यूहन्‍ना 2:18 - Sunuwar Bible

¹⁸ मिनु यहूदीपुकीमी येसु कली “इ के मो पचा ङा अधिकार बाक्‍ब, दे आंइ कली मार चिन्‍ड कोंइने चाप्‍नेवे?” देंमानु, मत्ती २१:२३

यूहन्‍ना 2:18 ပူးပေါင်းရင်းမြစ်များ

१ राजा 13:3

मेको नाक्‍त मेको मुरुमी चि‍न्‍ड का कोंइदा बाक्‍त। मेकोमी “परमप्रभु यावे आ लोव़ आ चिन्‍ड मार बाक्‍ब देंशा हना, मेको चढ़ेतीक ब्रेप्‍ब। मिनु मेकेर बाक्‍शो पुलु चहिं लाङगाम ब्राइब” देंमाक्‍त।

प्रस्‍थान 7:9

“फाराओमी इस कली ‘छक लाक्‍चा ङा चिन्‍ड कोंइदीसे’ देंमेनु, गेमी हारून कली ‘इ कोक्‍के बुस्‍स दुम्‍पाइक्‍चा कली फाराओ आ ङोंइती ब्‍वारदो’ देंचा माल्‍नेवे। मिनु मेको कोक्‍के बुस्‍स दुम्‍ब” देंत। प्रस्‍थान ४:३

मत्ती 21:23

मिनु परमप्रभु यावे आ खिं ओव़शा, मुर आन कली शेंना शेंन बाक्‍मेनु, ठेयब चढ़ेब नु जोक्‍ब तुइक्‍ब खालपापुकी जाक्‍शा “तेको अधिकारमी मोदेंशो पवी? एको अधिकार सुमी गेवे?” देंतेक्‍म। यूहन्‍ना २:१८; प्रेरित ४:७

मर्कूस 8:11

मिनु फरिसी जाक्‍शा, येसु आ थुं थाम्‍चा कली “सरीङ ङा चिन्‍ड का कोंइदीकी” देंमा बाक्‍त। यूहन्‍ना ६:३०

लूका 11:29

येसु आ लोव़ नेंबपुकी बारना बारन लशा, शुश दुम्‍मा नोले येसुमी “सिनाक्‍त मुलाक्‍त ङा मुर थम मरिम्‍शो बाक्‍नीम। मारदे हना चिन्‍ड ला कोव़कोव़ दाक्‍नीम। मेको आन कली योना आ चिन्‍ड ङा लाक्‍शा, मारेइ चिन्‍ड मकोंइनुङमी। लूका ११:१६

यूहन्‍ना 1:19

मिनु यरूसलेम सहर ङा यहूदीपुकीमी चढ़ेब नु लेवी आ थर ङा मुर आन कली यूहन्‍ना नु ग्रुम्‍थ सोइक्‍ताक्‍म। मिनु मेकोपुकीमी यूहन्‍ना कली “गे सु ननी?” दे हिल्‍लो पाम्‍तेक्‍म।

यूहन्‍ना 1:25

मिनु यूहन्‍ना कली “गे ख्रीस्‍त मननी हना, एलीया मननी हना, परमप्रभु यावे आ लोव़ पाइब यो मननी हना, मारदे मुर आन कली ब्‍वाक्‍कुमी ख्रुम्‍शा ग्रुंइतीक गेय पाइनीनी?” दे हिल्‍लो पाम्‍तेक्‍म।

यूहन्‍ना 6:30

मिनु मेकोपुकीमी लेंशा येसु कली “गे परमप्रभु यावे आ तौ ननी, दे कोंइचा कली मार छक लाक्‍चा ङा गेय पाइनीनी?

प्रेरित 4:7

मेको नेल्‍ल खुम्‍सीशा बाक्‍मानु, पत्रुस नु यूहन्‍ना आस कली जेल्‍खान रे ग्रुंइपाइश्‍शा, आन बाक्‍तीके चाक्‍पाइश्‍शा आन ङोंइती राप्‍पदमे बाक्‍त। मिनु “मेको खोइल मदुक्‍ब मुर कली सु आ सक्तिमी, सु आ नें ब्रशा सापांइसी, लो देनीस” दे हिल्‍लो पामे बाक्‍त। मत्ती २१:२३

प्रेरित 5:28

मिनु ठेयब चढ़ेबमी “येसु आ नें मशेंचा, मुर आन कली मतुइक्‍पाइक्‍चा देंतक। गेपुकीमी चहिं यरूसलेम नेल्‍ल मेको लोव़ फ्रनी बाक्‍त। लोव़ फ्रशो ला ममाइ। मेको येसु कली गोपुकीमी साइश्‍शो, दे आंइ कली दोस गेनी बाक्‍त” दे हुइक्‍तीमी बाक्‍त। प्रेरित ४:१८; मत्ती २७:२५