यूहन्‍ना 4:19 - Sunuwar Bible

¹⁹ मिनु “प्रभु, गे परमप्रभु यावे आ लोव़ पाइब का बाक्‍नी बाक्‍त। मोपतीके आं मारेइ मारेइ तुइक्‍ताक्‍नी।

यूहन्‍ना 4:19 ပူးပေါင်းရင်းမြစ်များ

२ राजा 5:26

तन्‍न एलीशाम मेको कली “मार, मेको मुर आ बग्‍गी रे तोइश्‍शा इ कली ग्रुम्‍थ पिमेनु, आं सोक्‍त गे नु मबाक्‍म ङा? मुल क्‍येट, वा, तेल रवा, अङगुर रू, भेडा, ब्‍यफ नु वाइलीम वाइलपुकी आंम के सेल्‍तीक ना बाक्‍बा ङा?

२ राजा 6:12

मिनु मेको लडाइ पाइब आन ठेयब मुर आन दाते ङा काम “आं प्रभु पिप, आं प्रभु, गो सुइम मो मपक। तन्‍न इस्राएल ङा परमप्रभु यावे आ लोव़ पाइब एलीशाम गे इन इप्‍तीक कोठाम ब्‍वाक्‍शो यो शेंब” देंमाक्‍त।

मत्ती 21:11

मिनु येसु नु काथा गाक्‍बपुकीमी “गालील रागी ङा नासरथ रे जाक्‍शो परमप्रभु यावे आ लोव़ पाइब येसु एको बाक्‍ब” देंतेक्‍म।

लूका 24:19

येसुमी “मार दुम” देंमाक्‍त। मिनु मेको निक्‍शीमी “मार दुम्‍त देंशा हना, नासरथ ङा येसुमी परमप्रभु यावे आ लोव़ पवानु, शुश चिन्‍ड कोंइताक्‍व। परमप्रभु यावे नु मुर नेल्‍ल आन ङोंइती मोदेंशो पाप्‍तु। मत्ती २१:११

लूका 7:16

मिनु मुरपुकी मोदेंशो दुम्‍शो तशा, हिंमा बाक्‍त। मिनु मेकोपुकीमी परमप्रभु यावे कली ठेयब सेल्‍शा “इं दातेमी परमप्रभु यावे आ लोव़ पा छक लाक्‍चा ङा गेय पाइब का ग्रूमाक्‍त। परमप्रभु यावेम इं कली थमा पा शिशी पाइक्‍बाक्‍त” देंमा बाक्‍त। मत्ती १६:१४; लूका १:६८

लूका 7:39

मिनु फरिसीमी मो पशो तशा “येसु परमप्रभु यावे आ लोव़ पाइब बाक्‍त हना, आ कली थीब मीश मुर दोदेंशो बाक्‍म, दे तुइक्‍त वा। मारदे हना पापी बाक्‍ब” दे मिम्‍ता बाक्‍त।

यूहन्‍ना 4:18

इ के ५ जना वोंइश बाक्‍तेक्‍म। मुल गे नु बाक्‍ब चहिं इ वोंइश ममाइ। इ लोव़ थमा बाक्‍ब” देंत।

यूहन्‍ना 4:29

“मुर का कली कोव़थ पिने। मेकोमी आं पशो नेल्‍ल तुइश्‍शा गो नु लोव़ पाप्‍तु। मेको ख्रीस्‍त बाक्‍म, कों?” दे मुर आन कली माइक्‍मी बाक्‍त।

यूहन्‍ना 6:14

मिनु मुरपुकीमी येसु आ पशो छक लाक्‍चा ङा गेय तशा “रागीमी जाक्‍ब परमप्रभु यावे आ लोव़ पाइब एकोन बाक्‍त” देंतेक्‍म। ब्‍यवस्‍था १८:१५

यूहन्‍ना 7:40

मिनु येसु आ शेंशो नेंशा, मुर का निक्‍शीमी “एकोन थमा परमप्रभु यावे आ लोव़ पाइब बाक्‍ब” देंतेक्‍म। यूहन्‍ना ६:१४

यूहन्‍ना 9:17

मिनु फरिसीपुकीमी लेंशा आ मिक्‍च साशो कली “मिनु इ कली मिक्‍च ताइब सेल्‍ब आ पर्बम मार देंनेवे?” दे हिल्‍लो पाम्‍तेक्‍म। मिनु मेकोमी “परमप्रभु यावे आ लोव़ पाइब बाक्‍त” देंत।

ब्‍यवस्‍था 18:15

परमप्रभु यावे, इन परमप्रभुमी इन दाते रे आं खोदेंशो पा आ लोव़ पाइब का योव़ब। गेपुकीमी मेको आ लोव़ नेंचा माल्‍नीनी। गन्‍ती १२:६-८; यूहन्‍ना १:४५; यूहन्‍ना ६:१४; यूहन्‍ना ७:४०; प्रेरित ३:२२; प्रेरित ७:३७