यूहन्‍ना 3:32 - Sunuwar Bible

³² मिनु आ तशो नु आ नेंशो आ पर्बम लोव़ पाइब। तन्‍न सुइमी आ देंशो लोव़ थमा मसुइक्‍नीम।

यूहन्‍ना 3:32 ပူးပေါင်းရင်းမြစ်များ

यसैया 50:2

गो जाक्‍ङानु, मारदे सुइ मबाक्‍मा? गो ब्रेङङानु, मारदे सुइमी लोव़ मलेत्‍ता? आं गुइ इन कली पाप रे प्रोंइने मचाप्‍चा ङा दुम्‍शो बाक्‍मे? इन कली प्रोंइने चाप्‍तीक सक्ति गो नु मबाक्‍बा? गो हुइक्‍तुनु, समुन्‍द्र सोव़ब। खोलापुकी ब्‍वाक्‍कु मबाक्‍शो गोरशो रागी सेल्‍नुङ। ब्‍वाक्‍कु मबाक्‍तीके ङांइपुकी बेक्‍शा, राक्‍शा, रिना पाइनीम। यसैया ५९:१; गन्‍ती ११:२३; प्रस्‍थान १४:२१

यसैया 53:1

आंइ नेंशो लोव़ सुम थमा सुदमे ङा? मिनु परमप्रभु यावे आ सक्ति सुम तामे ङा? यूहन्‍ना १२:३८; रोमी १०:१६; यसैया ५२:१०

मत्ती 7:8

मोपतीके सुम पुंइबा, मेकोमी आ पुंइशो ताइब। सुम माल्‍बा, मेकोमी आ माल्‍शो थिप्‍ब। सुम ओव़ङा? दे लाप्‍चो ख्रोकोल पाइबा, मेको ओव़चा ताइब।

यूहन्‍ना 1:11

आंम रागी जाक्‍मेनु, आंम सेल्‍शो मुरपुकीमी मेको कली मब्राम। भजन संग्रह २४:१

यूहन्‍ना 15:15

मुल रे गो इन कली वाइल मदेंनुङ। मारदे हना वाइल आ ठेयब मुरुमी मार गेय पचशो बाक्‍मे, मेको वाइलम मतुइक्‍ब। गो चहिं इन कली आं आफ आ देंशो नेल्‍ल शेंताक्‍न्‍नी। मोपतीके इन कली वारच देंनुङ।

यूहन्‍ना 18:37

पिलातसमी “मिनु गे पिपन ननी?” दे हिल्‍लो पाप्‍तु। मिनु येसुमी “गो पिप नङ, दे गे आंमा देंतीनी। मिनु थमा मार बाक्‍बा, दे कोंइचा कली रागीम जरमेशा जाक्‍ती। सु थमामी बाक्‍बा, मेकोमी आं सेंदा नेंब” देंत। १तिमोथी ६:१३

यूहन्‍ना 3:11

नोफा दाइश्‍शा थमा लोव़ नेनीन, गो आंइ तुइश्‍शो लोव़ पाइनीकी। आंइ तशो यो शेंनीकी। गे चहिं आंइ शेंशो थमा मसुइक्‍नीनी।

यूहन्‍ना 3:26

मिनु यूहन्‍ना कली ग्रुम्‍शा “शेंब, मेको यर्दन खोला आइक्‍ची हांबुम गे नु बाक्‍ब, इन तुइक्‍पाइश्‍शो परमप्रभु यावे आ तौम ब्‍वाक्‍कुमी ख्रुम्‍शा ग्रुंइतीक गेय पाइब। मिनु मुर नेल्‍ल मेकेर लाइनीम” दे यूहन्‍ना कली देंतेक्‍म। यूहन्‍ना १:२६-३४

यूहन्‍ना 3:33

सु सुमी आ देंशो थमा सुइक्‍नीम, मेकोपुकीमी ‘परमप्रभु यावेमी ङोंइती देंशो लोव़ थमा बाक्‍ब’ दे तुइश्‍शा गेय पाइनीम।

यूहन्‍ना 5:20

मारदे हना आं आफोमी आ तौ कली दाक्‍ब। मिनु आ पशो गेय नेल्‍ल आ तौ कली कोंइब। मिनु आं आफोमी मुल सम्‍म पपाइश्‍शो गेय क्‍येङा नोले ठेयब गेय कोंइपाइक्‍ब। मेको गेय तशा गेपुकी छक लाक्‍नीनी। ३:३५

यूहन्‍ना 8:26

गो इन पर्बम शुश लोव़ पचा नु शुश निसाफ पचा माल्‍नुङ। आं कली सोइक्‍ब आं आफ आ लोव़ थमा लोव़ बाक्‍ब। मेको आ लोव़ नेंशा, रागी ङा मुर आन कली शेंनुङ” देंत।