यूहन्‍ना 3:10 - Sunuwar Bible

¹⁰ मिनु येसुमी “गे इस्राएली आन कली शेंब दुम्‍शा यो, एको लोव़ मतुइक्‍नीनी?

यूहन्‍ना 3:10 ပူးပေါင်းရင်းမြစ်များ

१ इतिहास 29:19

आं तौ सोलोमन कली इन शेंतीके, इन देंशो नु फुल्‍लुम मुशा ब्रेक्‍शो लोव़ आ थुं नेल्‍लेमी पपतीन। मेकोमी नेल्‍ल पने चबल। मिनु आं ठीक पा वोइश्‍शो थोव़कमी इन खिं सेल्‍ने चबल” दे दाऊदमी परमप्रभु कली देंमाक्‍त।

भजन संग्रह 51:10

परमप्रभु, आं थुं क्‍येख सुन खोदेंशो सेलीन। मिनु नक नु ठीक पाइब सोक्‍त गेयीनी। मत्ती ५:८; इजीकीएल ३६:२६-२७

भजन संग्रह 51:6

गे आंम पर्बम आंम थुं ङा थमा मिम्‍तीकेम दाक्‍नीनी। मोपतीके गे आं थुं कली जोक्‍तीक तुइक्‍तीक शेंदीने।

भजन संग्रह 73:1

परमप्रभु इस्राएल ङा मुर आन कली थमा पा रिम्‍शो पाइब बाक्‍ब। आन पाप क्‍याम्‍चा पुंइसीशा, रिम्‍शो थुं पाइश्‍शो आन कली रिम्‍शो पाइब बाक्‍ब। अय्‍युब २१:७

यसैया 56:10

इस्राएली आन कली कोव़ब मुर मिक्‍च मताइब खोदेंशो बाक्‍नीम। मेको मारेइ मजोक्‍ब मतुइक्‍ब बाक्‍नीम। मेकोपुकी सिक्‍सी पा बाक्‍शा, होक्‍ने मचाप्‍ब कुचुम खोदेंशो बाक्‍नीम। मेको ङोमु तचा, इप्‍चा नु निन्‍द्रा पचा ला दाक्‍नीम। इजीकीएल ३:१७; इजीकीएल ३३:६-९

यसैया 9:16

मारदे हना इस्राएल ङा मुर आन कली शेंबपुकीमी हेंथे लां गाक्‍पाइक्‍तेक्‍म। मिनु आन शेंशो नेंबपुकी लां मतुइक्‍ब दुम्‍तेक्‍म।

येरमीया 31:33

तन्‍न इस्राएल आ खिं ङा मुर नोले ङा नाक्‍ती ङा कबल मार बाक्‍त देंशा हना, गो आं अरेशो मेको आन थुंम वोइक्‍नुङ। मिनु आन थुंम मेको ब्रेक्‍शा गेनुङमी। मिनु गो मेको आन परमप्रभु दुम्‍नुङ। मिनु मेकोपुकी आं मुर दुम्‍नीम। इजीकीएल ११:१९; हिब्रू १०:१६-१७; येरमीया ७:२३

इजीकीएल 11:19

मिनु गो मेको आन कली थुं का ङा दुम्‍पाइक्‍नुङमी। मिनु मेको आन आगामी नक सोक्‍त का कुरपाइ‍नुङ। मिनु गो मेको आन फुल्‍लु खोदेंशो थुं ग्रुंइशा, श्‍ये के थुं कुरपाइ‍नुङमी। इजीकीएल ३६:२६; येरमीया २४:७

मत्ती 11:25

काबु येसुमी “आं आफ, सरीङ नु रागी ङा परमप्रभु, गे नेल्‍ल क्‍येङा ठेयब ननी। गे शुश रिम्‍शो पाइतीनी। जोक्‍ब तुइक्‍ब नङ, दे मिम्‍ब आन कली इन लोव़ मरुप्‍तीक थुं गेतीनी। मजोक्‍ब मतुइक्‍ब आन कली रुप्‍तीक थुं गेतीनी। यसैया २९:१४; लूका १०:२१-२२; यूहन्‍ना १७:२५; १कोरिन्‍थी १:२८-२९

