यूहन्‍ना 21:1 - Sunuwar Bible

¹ मिनु नोले येसु तिबेरीयास ङा समुन्‍द्र आ नेक्‍थामी आ शेंसीब आन कली लेंशा तपांइसाक्‍व। दोपा तपांइसाक्‍व देंशा हना,

यूहन्‍ना 21:1 ပူးပေါင်းရင်းမြစ်များ

मत्ती 26:32

नोले गो बेक्‍शो रे सेंपाइक्‍चा पुंइसीशा, इन ङोंइती गालील रागीमी जाक्‍दीत्‍नुङ” देंत। मत्ती २८:७

मत्ती 28:16

येसु आ शेंसीब ११ जना चहिं येसुमी तुइक्‍पाइश्‍शो गालील ङा डांडामी जाक्‍दीत्‍तेक्‍म।

मत्ती 28:7

मुल एके रे फ्रा लेश्‍शा लशा, आ शेंसीब आन कली ‘प्रभु बेक्‍शो रे सेंचा पुंइसे बाक्‍त। इन ङोंइती लशा, गालील जाक्‍दीप्‍ब। मिनु गे मेकेर ग्रुम्‍चा ताइनीनी’ दे शोव़थ लसे। इस कली तुइक्‍पाइक्‍तन्‍सी, मिनु मप्रेंदीसे” दे सोइक्‍तीम्‍सी बाक्‍त। मत्ती २६:३२

मर्कूस 16:12

नोले येसु कली थमा सुइक्‍ब निक्‍शी आस गाउं लसानु, लांमी येसुमी तपांइसे बाक्‍त। लूका २४:१३-३५

मर्कूस 16:14

मिनु नोले आ शेंसीब ११ जनामी खमे जना जन बाक्‍मानु, येसुमी मेको आन कली तपांइसे बाक्‍त। मिनु “मुल सम्‍म रुप्‍चा थुं मपनी? मुल यो थमा मसुइय्‍‍यीनी?” दे हुइक्‍तीमी बाक्‍त। मारदे हना “बेक्‍शो रे सेंसीशा ब्रोंइशो आंइ मिक्‍चीमी ताइतक” देंब आन लोव़ थमा मसुइश्‍शो बाक्‍मा बाक्‍त। १कोरिन्‍थी १५:५

मर्कूस 16:7

मुल लशा, पत्रुस, शेंसीब नेल्‍ल आन कली नु इन ङोंइती तुइक्‍पाइश्‍शो खोदेंशो पा, इन ङोंइती गालील जाक्‍दीप्‍ब। मेकेर ग्रुम्‍चा ताइनीनी, दे शोव़थ लने” दे माइक्‍मी बाक्‍त। मर्कूस १४:२८

यूहन्‍ना 21:14

मो दुम्‍मेनु, येसु सेंसीशो नोले आ शेंसीब आन कली खेयप सां तपांइसाक्‍व।

यूहन्‍ना 6:1

मिनु नोले येसु गालील ङा समुन्‍द्र आइक्‍ची हांबु लत। गालील ङा समुन्‍द्र कली तिबेरीयास समुन्‍द्र यो देंनीम।

यूहन्‍ना 6:23

तिबेरीयास सहर रे डोंगापुकी प्रभुमी परमप्रभु यावे कली “गे रिम्‍शो पाइब बाक्‍नीनी” देंशा शोब्‍ले योक्‍तीक दिंम आ नेक्‍था जाक्‍तेक्‍म।

प्रेरित 1:3

मेको आन कली शेंशो मार बाक्‍माक्‍त देंशा हना, येसु श्‍येत जशा साइक्‍चा पुंइसीशा, बेक्‍शा, बेक्‍शो रे सेंपाइक्‍चा पुंइसीशा, ४० नाक्‍त सम्‍म आ सोइश्‍शो आन कली तपांइसीन सीन परमप्रभु यावे आ राज्‍य ङा लोव़ शेंना शेंन बाक्‍माक्‍त।