यूहन्‍ना 4:14 - Sunuwar Bible

¹⁴ तन्‍न सुमी आं गेशो ब्‍वाक्‍कु तूबा, मेकोमी लेंशा तूतू मदाक्‍ब। आं गेशो ब्‍वाक्‍कु मुर आगामी बुक्‍शो खोदेंशो पा बारशा, गेना हना यो ब्रोंइशा बाक्‍चा गेब” दें‍त। यूहन्‍ना ६:३५; यूहन्‍ना ७:३८-३९; भजन संग्रह ३६:१०

यूहन्‍ना 4:14 ပူးပေါင်းရင်းမြစ်များ

यसैया 49:10

शोव़लु मबेक्‍नीम, तूतू मदाक्‍नीम। नां नु होश फश नु नांमी मेको आन कली मनाप्‍ब। मारदे हना मेको आन कली शिशी पाइबमी मेको आन कली खुल्‍ब। प्रकाश ७:१६

यसैया 55:1

मिनु परमप्रभु यावेमी “तूतू दाक्‍बपुकी ब्‍वाक्‍कु बाक्‍तीकेम जाक्‍कीन। क्‍येट मथीबपुकी यो जाक्‍कीन। मिनु ग्‍याप्‍शा जने। क्‍येट मथाप्‍थु, मोशा अङगुर शांबु नु दूध ग्‍यापीन। यूहन्‍ना ७:३७; प्रकाश २२:१७

यसैया 58:11

मिनु परमप्रभु यावेमी इन कली गेना हना यो लां कोंइब। गे श्‍येत जनी ना इन माल्‍शो नेल्‍ल गेब। मिनु इन रुश बोल्‍यो सेल्‍ब। गे ब्‍वाक्‍कु लाब्‍वेशो फल फुल रू खोदेंशो बाक्‍नीनी। गे गेनायो मसोव़ब ब्‍वाक्‍कु बुक्‍तीके खोदेंशो दुम्‍नीनी। येरमीया ३१:१२

येरमीया 2:13

मारदे हना आं मुरपुकीम निक्‍शी खेयप मरिम्‍शो पाम्‍तेक्‍म। मेकोपुकीमी, ब्रोंइतीक ब्‍वाक्‍कु बुक्‍तीके, आं कली प्रोंइतेक्‍म। मिनु आंम कली सोव़शो रागीमी ब्‍वाक्‍कु मदेम्‍तीक इनार दोम्‍तेक्‍म। येरमीया १७:१३; भजन संग्रह ३६:१०; यूहन्‍ना ७:३८

येरमीया 31:25

गो दशो आन कली लेंशा बोल्‍यो सेल्‍नुङमी। मिनु थशो आन कली लेंशा बोल गे‍नुङमी” देंत।

इजीकीएल 47:9

मेको ब्‍वाक्‍कु शाइक्‍तीकेमी शुश खाल ङा जन्‍तु बाक्‍नीम। मेकेर हिक्‍ने मचाप्‍चा ङा पा, ङांइ बाक्‍नीम। मारदे हना मेको ब्‍वाक्‍कु मेकेर जाक्‍दीश्‍शो बाक्‍ब। मेको ब्‍वाक्‍कु रिम्‍शो दुम्‍तीके मेकेर मारेइ मारेइ ब्रोंइनीम। प्रस्‍थान १५:२३

लेवी 11:36

मो हना यो ब्‍वाक्‍कु बुक्‍तीके, कुवा नु ब्‍वाक्‍कु वोइक्‍तीके चोव़खो बाक्‍नीम। तन्‍न मेको आन सिनु थीब चहिं ग्रांग्रा दिशो बाक्‍ब।

मत्ती 25:46

मिनु मेकोपुकी गेना हना यो सजाइ ततीकेमी लाइनीम। परमप्रभु आ ङोंइती ठीक दुम्‍शोपुकी चहिं गेना हना यो परमप्रभु यावे नु बाक्‍चा ततीकेमी लाइनीम” दे शेंताक्‍मी। यूहन्‍ना ५:२९; याकूब २:१३