मत्ती 15:14

मेकोपुकीमी मारेइ पामेक्‍ल। मिक्‍च मताइब लां कोंइब नम। मिक्‍च मताइबमी मिक्‍च मताइब कली कीशा लां कोंइताक्‍व हना, निम्‍फा खाल्‍टाम बिक्‍नीस” देंत। मत्ती २३:२४; लूका ६:३९; रोमी २:१९

मत्ती 22:29

मिनु येसुमी “गे दूली मिम्‍नीनी। मारदे हना परमप्रभु यावे आ लोव़ मरुप्‍नीनी, परमप्रभु यावे आ सक्ति यो मतुइक्‍नीनी।

लूका 2:46

नाक्‍दो नाक्‍ती सां सम्‍म माल्‍ना माल्‍न गाक्‍सा नोले परमप्रभु यावे आ खिंम थित्‍से बाक्‍त। मेको परमप्रभु यावे आ लोव़ शेंबपुकी नु बाक्‍शा, आन लोव़ नेंशा, मेको आन कली लोव़ हिल्‍लो पना पन बाक्‍शो ताम्‍से बाक्‍त।

लूका 5:17

काबु येसुमी शेंना शेंन बाक्‍मेनु, गालील रागी, यहूदीया रागी, नु यरूसलेम सहर रे जाक्‍शो फरिसी नु अरेशो लोव़ शेंबपुकी देल्‍शा, येसु आ नेक्‍था निस्‍समा बाक्‍त। परमप्रभु आ सापाइक्‍तीक सक्ति येसु नु बाक्‍माक्‍त।

यूहन्‍ना 3:9

मिनु निकोदेमसमी “इन देंशो दोपा दुम्‍ने चाप्‍बा ङा?” दे हिल्‍लो पाप्‍तु।

प्रेरित 5:34

मिनु मेको आन दातेमी गमालीएल माइश्‍शो फरिसी का बाक्‍माक्‍त। मेको निसाफ पतीक आ पर्बम शेंब बाक्‍माक्‍त। मुर नेल्‍लेमी मेको कली मान पाइबाक्‍मा बाक्‍त। मिनु गमालीएलमी मेकेर बाक्‍ब आन कली मोपा गाइश्‍शो तशा, सोइश्‍शो आन कली लाङगा ग्रुंइशा वोइक्‍मी बाक्‍त। प्रेरित २२:३

रोमी 2:28

रांमी ख्रोइक्‍तीक चिनु ला बाक्‍शा, परमप्रभु यावेमी योव़शो यहूदी मदुम्‍नीम। येरमीया ४:४

ब्‍यवस्‍था 10:16

मोपतीके इन थुं कली ख्रोइक्‍तीक चिनु ख्रोतीन। मिनु मटीब मदुमीन।

ब्‍यवस्‍था 30:6

मिनु परमप्रभु यावे, इन परमप्रभुमी इन थुं नु इन तमी तौ आन थुं ख्रोइक्‍तीक चिनु खोदेंशो पा ख्रोइक्‍ब। मोपा ला गे परमप्रभु यावे, इन परमप्रभु कली इन थुं नु सोक्‍त नेल्‍लेमी दाक्‍शा, ब्रोंइने चाप्‍नीनी। ब्‍यवस्‍था १०:१६; येरमीया ४:४; इजीकीएल ११:१९; रोमी २:२९

फिलिप्‍पी 3:3

मारदे हना गोपुकी थमा ख्रोइक्‍तीक चिनु ङा मुर बाक्‍नय। गोपुकीमी परमप्रभु यावे आ सोक्‍त आ पतीकेमी खुम्‍की पा बाप्‍शा, परमप्रभु यावे कली गेय पशा, ख्रीस्‍त येसु आ पतीकेमी ग्‍येरस‍य। मुर आ पतीकेमी थमा मसुइय्‍य। रोमी २:२९

कलस्‍सी 2:11

मेको आ पशोमी ख्रोइक्‍तीक चिनु पाइश्‍शो खोदेंशो दुम्‍तीनी। मेको ख्रोइक्‍तीक चिनु मुरुमी ख्रोइश्‍शो ममाइ, गेपुकी ख्रीस्‍त कली थमा सुइश्‍शा, इन मरिम्‍शो पशो ताइश्‍शो इन ख्रोइक्‍तीक चिनु दुम्‍त। रोमी २:२९; रोमी ६:५; १पत्रुस ३:२१