यूहन्‍ना 20:21 - Sunuwar Bible

²¹ मिनु लेंशा येसुमी मेको आन कली “इन थुं नाइश्‍शा बाक्‍कीन। आं आफोमी दोपा सोइक्‍ती, मोपा गो इन कली यो सोइक्‍ताक्‍नन्‍नी” दे माइक्‍तीमी। यूहन्‍ना १७:१८

यूहन्‍ना 20:21 ပူးပေါင်းရင်းမြစ်များ

मत्ती 10:16

भेडा आन कली फर आन दातेम सोइश्‍शो खोदेंशो पा सोइक्‍नन्‍नी। बुस्‍स खोदेंशो पा निप्‍स पाइश्‍शो दुमीने। मिनु परवा खोदेंशो दुम्‍शा, सुइ कली मरिम्‍शो मपने। लूका १०:३; रोमी १६:१९; एफिसी ५:१५

मत्ती 10:40

इन कली ब्राइबमी आं कली ब्राइब। मिनु आं कली ब्राइबमी आं कली सोइक्‍ब कली यो ब्राइब।

लूका 24:36

मिनु मोपा लोव़सी पामेनु, येसुमी आंम कली तपांइसे बाक्‍त। मर्कूस १६:१४-१९; यूहन्‍ना २०:१९-२३; प्रेरित १:१-१४; १कोरिन्‍थी १५:५

यूहन्‍ना 13:20

नोफा दाइश्‍शा नेनीन। सुमी आं सोइश्‍शो कली ब्राइबा, मेकोमी आं कली ब्राइब। मिनु सुमी आं कली ब्राइबा, मेकोमी आं कली सोइक्‍ब कली यो ब्राइब” देंत। मत्ती १०:४०

यूहन्‍ना 14:27

गो आं थुं नाइश्‍शो खोदेंशो पा इन थुं नाइक्‍पाइक्‍नन्‍नी। मुरुमी पशो खोदेंशो ममाइ, इन थुं ग्‍येत्‍थ लुक्‍च मपने। महिनीने। यूहन्‍ना १६:३३; फिलिप्‍पी ४:७

यूहन्‍ना 20:19

मेको साता ङा ङोंइती नाक्‍त नां रिक्‍चावानु, येसु आ शेंसीबपुकी यहूदी आन क्‍येङा हिंशा, लाप्‍चो चोक्‍शा, खिं गाम बाक्‍तेक्‍म। मिनु येसु मेको आन बाक्‍तीकेमी जाक्‍शा “थुं नाइश्‍शा बाक्‍कीन” देंत।

यूहन्‍ना 20:22

मो देंशा येसुमी मेको आन कली मुइश्‍शा “परमप्रभु यावे आ सोक्‍त ताक्‍कीन।

यूहन्‍ना 20:26

मिनु मेको मो दुम्‍शो साता का नोले येसु आ शेंसीबपुकी लेंशा खिं आगाम बाक्‍तेक्‍म। मेना थोमास यो मेकोपुकी नु काथा बाक्‍शो बाक्‍त। लाप्‍चो चोक्‍शा, आगाम बाक्‍मानु, येसु मेको आन बाक्‍तीकेमी जाक्‍शा “थुं नाइश्‍शा बाक्‍कीन” देंत।

यूहन्‍ना 3:17

परमप्रभु यावेमी रागी ङा मुर आन कली निसाफ पा नरकमी वोइक्‍चा, दे आ तौ मसोइक्‍त। तन्‍न रागी ङा मुर आन कली नरक रे प्रोंइचा कली सोइक्‍ताक्‍व। लूका १९:१०

प्रेरित 1:2

येसुमी शेंसीब आन कली योव़शा, मेको योव़शो आन कली सोइश्‍शोपुकी नें वोइश्‍शो बाक्‍माक्‍त। मेको सोइश्‍शो आन कली परमप्रभु यावे आ सोक्‍त रे पा मार शेंचा, मार पचा, नेल्‍ल शेंना शेंन वोइक्‍मी बाक्‍त। मत्ती २८:१-२०

प्रेरित 1:8

मार चहिं तुइक्‍चा माल्‍नीनी देंशा हना, परमप्रभु यावे आ सोक्‍त आ सक्ति ताइनीनी। सक्ति तशा यरूसलेम, यहूदीया, सामरीया नु रागी नेल्‍लेमी हिरशा, आं लोव़ शेंशा, आं सांकछी दुम्‍नीनी” दे माइक्‍मी बाक्‍त। लूका २४:४८; प्रेरित ८:१

२ तिमोथी 2:2

गो शुश मुर आन ङोंइती इ कली नेंपाइश्‍शो लोव़ रिम्‍शो थमा सुइक्‍ब आन कली शेंदीमी। मेकोपुकीमी यो अरु आन कली शेंने चाप्‍नीम।

हिब्रू 3:1

मोपतीके परमप्रभु यावे आ मुर, आं लोक्‍बपुकी, गे यो स्‍वर्ग रे ब्रेत्‍चा पुंइसीशो बाक्‍नीनी। सोइश्‍शो, दे नें वोइक्‍चा पुंइसीशो नु इं थमा सुइक्‍तीक ङा नेल्‍ल क्‍येङा ठेयब चढ़ेब येसु कली मिम्‍तीने। हिब्रू ४:१४

३ यूहन्‍ना 1:14

तन्‍न इ कली ग्रुम्‍थ जाक्‍चा कली आस पाइनुङ। मिनु ग्रुम्‍शा कोव़मुशा लोव़ पाइनस।