुप्‍शा तुइक्‍ताक्‍क” देंतेक्‍म। प्रेरित ८:५-८