यूहन्‍ना 4:24 - Sunuwar Bible

²⁴ परमप्रभु यावे सोक्‍त बाक्‍ब। मिनु सुम मेको कली ठेयब सेल्‍नीमी, मेकोपुकीमी आ सोक्‍त पतीकेमी थमा पा ठेयब सेल्‍चा माल्‍नीम” देंत। २कोरिन्‍थी ३:१७; रोमी १२:१

यूहन्‍ना 4:24 ပူးပေါင်းရင်းမြစ်များ

भजन संग्रह 145:18

परमप्रभु यावे आ कली पुंइब नेल्‍ल आन नेक्‍था बाक्‍ब। सु सुमी मेको कली थमा पा पुंइनीमी, मेको आन नेक्‍था बाक्‍ब।

भजन संग्रह 50:23

सु सुमी ‘गे रिम्‍शो पाइब बाक्‍नीनी’ देंनीमी, मेकोपुकीमी आं कली ठेयब सेल्‍नीम। मिनु गो मेको आन कली लां सेल्‍नुङ। गो मेको आन कली आं पाप रे प्रोंइतीके कोंइनुङमी” दे परमप्रभुमी देंत।

भजन संग्रह 51:17

परमप्रभु, गे मरिम्‍शो पशो आ पर्बम जिक्‍शो थुं नु ब्रेम्‍शो मुर आन थुं दाक्‍नीनी। भजन संग्रह ३४:३९

भजन संग्रह 66:18

आं थुंमी पाप बाक्‍शो हना, परमप्रभुमी आं लोव़ मनेन वा। हितोपदेस २८:९

यसैया 57:15

मिनु ठेयब नु इर ङा, गेना हना यो बाक्‍ब आ नें का ला बाक्‍शो परमप्रभुमी “गो नेल्‍ल क्‍येङा इर ङा आं बाक्‍तीकेमी बाक्‍नुङ। मिनु गो थुं लुक्‍च लशो नु दिप्‍चा पुंइसीशो मुर नु बाक्‍नुङ। गो दिप्‍शो मुर नु आन थुं लुक्‍च लशो आन थुं बारपाइक्‍चा कली मेकोपुकी नु बाक्‍नुङ। भजन संग्रह ११३:५-९; यसैया ६६:१-२; भजन संग्रह ५०:१९

यूहन्‍ना 4:23

मिनु मुल नु नोले थमा पा आं आफ कली ठेयब सेल्‍बपुकीमी आ सोक्‍त आ पतीकेमी थमा पा ठेयब सेल्‍नीमी। आं आफोमी मोदेंशो मुर माल्‍ब।

२ कोरिन्‍थी 1:12

गो आंइ नें बोरपा बाक्‍नीकी। मारदे हना परमप्रभु यावेमी सक्ति गेतीकी। मिनु मेको आन मुर दुम्‍शा, मुर नेल्‍ल आन कुल, इन कुल यो रिम्‍शो थुं रे पा गेय कोंइताक्‍क। आंम आंइ रागी ङा जोक्‍तीक तुइक्‍तीक रे ममाइ। तन्‍न परमप्रभु यावे आ शिशीम पतीके बाक्‍ब। २कोरिन्‍थी २:१७; हिब्रू १३:१८; १कोरिन्‍थी १:१७

२ कोरिन्‍थी 3:17

मारदे हना प्रभु सोक्‍त बाक्‍ब। प्रभु आ सोक्‍ती ते बाक्‍बा, मेकेर पाप आ सजाइ रे ब्रोंइतीके बाक्‍ब।

फिलिप्‍पी 3:3

मारदे हना गोपुकी थमा ख्रोइक्‍तीक चिनु ङा मुर बाक्‍नय। गोपुकीमी परमप्रभु यावे आ सोक्‍त आ पतीकेमी खुम्‍की पा बाप्‍शा, परमप्रभु यावे कली गेय पशा, ख्रीस्‍त येसु आ पतीकेमी ग्‍येरस‍य। मुर आ पतीकेमी थमा मसुइय्‍य। रोमी २:२९

१ तिमोथी 1:17

गेना हना यो मबेक्‍थु बाक्‍ब पिप कली सुइमी तने मचाप्‍नीम। मेको कांइचीक परमप्रभु, परमप्रभु यावे बाक्‍ब। गेना हना यो मान ताक्‍चा नु छेङछेङ मेको केन बाक्‍ब। आमेन।

१ सामुएल 16:7

तन्‍न परमप्रभु यावेम मेको कली “मेको दारशो नु लाइश्‍शो बाक्‍त हना यो, मेको कली ममिम्‍तो। गो मेको कली पिप मसेल्‍नुङ। गो, परमप्रभु यावेम मुरुम खोदेंशो पा मकोव़नुङ। मुरुम रां दारशो कोव़शा मिम्‍नीम। गो मुर आ थुं कोव़नुङ” देंमाक्‍त। येरमीया १७:१०; प्रकाश २:२३; प्रेरित १०:३४