मत्ती 5:6

ठीक पशो तचा दाक्‍बपुकी आसीक राइनीम। मारदे हना आन दाक्‍शो ताइनीम। लूका १८:९-१४; यूहन्‍ना ६:३५

यूहन्‍ना 10:10

खुइमी दा खुइ पथ, साइक्‍थ नु प्रेत्‍थ ला जाक्‍ब। गो चहिं भेडा आन कली ब्रोंइचा गेशा, ग्‍येरसीशा बाक्‍मल, दे जाक्‍ती” दे शेंताक्‍व।

यूहन्‍ना 11:26

सु ब्रोंइबा, मिनु आं कली थमा सुइक्‍बा, मेको गेनायो मबेक्‍ब। एको लोव़ थमा सुइक्‍नेवे?” दे हिल्‍लो पाप्‍तु। यूहन्‍ना ८:५१

यूहन्‍ना 4:10

मिनु येसुमी मेको मीश मुर कली “परमप्रभु यावेमी इ कली मार गेचा दाक्‍ब, दे तुइक्‍ताक्‍वी हना, नु ब्‍वाक्‍कु पुंइब, आं कली, सु बाक्‍नुङ, दे तुइक्‍ताक्‍वी हना, आं कली ‘ब्‍वाक्‍कु गेयी’ दे पुंइदी वा। मिनु ब्रोंइचा गेब ब्‍वाक्‍कु गेन वा” दे मदा बाक्‍त। यूहन्‍ना ७:३८-३९

यूहन्‍ना 4:11

मिनु मीश मुरुमी “प्रभु, एको इनार दुइश्‍शो बाक्‍ब। इन के ब्‍वाक्‍कु ग्रुंइतीक मबा। ते रे ब्रोंइचा गेब ब्‍वाक्‍कु गे‍नीनी?

यूहन्‍ना 4:13

मिनु येसुमी “सुमी एको ब्‍वाक्‍कु तूबा, मेकोमी लेंशा तूतू दाक्‍ब। यूहन्‍ना ६:५८

यूहन्‍ना 4:36

रुप्‍‍बमी गाल्‍च ताइब। मेकोमी गेना हना यो ब्रोंइशा बाक्‍चा कली मुर आन कली चाक्‍ब। मिनु शोक्‍ब नु रिक्‍ब नेल्‍ल कालेम ग्‍येरसीनीम।

यूहन्‍ना 6:27

राक्‍चा ङा जचा थोव़क कली श्‍येत मपने। मराक्‍चा ङा जचा थोव़क कली चहिं गेय पने। मराक्‍चा ङा जचा थोव़क मार बाक्‍मे देंशा हना, गेना हना यो ब्रोंइशा बाक्‍चा बाक्‍ब। रागीमी जरमेशोमी इन कली मेको जचा थोव़क गेब। मारदे हना आ आफोमी रागीम जरमेशो कली आ छाप थोक्‍ताक्‍व” दे येसुमी शेंताक्‍व। यूहन्‍ना ५:३६

यूहन्‍ना 6:35

मिनु येसुमी “गेना हना यो परमप्रभु यावे नु ब्रोंइ‍चा गेब शोब्‍ले गो नङ। सु सु आं गे पीनीमी, मेको शोव़लु मबेक्‍नीम। मिनु आं कली थमा सुइक्‍बपुकी गेनायो तूतू मदाक्‍नीम। यूहन्‍ना ४:१४; यूहन्‍ना ७:३७

यूहन्‍ना 6:58

मेको स्‍वर्ग रे यिशो शोब्‍ले बाक्‍ब। इन किकी पिपीमी शोब्‍ले जशा बेक्‍तेक्‍म। गो मेको खोदेंशो शोब्‍ले मगेनुङ। सुमी चहिं आं शोब्‍ले जाइबा, मेको गेना हना यो ब्रोंइशा बाक्‍ब” देंत।

