यूहन्‍ना 3:11 - Sunuwar Bible

¹¹ नोफा दाइश्‍शा थमा लोव़ नेनीन, गो आंइ तुइश्‍शो लोव़ पाइनीकी। आंइ तशो यो शेंनीकी। गे चहिं आंइ शेंशो थमा मसुइक्‍नीनी।

यूहन्‍ना 3:11 ပူးပေါင်းရင်းမြစ်များ

यसैया 50:2

गो जाक्‍ङानु, मारदे सुइ मबाक्‍मा? गो ब्रेङङानु, मारदे सुइमी लोव़ मलेत्‍ता? आं गुइ इन कली पाप रे प्रोंइने मचाप्‍चा ङा दुम्‍शो बाक्‍मे? इन कली प्रोंइने चाप्‍तीक सक्ति गो नु मबाक्‍बा? गो हुइक्‍तुनु, समुन्‍द्र सोव़ब। खोलापुकी ब्‍वाक्‍कु मबाक्‍शो गोरशो रागी सेल्‍नुङ। ब्‍वाक्‍कु मबाक्‍तीके ङांइपुकी बेक्‍शा, राक्‍शा, रिना पाइनीम। यसैया ५९:१; गन्‍ती ११:२३; प्रस्‍थान १४:२१

यसैया 53:1

आंइ नेंशो लोव़ सुम थमा सुदमे ङा? मिनु परमप्रभु यावे आ सक्ति सुम तामे ङा? यूहन्‍ना १२:३८; रोमी १०:१६; यसैया ५२:१०

यसैया 55:4

नेनीन, गो मेको कली जात जात ङा मुर आन कली सांकछी सेल्‍ता। जात जात ङा मुर आन कली ठेयब मुर नु हुकुम पाइब सेल्‍ता।

यसैया 65:2

गो काइ मटीब मुर आन कली नाक्‍त रे आं गुइ हाम्‍शा वारच पाइक्‍चा माल्‍ता। मेकोपुकी आंम आन दला दाक्‍स पा मरिम्‍शो लां ला खोइक्‍तेक्‍म। रोमी १०:२१

मत्ती 11:27

आं आफोमी मारेइ मारेइ तुइक्‍पाइक्‍ती। सुइमी आं कली, आ तौ कली मतुइक्‍नीम। आं आफोमी ला तुइक्‍ब। सुइमी आं आफ कली मतुइक्‍नीम। आ तौमी ला तुइक्‍ब। मिनु तौमी सु सु आन कली योव़ङमी, मेको आन कली आ आफ आ पर्बम तुइक्‍पाइक्‍ब। मत्ती २८:१८; यूहन्‍ना ३:३५; यूहन्‍ना १७:२; फिलिप्‍पी २:९

मत्ती 23:37

ए यरूसलेम, यरूसलेम, परमप्रभु यावे आ लोव़ पाइब आन कली साइक्‍तीवी। इ कली शेंथ सोइश्‍शो आन कली फुल्‍लु क्रोम्‍ताक्‍वी। पोथीमी आ चितोली आन कली आ फ्रा आगामी पुप्‍शो खोदेंशो पा, गो शुश खेयप इ आल आन कली पुप्‍चा माल्‍ता, गे चहिं मबिस्‍से।

लूका 10:22

आं आफोमी आं कली नेल्‍ल कली अधिकार पतीक सक्ति गेती। तन्‍न सुइमी आ तौ सु बाक्‍बा, मतुइक्‍नीम, आं आफोमी ला तुइक्‍ब। सुइमी आं आफ कली मतुइक्‍नीम। आ तौमी ला तुइक्‍ब। मिनु तौमी सु सु आन थुंम तुइक्‍तीक वोइक्‍बा, मेकोपुकीमी यो तुइक्‍नीम” देंमाक्‍त।

यूहन्‍ना 1:11

आंम रागी जाक्‍मेनु, आंम सेल्‍शो मुरपुकीमी मेको कली मब्राम। भजन संग्रह २४:१

यूहन्‍ना 1:18

मुरपुकीमी परमप्रभु यावे कली गेनायो मतामे। तन्‍न परमप्रभु यावे नु बाक्‍ब आ कांइचीक तौमी मुर आन कली परमप्रभु यावे कली तुइक्‍पाइक्‍तु। यूहन्‍ना ६:४६; मत्ती ११:२७

यूहन्‍ना 12:49

आं कली सोइक्‍ब आं आफोमी गो मार देंचा नु शेंचा माल्‍नुङा, मेको नेल्‍ल माइक्‍ती। मोपतीके मेको आं लोव़ ममाइ। आं आफ आ लोव़ बाक्‍ब।

यूहन्‍ना 14:24

आं कली मदाक्‍बमी चहिं आं देंशो लोव़ यो मपाइब। आं देंशो लोव़ आं के ममाइ, आं कली सोइक्‍ब आं आफ के बाक्‍ब। यूहन्‍ना ७:१६-१७

यूहन्‍ना 3:12

गो इन कली रागी ङा लोव़ पङानु, गे थमा मसुइक्‍नीनी। मिनु गो स्‍वर्ग ङा लोव़ पाता हना, गे दोपा थमा सुइक्‍ने चाप्‍नीनी?

