यूहन्‍ना 3:35 - Sunuwar Bible

³⁵ आफोमी आ तौ कली दाक्‍शा, मेको कली नेल्‍ल क्‍येङा ठेयब अधिकार गेप्‍तु। यूहन्‍ना ५:२०; मत्ती ११:२७

यूहन्‍ना 3:35 ပူးပေါင်းရင်းမြစ်များ

उत्पत्ती 41:44

मिनु फाराओमी “गो फाराओ नङ। इजीप्‍त रागीमी गे मार पचा देंनी, मेको ला पचा माल्‍नीम” दे योसेफ कली देंमाक्‍त।

उत्पत्ती 41:55

मिनु इजीप्‍त रागीमी ठेयब अन्‍काल दुम्‍शा, मुरपुकीमी फाराओ कली “अन्‍न गेकी” दे पुन्‍मे बाक्‍त। मिनु फाराओम इजीप्‍त ङा मुर आन कली “योसेफ नु पुंइथ लने। मेकोमी मार देंबा, मेको पने” दे माइक्‍मी बाक्‍त।

भजन संग्रह 2:8

मिनु लेंशा परमप्रभु यावेमी आं कली “गे आं कली पुंइतीवी हना, गो रागी रागी ङा मुर इ कली गेनुङ। रागी ङा सुर सम्‍म नेल्‍ल इ कली गेनुङ। दानीएल ७:१३-१४; हिब्रू १:२

हितोपदेस 8:30

मेना गो परमप्रभु यावे आ नेक्‍था जोक्‍ब तुइक्‍ब गेय पाइब खोदेंशो पा बाक्‍शो नङ। मेकोमी नाक्‍त किंत किंत आं कली तशा ग्‍येरसाक्‍व। गो यो मेको नु ग्‍येरसीशा बाक्‍ती।

यसैया 42:1

परमप्रभुमी “आं गेय पाइब कली कोव़ङीन। गो मेको कली सक्ति गेनुङ। आं योव़शो गेय पाइब तशा, आं थुं ग्‍येरसीब। गो मेको कली आं सोक्‍तीम प्रिंताक्‍ङ। मेकोमी रागी रागी ङा मुर आन कली ठीक निसाफ पाइ‍ब। यसैया ४९:१-६; यसैया ५०:४-११; यसैया ५२:१३-यसैया ५३:१२; मत्ती १२:१८-२१; मत्ती ३:१७

दानीएल 7:14

मिनु मेको कली सासन पतीक अधिकार, मान ततीक नु पिप सेल्‍‍शा राज्‍य गेशो ताता। मिनु जात जात नु रागी रागी ङा आंम आंम लोव़ पाइब मुर नेल्‍लेमी मेको कली गेय पशो ताता। आ सासन पतीके अधिकार गेना हना यो लीबाक्‍त। आ पिप दुम्‍शो राज्‍य गेनायो खतम मदुम्‍बाक्‍त।

मत्ती 11:27

आं आफोमी मारेइ मारेइ तुइक्‍पाइक्‍ती। सुइमी आं कली, आ तौ कली मतुइक्‍नीम। आं आफोमी ला तुइक्‍ब। सुइमी आं आफ कली मतुइक्‍नीम। आ तौमी ला तुइक्‍ब। मिनु तौमी सु सु आन कली योव़ङमी, मेको आन कली आ आफ आ पर्बम तुइक्‍पाइक्‍ब। मत्ती २८:१८; यूहन्‍ना ३:३५; यूहन्‍ना १७:२; फिलिप्‍पी २:९

मत्ती 17:5

मोदेंशो लोव़ पना पन बाक्‍मेनु, जिलील पा बुश तांइसीशो गोस्‍सुमी नेल्‍ल आन कली गिल्‍मी बाक्‍त। मिनु गोस्‍स आगा रे “एको आं दाक्‍शो तौ बाक्‍ब। एको कली तशा ग्‍येरसाक्‍यी। आ लोव़ नेनीने” देंशो सेंदा नेन्‍मे बाक्‍त। मत्ती १:१७

मत्ती 28:18

मिनु येसु नेल्‍ल आन नेक्‍था जाक्‍शा “स्‍वर्ग नु रागी ङा अधिकार नेल्‍ल आं कली गेशो बाक्‍ब। मत्ती ११:२७; एफिसी १:२०-२२

मत्ती 3:17

मिनु सरीङ रे “एको आं दाक्‍शो तौ बाक्‍ब। एको कली तशा थाम्‍पा ग्‍येरसीनुङ” देंशो सेंदा ग्रूमाक्‍त। मत्ती १७:५; यसैया ४२:१