यूहन्‍ना 7:37

मिनु बाली ओंइतीक चाड नुप्‍ची नाक्‍त नेल्‍ल क्‍येङा ठेयब नाक्‍ती बाक्‍त। मेना येसुमी मुर आन कली “सु सुमी तूतू दाक्‍नीमी, मेको आं गे पिशा तूङमेक्‍ल। लेवी २३:३६; यूहन्‍ना ४:१०; यसैया ५५:१; प्रकाश २२:१७

रोमी 5:21

दोपा पापमी मुर आन कली बेक्‍पाइक्‍ब सेल्‍मी, मोपा येसु ख्रीस्‍त आ शिशी नु ठीक पतीकेमी मुर आन कली परमप्रभु यावे नु गेना हना ब्रोंइशा बाक्‍ब सेल्‍ब। मेको नेल्‍ल इं प्रभु येसु ख्रीस्‍तम पशो बाक्‍ब। रोमी ६:२३

रोमी 6:23

मरिम्‍शो पशो आ गाल्‍च बेक्‍चा बाक्‍ब। परमप्रभु यावे आ गेशो शिशी चहिं इं प्रभु येसु ख्रीस्‍त रे पा गेना हना यो ब्रोंइशा बाक्‍चा बाक्‍ब। रोमी ५:१२; उत्‍पत्ती २:१७; याकूब १:१५

२ कोरिन्‍थी 1:22

मेकोमी इं कली छाप थोक्‍ताक्‍व। मिनु आ सोक्‍त इं थुंमी वोइक्‍तु। मेको सोक्‍त बैना खोदेंशो पा गेप्‍तु। एफिसी १:१३; २कोरिन्‍थी ५:५; रोमी ८:१६

एफिसी 4:30

परमप्रभु यावे आ सोक्‍त कली थुं मखाइक्‍पतीन। मारदे हना गेपुकी परमप्रभु यावे आ बाक्‍तीके मजाक्‍दीन्‍नी सम्‍म परमप्रभु यावे आ सोक्‍तीमी छाप थोक्‍सीशो बाक्‍नीनी। यसैया ६३:१०; एफिसी १:१३-१४

१ पत्रुस 1:22

दोपा येसु ख्रीस्‍त आ देंशो टिशा, थमा गेय पा पाप रे ङोन बाक्‍नी, मोपा गे लोक्‍ब आन कली यो थमा पा दाक्‍नीनी। गे थमा सुइक्‍बपुकी इन थुं नेल्‍लेमी थमा पा दाक्‍मुने।

१ यूहन्‍ना 5:20

मिनु परमप्रभु यावे आ तौमी इं कली रुप्‍तीक थुं गेप्‍तु, दे तुइक्‍नय। मेको रुप्‍तीक थुंमी थमा पतीके कली तुइक्‍नय। गोपुकी मेको थमा पाइब नु थुं का ङा बाक्‍नय। मोपा आ तौ येसु ख्रीस्‍त नु यो थुं का ङा बाक्‍नय। मेको थमा परमप्रभु यावे नु गेना हना यो ब्रोंइशा बाक्‍तीक बाक्‍ब। यूहन्‍ना १७:३

प्रकाश 7:16

मुल मेकोपुकी लेंशा शोव़लु मबेक्‍नीम। तूतू मदाक्‍नीम। नां नु अर्को रापमी मेको आन कली गेनायो मनाप्‍ब। यसैया ४९:१०

प्रकाश 7:17

मारदे हना मेको ठेयब नित्‍तीके आ दातेमी बाक्‍शो पाठामी मेको आन कली कोव़शा, गोठला पाइब। मिनु मेकोमी मेको आन कली ब्रोंइचा गेब ब्‍वाक्‍कु बुक्‍तीके कोंइब। मोपा परमप्रभु यावेमी मेको आन प्रेक्‍कु फिक्‍ब” देंत। भजन संग्रह २३:२; प्रकाश २१:४; यसैया २५:८