यूहन्‍ना 3:13

मुर परमप्रभु यावे आ बाक्‍तीकेम मलम। स्‍वर्ग रे जाक्‍शो रागीमी जरमेशो ला परमप्रभु यावे आ बाक्‍तीकेमी बाक्‍शो बाक्‍त।

यूहन्‍ना 3:3

मिनु येसुमी “नोफा दाइश्‍शा थमा लोव़ नेनीन, मुर लेंशा, इर रे नक पा मजरमेसाक्‍व हना, परमप्रभु यावे आ राज्‍य तने मचाप्‍ब” देंत। १पत्रुस १:२३

यूहन्‍ना 3:5

मिनु येसुमी “नोफा दाइश्‍शा थमा लोव़ नेनीन, ब्‍वाक्‍कु रे नु परमप्रभु यावे आ सोक्‍त रे जरमेशो मुरपुकी ला परमप्रभु यावे आ राज्‍य ओव़ने चाप्‍नीम। इजीकीएल ३६:२५-२७; मत्ती ३:११; तीतस ३:५

यूहन्‍ना 5:43

गो आं आफ आ नेंमी जाक्‍ती। तन्‍न गेपुकीमी आं कली मब्रनी। सुइ मुर आंम आ नेंमी जाक्‍त हना, मेको कली चहिं ब्राइनीनी। मत्ती २४:५

यूहन्‍ना 7:16

मिनु येसुमी मेको आन कली “आं शेंतीक आं के ममाइ, तन्‍न आं कली सोइक्‍ब के बाक्‍ब।

यूहन्‍ना 8:14

मिनु येसुमी मेको आन कली “गो आं पर्बम आंमा लोव़ पाता हना यो, आं लोव़ थमा बाक्‍ब। मारदे हना ते रे जाक्‍ङा, ते लाइनुङा, मेको तुइक्‍नुङ। गेपुकी चहिं गो ते रे जाक्‍ङा, ते लाइनुङा मतुइक्‍नीनी। यूहन्‍ना ५:३१; यूहन्‍ना ७:२८

यूहन्‍ना 8:26

गो इन पर्बम शुश लोव़ पचा नु शुश निसाफ पचा माल्‍नुङ। आं कली सोइक्‍ब आं आफ आ लोव़ थमा लोव़ बाक्‍ब। मेको आ लोव़ नेंशा, रागी ङा मुर आन कली शेंनुङ” देंत।

यूहन्‍ना 8:38

गो आं आफ आ पशो तशा, शेंनुङ। गेपुकीमी चहिं इन आफ आ देंशो नेंशा, मार मार पाइनीनी” दे माइक्‍तीमी।

प्रेरित 22:18

गो प्रभु कली ताता। मिनु प्रभुमी ‘यरूसलेम थु प्रोनो। मारदे हना एकेर बाक्‍बपुकीमी गेमी आं पर्बम शेंशो लोव़ मनेंनीम’ देंत।

२ कोरिन्‍थी 4:4

मेको आन थुं दोपा मोदेंशो दुम्‍त देंशा हना, रागी कली हुकुम पाइब सैतानमी मेको आन कली मिक्‍च मताइब खोदेंशो पा मरुप्‍ब सेल्‍शो बाक्‍त। मोपा ख्रीस्‍त आ ग्‍येरपाइक्‍ब लोव़ आ छेङछेङ तने मचाप्‍नीम। ख्रीस्‍त परमप्रभु यावे आ कोंइतीके बाक्‍ब। हिब्रू १:३

प्रकाश 1:5

मिनु येसु ख्रीस्‍तमी यो मो देंत। मिनु मेको सु बाक्‍ब देंशा हना, परमप्रभु यावे आ देंशो थमा पाइब सांकछी नु नेल्‍ल क्‍येङा ङोंइती बेक्‍शो रे सेंसीशो नु रागी ङा पिप आन कली सासन पाइब बाक्‍ब। येसु ख्रीस्‍तमी इं कली दाक्‍शा, आ हुशेमी इं पाप रे प्रोंइतु। प्रकाश ३:१४; यूहन्‍ना १८:३७; १तिमोथी ६:१३

प्रकाश 3:14

मिनु येसु ख्रीस्‍तमी आं कली लाओडीसीया सहर ङा थमा सुइक्‍ब आन शेंब कली ब्रेक्‍पाइक्‍ती। एको आमेन माइश्‍शो, दीगो पाइब परमप्रभु यावे आ सांकछी नु रागी नु मारेइ मारेइ सेल्‍ब आ लोव़ बाक्‍ब। कलस्‍सी २:१; कलस्‍सी ४:१३; २कोरिन्‍थी १:२०; प्रकाश १:५; कलस्‍सी १:१५