यूहन्‍ना 2:14 - Sunuwar Bible

¹⁴ परमप्रभु यावे आ खिं जाक्‍दीम्‍मेनु, मेकेर ब्‍यफ लेयबपुकी, भेडा लेयबपुकी, परवा लेयबपुकी नु क्‍येट फाइक्‍ब नेल्‍लेमी आन गेय पना पन बाक्‍शो ताप्‍तु।

यूहन्‍ना 2:14 ပူးပေါင်းရင်းမြစ်များ

इजीकीएल 36:38

गो मेको आन कली यरूसलेम ङा चाडम चढ़ेतीक भेडा खोदेंशो पा शुश सेल्‍नुङमी। मोपा सहर लेंशा शुश मुरपुकीम ब्रीनीम। मिनु मेकोपुकीम गोन परमप्रभु यावे नङ, दे तुइक्‍नीम” देंत।

मर्कूस 11:15

मिनु यरूसलेम जाक्‍दीम्‍मा बाक्‍त। जाक्‍दीश्‍शा येसु परमप्रभु यावे आ खिं ओव़शा, मेकेर ग्‍याप्‍ब लेयब आन कली खेरचा गोवा बाक्‍त। क्‍येट फाइक्‍ब आन क्‍येट वोइक्‍तीके नु ढुकुर लेयब आन नित्‍तीके खोल्‍शा गेमी बाक्‍त।

मर्कूस 11:17

“जात जात ङा मुरपुकीमी एकेर प्रार्थना पामेक्‍ल दे आं खिं वोइश्‍शो बाक्‍त दे ब्रेक्‍शो बाक्‍बा, ममाइ ङा? गेपुकीमी चहिं खुइपुकीमी खुइ पा चाक्‍शा आन बाक्‍तीके पुक्‍खी सेल्‍तीनी” दे हुइक्‍तीमी बाक्‍त। यसैया ५६:७; येरमीया ७:११

यूहन्‍ना 2:15

मिनु येसुमी पले डोरी के युक्‍तीक सेल्‍शा, भेडा, ब्‍यफ लेयबपुकी नु क्‍येट फाइक्‍ब आन कली परमप्रभु यावे आ खिं रे खेरतीमी। क्‍येट फाइक्‍ब आन क्‍येट वोइक्‍तीक खोल्‍शा, क्‍येट नेल्‍ल फ्राम्‍तीमी।