यूहन्‍ना 20:19 - Sunuwar Bible

¹⁹ मेको साता ङा ङोंइती नाक्‍त नां रिक्‍चावानु, येसु आ शेंसीबपुकी यहूदी आन क्‍येङा हिंशा, लाप्‍चो चोक्‍शा, खिं गाम बाक्‍तेक्‍म। मिनु येसु मेको आन बाक्‍तीकेमी जाक्‍शा “थुं नाइश्‍शा बाक्‍कीन” देंत।

यूहन्‍ना 20:19 ပူးပေါင်းရင်းမြစ်များ

भजन संग्रह 122:8

मिनु गो आं लोक्‍ब नु आं वारच आन पर्बम “इ आगामी थुं नाइश्‍शा बाक्‍तीक दुम्‍ल।

मत्ती 10:13

मेको खिंमी रिम्‍शो थुं पाइश्‍शो मुर बाक्‍तेक्‍म हना, आसीक रशा, आन थुं नाइक्‍चा ताइनीमी। मोदेंशो मुर मबाक्‍तेक्‍म हना चहिं मेको आन रचा ङा आसीक गे राइनीनी।

मत्ती 18:20

मारदे हना तेकेर आं नेंमी निक्‍शी सां खुम्‍सीनीमी, मेकेर गो यो बाक्‍नुङ” दे येसुमी देंत।

मर्कूस 16:14

मिनु नोले आ शेंसीब ११ जनामी खमे जना जन बाक्‍मानु, येसुमी मेको आन कली तपांइसे बाक्‍त। मिनु “मुल सम्‍म रुप्‍चा थुं मपनी? मुल यो थमा मसुइय्‍‍यीनी?” दे हुइक्‍तीमी बाक्‍त। मारदे हना “बेक्‍शो रे सेंसीशा ब्रोंइशो आंइ मिक्‍चीमी ताइतक” देंब आन लोव़ थमा मसुइश्‍शो बाक्‍मा बाक्‍त। १कोरिन्‍थी १५:५

यूहन्‍ना 14:27

गो आं थुं नाइश्‍शो खोदेंशो पा इन थुं नाइक्‍पाइक्‍नन्‍नी। मुरुमी पशो खोदेंशो ममाइ, इन थुं ग्‍येत्‍थ लुक्‍च मपने। महिनीने। यूहन्‍ना १६:३३; फिलिप्‍पी ४:७

यूहन्‍ना 16:22

मिनु मेको खोदेंशो पा गेपुकी मुल थुं खाइश्‍शो बाक्‍नीनी। तन्‍न गो इन कली लेंशा तङानु, गेपुकी थमा पा ग्‍येरसीनीनी। मिनु इन ग्‍येरसीशो सुइमी क्‍याम्‍ने मचाप्‍नीम।

यूहन्‍ना 16:33

आं कली मिम्‍शा इन थुं नाइश्‍शा बाक्‍कीन, दे एको लोव़ शेंताक्‍न्‍नी। गेपुकी रागीम बाक्‍शा, श्‍येत जाइनीनी। तन्‍न थुं बारपाइश्‍शा ग्‍येरसीने। गो रागी कली ग्राती” देंत। यूहन्‍ना १४:२७; रोमी ५:१; १यूहन्‍ना ५:४

यूहन्‍ना 20:21

मिनु लेंशा येसुमी मेको आन कली “इन थुं नाइश्‍शा बाक्‍कीन। आं आफोमी दोपा सोइक्‍ती, मोपा गो इन कली यो सोइक्‍ताक्‍नन्‍नी” दे माइक्‍तीमी। यूहन्‍ना १७:१८

यूहन्‍ना 20:26

मिनु मेको मो दुम्‍शो साता का नोले येसु आ शेंसीबपुकी लेंशा खिं आगाम बाक्‍तेक्‍म। मेना थोमास यो मेकोपुकी नु काथा बाक्‍शो बाक्‍त। लाप्‍चो चोक्‍शा, आगाम बाक्‍मानु, येसु मेको आन बाक्‍तीकेमी जाक्‍शा “थुं नाइश्‍शा बाक्‍कीन” देंत।

यूहन्‍ना 21:1

मिनु नोले येसु तिबेरीयास ङा समुन्‍द्र आ नेक्‍थामी आ शेंसीब आन कली लेंशा तपांइसाक्‍व। दोपा तपांइसाक्‍व देंशा हना,

