यूहन्‍ना 2:12 - Sunuwar Bible

¹² मिनु नोले येसु, आ ममा, आ लोक्‍बपुकी नु आ शेंसीबपुकी नु कापेरनाउम सहरमी यिशा, मेकेर इच्‍का नाक्‍त सम्‍म बाक्‍मा बाक्‍त। यूहन्‍ना ७:३; मत्ती १३:५५

यूहन्‍ना 2:12 ပူးပေါင်းရင်းမြစ်များ

मत्ती 11:23

ए कापेरनाउम, मार गे स्‍वर्ग सम्‍म क्‍युक्‍सीनेवे ङा? नरकम तोक्‍चा पुंइसीनेवे। मारदे हना गेमी तशो छक लाक्‍चा ङा गेय नु चिन्‍ड सोदोम ङा मुरपुकीमी तशो नम हना, आन थुं परमप्रभु यावे गे लेश्‍शा सजाइ रे ब्रोंइचा ताम वा, मिनु सहर मुल सम्‍म ली वा। मत्ती ४:१३; मत्ती ८:५; मत्ती ९:१; यसैया १४:१३,१५

मत्ती 12:46

येसुमी मेको लोव़ पना पन बाक्‍मेनु, आ ममा नु आ लोक्‍बपुकी ग्रुम्‍थ जाक्‍मा बाक्‍त। मत्ती १३:५६

मत्ती 4:13

मिनु नासरथ रे लशा ङा मिन, जबूलून नु नाप्‍ताली रागी ङा समुन्‍द्र आ नेक्‍था ङा कापेरनाउम सहरम जाक्‍दीश्‍शा बाक्‍माक्‍त।

मर्कूस 6:3

शी मुइब ममाइ ङा? मरीयम आ तौ ममाइ ङा? याकूब, योसेस, यहूदा नु सिमोन आन लोक्‍ब ममाइ ङा? आ लोक्‍बपुकी गोपुकी नु मबाक्‍नीमी ङा?” दे आन थुं मनुशो लोव़ पमुमा बाक्‍त। यूहन्‍ना ६:४२

यूहन्‍ना 2:2

येसु नु आ शेंसीब आन कली यो ब्रेश्‍शो बाक्‍तेक्‍म।

यूहन्‍ना 4:46

मिनु येसु ङोंइती ब्‍वाक्‍कु रे अङगुर शांबु सेल्‍तीक गालील रागी ङा काना सहरमी जाक्‍शो बाक्‍त। मिनु कापेरनाउम सहरमी पिप आ गेय पाइब कप्‍तान का बाक्‍शो बाक्‍त। मेको आ तौ रोइ पशो बाक्‍माक्‍त। यूहन्‍ना २:१,९

यूहन्‍ना 6:17

डोंगामी ङोइश्‍शा, समुन्‍द्र शोक्‍शा, कापेरनाउम सहर गे लचा गोम्‍तेक्‍मे। मेना नां रिक्‍शो बाक्‍त। येसु चहिं लेश्‍शा मजाक्‍शो बाक्‍त।

१ कोरिन्‍थी 9:5

केफास, प्रभु आ लोक्‍ब नु सोइश्‍शो नेल्‍लेमी शेंना शेंन गाक्‍मानु, आन मीश काथा लाइश्‍शा गाक्‍तेक्‍म। मिनु गोपुकी मेको आन बुद पा आंइ मीश लाइश्‍शा गाक्‍चा मताइनीकी ङा?

गलाती 1:19

मेना ख्रीस्‍त आ सोइश्‍शो सुइ आन कली मग्रुमुमी। प्रभु आ लोक्‍ब याकूब चहिं ग्रुम्‍ता। मत्ती १३:५५