यूहन्‍ना 4:21 - Sunuwar Bible

²¹ मिनु येसुमी मेको मीश मुर कली “इच्‍का नोले गे इं आफ कली मेको डांडामी नु यरूसलेममी ठेयब मसेल्‍नीनी। गे आं देंशो लोव़ थमा सुतो।

यूहन्‍ना 4:21 ပူးပေါင်းရင်းမြစ်များ

यसैया 66:1

मिनु परमप्रभु यावेमी “स्‍वर्ग आं नित्‍तीके नु रागी आं खोइल वोइक्‍तीक बाक्‍ब। गे आं कली दोदेंशो खिं सेल्‍ने चाप्‍‍‍नीनी? तेकेर नाइक्‍नुङा? १राजा ८:२७; बिलाप २:१; प्रेरित ४:४९; प्रेरित १७:२४

इजीकीएल 14:3

मार लोव़ पाप्‍तु देंशा हना “ए मुर, एको खाल्‍पापुकीम आन मूर्ति आन आन थुंम वोइश्‍शो बाक्‍तेक्‍म। मिनु मरिम्‍शो पा दाइल पांइसीतीक फुल्‍लु यो आन ङोंइती वोइश्‍शो बाक्‍नीम। मार, आन हिल्‍लो पशो लोव़ गो लेत्‍चा माल्‍नुङा, ङा?

इजीकीएल 20:3

मेकोमी “ए मुर, इस्राएल ङा खाल्‍पा आन कली लोव़ पावो। गो, परमप्रभु, परमप्रभु यावेमी, मारदे गेपुकी आं कली हिल्‍लो पथ जाक्‍नी? गो आं ब्रोंइशा बाक्‍शो खोदेंशो पा, इन कली लोव़ मलेत्‍नुङ। इजीकीएल १४:३

मलाकी 1:11

“नां दाप्‍तीक रे नां पेरतीक सम्‍म रागी रागी ङा मुर आन दातेमी आं नें ठेयब बाक्‍ब। रागी नेल्‍ल ङा मुरपुकीमी आं कली धूप चोशा, रिम्‍शो थोव़क चढ़ेनीम। मारदे हना रागी रागी ङा मुर आन दातेमी आं नें ठेयब बाक्‍ब” दे मुर नेल्‍ल आन परमप्रभु यावेमी देंत। यसैया ६०:१-७

मत्ती 18:20

मारदे हना तेकेर आं नेंमी निक्‍शी सां खुम्‍सीनीमी, मेकेर गो यो बाक्‍नुङ” दे येसुमी देंत।

मत्ती 28:19

मोपतीके रागीम नेल्‍ल हिरशा, नेल्‍ल जात, थर ङा मुर आन कली आं पर्बमी शेंशा, आं नोले खोइक्‍ब शेंसीब सेलीने। आं आफ, परमप्रभु यावे, आ तौ नु परमप्रभु यावे आ सोक्‍त आन नेंमी मेको आन कली ब्‍वाक्‍कुम ख्रुम्‍शा ग्रुंइदीने। मत्ती २४:१४; मर्कूस १६:१५-१६; २कोरिन्‍थी ५:२०

लूका 21:24

कोइ तरवारम बेक्‍नीमी। कोइ ग्‍याइश्‍शा अर्को रागीम लाइक्‍चा पुंइसीनीम। मिनु आन नाक्‍त मजाक्‍दीम सम्‍म अर्को जात ङा मुरपुकीमी यरूसलेम कली दिप्‍‍शा वोइक्‍नीम। यसैया ६३:१८; प्रकाश ११:२; रोमी ११:२५

यूहन्‍ना 14:6

मिनु येसुमी “गो थमा नु ब्रोंइचा गेब लां नङ। सुइ आन पतीक गेना हना यो आं आफ नु बाक्‍चा मताइनीम। तन्‍न आं पतीके रे ला गेना हना यो परमप्रभु यावे नु बाक्‍चा ताइनीम। यूहन्‍ना १०:९; मत्ती ११:२७; रोमी ५:१-२; हिब्रू १०:२०

