यूहन्‍ना 20:13 - Sunuwar Bible

¹³ मिनु मेको निक्‍शीमी मरीयम कली “गे मारदे ङाक्‍नेवे?” दे हिल्‍लो पाम्‍से बाक्‍त। मिनु मरीयममी “मेकोपुकीमी आं प्रभु कली लदमे बाक्‍त। मिनु ते वोदमे मतुइक्‍नुङ” दे माइक्‍सी बाक्‍त।

यूहन्‍ना 20:13 ပူးပေါင်းရင်းမြစ်များ

उपदेसक 3:4

ङाक्‍तीक ना बाक्‍ब। मिनु रित्‍तीक ना बाक्‍ब। रोंका पतीक ना बाक्‍ब। मिनु सिल पतीक ना बाक्‍ब।

येरमीया 31:16

परमप्रभु यावेमी “ङाक्‍चा नाइक्‍तीन। इन मिक्‍च रे प्रेक्‍कु मतोक्‍कीन। मारदे हना इन गेय ङा इनाम ताइनीनी। मेको आन जोरी सत्रु आन रागी रे लेश्‍शा जाक्‍नीम।

लूका 24:17

मिनु येसुमी “नाप्‍खे मार लोव़ पसी?” दे हिल्‍लो पवा बाक्‍त।

यूहन्‍ना 19:26

मिनु येसुमी आ ममा कली “आं ममा, मेको कली इ तौ मिम्‍तो” दे माइक्‍तु। यूहन्‍ना १३:२३

यूहन्‍ना 2:4

मिनु येसुमी आ ममा कली “गो मार पचा माल्‍नुङा, आं कली मदेनीन। मुल सम्‍म आं पची मजा” दे माइक्‍तु।

यूहन्‍ना 20:15

मिनु येसुमी “गे मारदे ङाक्‍नेवे? सु कली मली?” दे हिल्‍लो पवा बाक्‍त। मरीयममी “मेको फल फुल रूमी गेय पाइब मुर बाक्‍माक्‍त” दाप्‍‍शा, मेको कली “हजुर, गे मेको बेक्‍शो रां कली एक रे लाइक्‍तीनी हना, ते वोइक्‍नी, आं कली देनीने। गो मेको कली लाइक्‍नुङ” दे मदा बाक्‍त।

यूहन्‍ना 20:2

मिनु फुल्‍लु तिल्‍शो तशा, दोरशा लशा, सिमोन पत्रुस नु येसु आ दाक्‍शो शेंसीब आस बाक्‍तीक जाक्‍त। मिनु “प्रभु कली बेक्‍शो मुर वोइक्‍तीक पुक्‍खी रे लदमे बाक्‍त। ते वोदमे?” दे हिल्‍लो पाप्‍तु। यूहन्‍ना १३:२३

प्रेरित 21:13

पावलमी चहिं “मारदे ङाक्‍शा ब्रेश्‍शा, आं थुं खाइक्‍पाइक्‍नीनी? मलथु मप्रोंइनुङ। यरूसलेम जाक्‍दीश्‍शा, प्रभु येसु आ नेंमी फ्रेंसीचा ला ममाइ, बेक्‍चा माल्‍ती हना यो, बेक्‍नुङ” देंत। प्रेरित २०:२४

१ सामुएल 1:8

मिनु आ वोंइश एल्‍कानामी मेको कली “हान्‍नाह, गे मारदे ङाक्‍स ङा ङाक्‍स बाक्‍ङे? मारदे मजवी मब्‍ववी? गे मारदे इ थुं खाइक्‍पाइक्‍नेवे? मार, गो इ कली १० जना तौ आन क्‍येङा यो शुश दाक्‍ब मनङा ङा?” देंमाक्‍त।