यूहन्‍ना 20:20 - Sunuwar Bible

²⁰ मो देंशा मेको आन कली आ गुइ नु आ कोव़खा कोंइदानु, आ शेंसीबपुकी प्रभु कली तशा ग्‍येरसाक्‍म। १यूहन्‍ना १:३

यूहन्‍ना 20:20 ပူးပေါင်းရင်းမြစ်များ

मत्ती 28:8

मिनु मेकेर रे ग्रूशा, हिंसा यो बाक्‍‍त, ग्‍येरसीसा यो बाक्‍त। मिनु गुरुर पा दोरशा, मेको लोव़ शेंचा, दे आ शेंसीब आन कली ग्रुम्‍थ लसा बाक्‍त।

यूहन्‍ना 16:20

नोफा दाइश्‍शा नेनीन, गेपुकी ङाक्‍शा, हिशेक पाइनीनी। रागी ङा मुरपुकी चहिं ग्‍येरसीनीम। इन थुं खाइश्‍शो बाक्‍नीनी। तन्‍न थुं खाइश्‍शो सा‍शा ग्‍येरनीनी। मर्कूस १६:१०

यूहन्‍ना 16:22

मिनु मेको खोदेंशो पा गेपुकी मुल थुं खाइश्‍शो बाक्‍नीनी। तन्‍न गो इन कली लेंशा तङानु, गेपुकी थमा पा ग्‍येरसीनीनी। मिनु इन ग्‍येरसीशो सुइमी क्‍याम्‍ने मचाप्‍नीम।

यूहन्‍ना 19:34

सिपाही कामी येसु आ कोव़खामी भालामी तूताक्‍व। मिनु तूदानु, हुश नु ब्‍वाक्‍कु यित।

यूहन्‍ना 20:25

अरु शेंसीबपुकीमी “प्रभु कली ताइतक” दे थोमास कली देंमानु “येसु आ गुइमी कांटी थोक्‍शो गार मतङा सम्‍म, मेको गारमी आं ब्रेप्‍चो मलिक्‍थु नु आ कोव़खा ङा गारमी मथिङा सम्‍म, गो थमा मसुइक्‍नुङ” देंत। यूहन्‍ना १९:३४

यूहन्‍ना 20:27

मिनु येसुमी थोमास कली “आं गुइ ङा गारमी इ ब्रेप्‍चो लिक्‍शा, कोव़ङो। मिनु इ गुइमी आं कोव़खा ङा गार थिवो। गे थमा मसुइक्‍ब मदुमो। तन्‍न थमा सुइक्‍ब दुमो” दे माइक्‍तु।

१ यूहन्‍ना 1:1

नेल्‍ल क्‍येङा ङोंइती रे बाक्‍शो, सु बाक्‍त देंशा हना, ब्रोंइचा गेब लोव़ माइश्‍शो बाक्‍त। गोपुकीमी मेको आ लोव़ नेंतक। आंइ मिक्‍चीमी ताइतक। आंइ मिक्‍चीमी कोव़तक। आंइ गुइमी थीतक। यूहन्‍ना १:१; यूहन्‍ना १:१४; यूहन्‍ना १:४