यूहन्‍ना 3:33 - Sunuwar Bible

³³ सु सुमी आ देंशो थमा सुइक्‍नीम, मेकोपुकीमी ‘परमप्रभु यावेमी ङोंइती देंशो लोव़ थमा बाक्‍ब’ दे तुइश्‍शा गेय पाइनीम।

यूहन्‍ना 3:33 ပူးပေါင်းရင်းမြစ်များ

यूहन्‍ना 6:27

राक्‍चा ङा जचा थोव़क कली श्‍येत मपने। मराक्‍चा ङा जचा थोव़क कली चहिं गेय पने। मराक्‍चा ङा जचा थोव़क मार बाक्‍मे देंशा हना, गेना हना यो ब्रोंइशा बाक्‍चा बाक्‍ब। रागीमी जरमेशोमी इन कली मेको जचा थोव़क गेब। मारदे हना आ आफोमी रागीम जरमेशो कली आ छाप थोक्‍ताक्‍व” दे येसुमी शेंताक्‍व। यूहन्‍ना ५:३६

यूहन्‍ना 8:26

गो इन पर्बम शुश लोव़ पचा नु शुश निसाफ पचा माल्‍नुङ। आं कली सोइक्‍ब आं आफ आ लोव़ थमा लोव़ बाक्‍ब। मेको आ लोव़ नेंशा, रागी ङा मुर आन कली शेंनुङ” देंत।

रोमी 15:28

मेको आन कली सोइश्‍शो क्‍येट चोव़शा, स्‍पेन लाइनुङ। लङानु, इन बाक्‍तीके यो ओव़नुङ।

रोमी 4:11

आ थमा सुइश्‍शोमी ठीक दुम्‍पाइक्‍चा कली ख्रोइक्‍तीक चिनु छाप खोदेंशो पा ताप्‍तु। मारदे हना मेको ङोंइतीन थमा सुइक्‍ब बाक्‍त। मोपतीके मेको ख्रोइक्‍तीक चिनु मख्रोइश्‍शो थमा सुइक्‍ब, ठीक दुम्‍शो नेल्‍ल आन आफ दुम्‍त। उत्‍पत्ती १७:१०-११

१ कोरिन्‍थी 9:2

शुश मुरुमी आं पर्बम “आं कली ख्रीस्‍त आ लोव़ शेंथ सोइश्‍शो ममाइ” दे मिम्‍ताक्‍म हना यो, इन कली शेंथ सोइश्‍शो नङ। मारदे हना प्रभु आ मुर दुम्‍तीनी। गे आं सोइश्‍शो दुम्‍तीके आ छाप बाक्‍नीनी। १कोरिन्‍थी ४:१५; २कोरिन्‍थी ३:२-३

२ कोरिन्‍थी 1:18

परमप्रभु यावेमी आ देंशो खाप्‍ब, दे नेल्‍लेम तुइक्‍नीम। गोपुकीमी इन कली देंशो लोव़ थमान बाक्‍ब। दुम्‍बा कों, मदुम्‍बा कों, मार तुइक्‍चा देंशो लोव़ दुम्‍सीन मदुम्‍ब।

२ कोरिन्‍थी 1:22

मेकोमी इं कली छाप थोक्‍ताक्‍व। मिनु आ सोक्‍त इं थुंमी वोइक्‍तु। मेको सोक्‍त बैना खोदेंशो पा गेप्‍तु। एफिसी १:१३; २कोरिन्‍थी ५:५; रोमी ८:१६

एफिसी 1:13

मिनु गेपुकीमी यो “येसु ख्रीस्‍तमी पाप रे प्रोंइब” देंशो थमा ग्‍येरपाइक्‍ब लोव़ नेंतीनी। ख्रीस्‍त कली थमा सुइक्‍तीनी। मिनु परमप्रभु यावेमी ङोंइती देंशो खोदेंशो पा आ सोक्‍तीमी छाप थोक्‍सीशो बाक्‍तीनी। एफिसी ४:३०

एफिसी 4:30

परमप्रभु यावे आ सोक्‍त कली थुं मखाइक्‍पतीन। मारदे हना गेपुकी परमप्रभु यावे आ बाक्‍तीके मजाक्‍दीन्‍नी सम्‍म परमप्रभु यावे आ सोक्‍तीमी छाप थोक्‍सीशो बाक्‍नीनी। यसैया ६३:१०; एफिसी १:१३-१४

२ तिमोथी 2:19

तन्‍न परमप्रभु यावे आ थमा शेंतीके मब्रेत्‍चा ङा जग खोदेंशो बाक्‍ब। प्रभुमी आ मुर आन कली तुइक्‍ब। मिनु प्रभु कली तुइक्‍ब मुरपुकी मरिम्‍शो पचा रे ङोन बाक्‍चा माल्‍नीम। मेको थोव़शो छाप खोदेंशो बाक्‍ब। गन्‍ती १६:५; मत्ती ७:२२-२३; यूहन्‍ना १०:१४,२७

हिब्रू 6:17

मोपतीके परमप्रभु यावेमी “आं गेशो लोव़ गेनायो मफाइक्‍नुङ” दे आ गेशो लोव़ ताइब आन कली रुप्‍पाइक्‍चा, दे कसम जशा, आ लोव़ थोक्‍ता बाक्‍त।

१ यूहन्‍ना 1:10

गोपुकीमी “मरिम्‍शो काइ मपक” देंतय हना, मेको कली जोल्‍फे सेल्‍नय। मिनु आ देंशो लोव़ इं थुंमी मलीब। रोमी ३:१०-१८