लूका 10:22

आं आफोमी आं कली नेल्‍ल कली अधिकार पतीक सक्ति गेती। तन्‍न सुइमी आ तौ सु बाक्‍बा, मतुइक्‍नीम, आं आफोमी ला तुइक्‍ब। सुइमी आं आफ कली मतुइक्‍नीम। आ तौमी ला तुइक्‍ब। मिनु तौमी सु सु आन थुंम तुइक्‍तीक वोइक्‍बा, मेकोपुकीमी यो तुइक्‍नीम” देंमाक्‍त।

यूहन्‍ना 13:3

मिनु येसुमी “आं आफोमी आं कली नेल्‍ल सक्ति गेती। गो परमप्रभु यावे रे जाक्‍शो नङ। मिनु परमप्रभु यावे आ बाक्‍तीके लेत्‍नुङ” दे तुइश्‍शा, यूहन्‍ना ३:३५; यूहन्‍ना १६:२८

यूहन्‍ना 15:9

आं आफोमी आं कली दाक्‍ब। मिनु आं आफोमी आं कली दाक्‍शो खोदेंब पा, गो इन कली दाक्‍ताक्‍न्‍नी। गेपुकी यो ‘गो इन कली दाक्‍नुङ’ दे तुइश्‍शा बाक्‍कीन।

यूहन्‍ना 17:2

गे आं कली मुर नेल्‍ल आन कली अधिकार पचा गेतीनी। मिनु आं कली गेशो मुर नेल्‍ल आन कली गेना हना यो ब्रोंइशा बाक्‍चा गेनुङमी। मत्ती ११:२७

यूहन्‍ना 17:23

गो मेको आन आगामी बाक्‍नुङ। गे आं आगामी बाक्‍नीनी। मो पा बाक्‍शोनु, मेकोपुकी गे नु गो खोदेंशो पा का दुम्‍नीम। मो दुम्‍शो तशा, रागी ङा मुरपुकीमी गे आं कली सोइक्‍ताक्‍नी। मिनु गेमी आं कली दाक्‍ताक्‍यीनी। मोपा गेमी आं कली दाक्‍शो बुदी मेको आन कली यो दाक्‍ताक्‍नी, दे तुइक्‍तमेक्‍ल। १कोरिन्‍थी ६:१७

यूहन्‍ना 17:26

गो मेको आन कली इन नें तुइक्‍पाइक्‍तामी। मिनु लेंशा तुइक्‍पाइक्‍नुङमी। मारदे इन नें तुइक्‍पाइक्‍नुङमी देंशा हना, गेमी आं कली दाक्‍शो खोदेंशो पा इन दाक्‍तीके मेको आन आगामी बाक्‍ल। मिनु गो मेको नु आन आगाम बाक्‍ङल” दे येसुमी परमप्रभु यावे कली पुंइतु।

यूहन्‍ना 5:20

मारदे हना आं आफोमी आ तौ कली दाक्‍ब। मिनु आ पशो गेय नेल्‍ल आ तौ कली कोंइब। मिनु आं आफोमी मुल सम्‍म पपाइश्‍शो गेय क्‍येङा नोले ठेयब गेय कोंइपाइक्‍ब। मेको गेय तशा गेपुकी छक लाक्‍नीनी। ३:३५

यूहन्‍ना 5:22

आं आफोमी मुर आन कली निसाफ मपाइब। तन्‍न नेल्‍ल निसाफ पचा ङा गेय आ तौ कली पपाइक्‍ब।

१ कोरिन्‍थी 15:27

मारदे हना परमप्रभु यावेमी रागी ङा सक्ति नेल्‍ल कली आ खोइलीम दिप्‍शा वोइक्‍तु। रागी ङा सक्ति नेल्‍ल आ खोइलीम दिम्‍शा वोइक्‍तु, आ चहिं दिम्‍सीशा मबा, दे रुम्‍सीब। भजन संग्रह ८:६

एफिसी 1:22

मिनु गेमी मारेइ मारेइ आन कली येसु ख्रीस्‍त आ खोइलीमी दिम्‍पाइक्‍तीनी। थमा सुइक्‍बपुकी रां का खोदेंशो सेल्‍शा, येसु ख्रीस्‍त कली मेको रां आ पिया सेल्‍तीनी। भजन संग्रह ८:७; मत्ती २८:१८; एफिसी ४:१५

हिब्रू 1:2

नोले ङा नाक्‍ती आ तौ रे पा इं कली लोव़ पाप्‍तु। आ तौ कली नेल्‍ल अधिकार गेशो बाक्‍त। सरीङ नु रागी नेल्‍ल आ तौ रे पा सेला बाक्‍त। भजन संग्रह २:८; यूहन्‍ना १:३; कलस्‍सी १:१६

१ पत्रुस 3:22

मेको स्‍वर्ग लशा, परमप्रभु यावे आ ग्‍युरा गे बाक्‍ब। परमप्रभु यावे आ स्‍वर्ग ङा गेय पाइबपुकी, अधिकार तशोपुकी नु सक्ति पाइश्‍शो नेल्‍लेमी मेको आ देंशो टीनीम। एफिसी १:२०-२१