यूहन्‍ना 21:14

मो दुम्‍मेनु, येसु सेंसीशो नोले आ शेंसीब आन कली खेयप सां तपांइसाक्‍व।

यूहन्‍ना 7:13

नेल्‍लेमी यहूदी आन क्‍येङा हिंशा, ख्रुइश्‍शो लोव़ पाम्‍तेक्‍म। यूहन्‍ना ९:२२; यूहन्‍ना १२:४२; यूहन्‍ना १९:३८

प्रेरित 1:3

मेको आन कली शेंशो मार बाक्‍माक्‍त देंशा हना, येसु श्‍येत जशा साइक्‍चा पुंइसीशा, बेक्‍शा, बेक्‍शो रे सेंपाइक्‍चा पुंइसीशा, ४० नाक्‍त सम्‍म आ सोइश्‍शो आन कली तपांइसीन सीन परमप्रभु यावे आ राज्‍य ङा लोव़ शेंना शेंन बाक्‍माक्‍त।

रोमी 15:33

नेल्‍ल इं थुं नाइक्‍पाइक्‍ब परमप्रभु यावे गेपुकी नु बाक्‍ल। आमेन।

१ कोरिन्‍थी 15:5

मिनु सेंसीशा, ङोंइती केफास कली तपांइसाक्‍व। मिनु नोले १२ जना शेंसीब आन कली तपांइसाक्‍व। लूका २४:३४; यूहन्‍ना २०:२६

एफिसी 2:14

मेको इं कली दुशा बाक्‍चा गेब बाक्‍ब। मेकोमी इस्राएली नु अर्को रागी ङा थमा सुइक्‍ब आन कली का सेल्‍तु। मिनु मेको आन दातेमी बाक्‍शो दुचा मगेब गारो प्रेश्‍शा, जितीक खेतीक नेल्‍ल साम्‍तु। यसैया ९:५; गलाती ३:२८

एफिसी 6:23

मिनु इं आफ परमप्रभु यावे नु प्रभु येसु ख्रीस्‍तमी इन कली थुं नाइश्‍शा बाक्‍चा गेम्‍सेक्‍ल।

फिलिप्‍पी 1:2

इं आफ परमप्रभु यावे नु प्रभु येसु ख्रीस्‍तमी इन कली शिशी पा थुं नाइक्‍चा गेम्‍सेक्‍ल।

२ थिस्‍सलोनिकी 3:16

थुं नाइक्‍चा गेब प्रभुमी दोदेंशो बाक्‍तीनी हना यो, इन कली गेना हना यो थुं नाइक्‍चा गेवल। प्रभु गेपुकी नेल्‍ल नु बाक्‍ल। यूहन्‍ना १४:२७

हिब्रू 7:2

मिनु अब्राहाममी मेको कली आ ग्राशा चाक्‍शो थोव़क १० भागमी भाग का गेवा बाक्‍त। मेको आ नें मार रुम्‍सीब देंशा हना, ठीक निसाफ पाइब पिप नु सालेम ङा पिप, दे रुम्‍सीब। सालेम देंशो चहिं थुं नाइश्‍शा बाक्‍तीके बाक्‍ब।

३ यूहन्‍ना 1:14

तन्‍न इ कली ग्रुम्‍थ जाक्‍चा कली आस पाइनुङ। मिनु ग्रुम्‍शा कोव़मुशा लोव़ पाइनस।

प्रकाश 1:4

गो यूहन्‍नामी एसीया ङा येसु ख्रीस्‍त कली थमा सुइक्‍ब ७ ओटा सहर ङा थमा सुइक्‍ब आन ग्रुम्‍तीके ङा शेंब आन कली चिठी ब्रेक्‍ताक्‍ङ। मिनु मुल बाक्‍ब, ङोंइती बाक्‍शो, नोले यो जाक्‍बमी नु परमप्रभु यावे आ ठेयब नित्‍तीके आ ङोंइती बाक्‍ब ७ ओटा ठाउं ङा परमप्रभु यावे आ सोक्‍तीमी इन कली “शिशी तशा नु थुं नाइश्‍शा बाक्‍चा तामेक्‍ल” देंताक्‍स। प्रस्‍थान ३:१४-१५; प्रकाश ३:१; प्रकाश ५:६