यूहन्‍ना 16:2

मुरपुकीमी इन कली ग्रुम्‍तीक खिं रे तिल्‍नीम। थमा, इच्‍का नोले इन कली साइक्‍बपुकीमी ‘गो परमप्रभु यावे आ दाक्‍शो पना पन बाक्‍ती’ दे मिम्‍नीम। मत्ती १०:१७,२२; मत्ती २४:९

यूहन्‍ना 16:32

नोले नेल्‍ल ब्राशा, इन खिं खिं लशा, आं कली प्रोंइनीनी। मिनु गो का ला बाक्‍नुङ। तन्‍न गो का ला मदुम्‍नुङ। मारदे हना आं आफ गो नु बाक्‍ब। जकरिया १३:७; मत्ती २६:३१

यूहन्‍ना 4:23

मिनु मुल नु नोले थमा पा आं आफ कली ठेयब सेल्‍बपुकीमी आ सोक्‍त आ पतीकेमी थमा पा ठेयब सेल्‍नीमी। आं आफोमी मोदेंशो मुर माल्‍ब।

यूहन्‍ना 5:25

नोफा दाइश्‍शा नेनीन, बेक्‍शो मुरपुकीमी मुल परमप्रभु यावे आ तौ आ सेंदा नेंनीम। सुमी नेंबा, मेको गेना हना यो ब्रोंइशा बाक्‍चा ताइब। एफिसी २:५-६

यूहन्‍ना 5:28

आं देंशो आ पर्बम छक मलाक्‍कीन। मारदे हना इच्‍का नोले तुरसुमी बाक्‍शो बेक्‍शो मुर नेल्‍लेमी रागीमी जरमेशो आ सेंदा नेंनीम।

प्रेरित 6:14

मेको नासरथ ङा येसुमी परमप्रभु यावे आ खिं प्रेप्‍ब। मोसामी गेशो पतीके लोव़ प्रोंइशा, नक पतीक वोइक्‍ब, देंशो आंइ नोफामी नेंतक” दे ब्‍वाक्‍पदमे बाक्‍त। यूहन्‍ना २:१९

एफिसी 2:18

मोपा गोपुकी परमप्रभु यावे आ सोक्‍तीम पतीके नेल्‍ल येसु ख्रीस्‍त रे पा इं आफ परमप्रभु यावे आ नेक्‍था जाक्‍दीत्‍नय। एफिसी ३:१२

एफिसी 3:14

मोदेंशो पा गो इं आफ परमप्रभु यावे आ ङोंइती बाप्‍शा, पोक्‍च थेक्‍शा, इन कली मिम्‍शा पुंइशा बाक्‍नुङ।

१ तिमोथी 2:8

तेइ तेइ ङा वोंइश मुरपुकीमी प्रार्थना पचा माल्‍नीम। परमप्रभु यावे कली थुं नेल्‍लेम थमा सुइक्‍ब गे गुइ पोक्‍शा, मगाइक्‍ब नु मजीब दुम्‍शा, परमप्रभु यावे नु लोव़ पशो तचा दाक्‍नुङ।

१ पत्रुस 1:17

गेपुकीमी परमप्रभु यावे कली “इं आफ” दे पुंइना पुंइन बाक्‍नीनी। मेकोमी मुर आन कुल मकोव़थु, आन पशो कोव़शा, निसाफ पाइब। मोपतीके गे रागीमी बाक्‍नीनु, पाप पचा हिनीन। रोमी २:११; फिलिप्‍पी २:१२

प्रकाश 21:22

मिनु गो मेको सहरमी परमप्रभु यावे आ खिं मतङ। मारदे हना परमप्रभु यावे, नेल्‍ल सक्ति पाइश्‍शो परमप्रभु नु पाठा आंमान मेकेर बाक्‍नीस।