यूहन्‍ना 2:11 - Sunuwar Bible

¹¹ मेको येसु आ ङोंइती ङा छक लाक्‍चा ङा गेय बाक्‍त। मेको ङोंइती पशो छक लाक्‍चा ङा गेय गालील रागी ङा काना माइश्‍शो सहरमी पशो बाक्‍त। मोपा मुर आन कली आ सक्ति कोंइशो बाक्‍त। मेको तशा आ शेंसीबपुकीमी येसु कली परमप्रभु यावे आ तौ बाक्‍त, दे थमा सुदमे बाक्‍त। यूहन्‍ना १:१४

यूहन्‍ना 2:11 ပူးပေါင်းရင်းမြစ်များ

१ राजा 17:24

मिनु मेको मीश मुरुमी एलीया कली “गे परमप्रभु आ मुर बाक्‍नीनी, दे मुल गो थमा पा तुइक्‍ताक्‍ङ। मिनु इन देंशो परमप्रभु यावे आ लोव़ थमा बाक्‍त” देंमाक्‍त।

भजन संग्रह 72:19

मेको आ नें गेना हना यो ठेयब बाक्‍ब। रागी नेल्‍ल आ सक्तिमी ब्रील। आमेन, मेको थमा बाक्‍ब। यसैया ६:३

भजन संग्रह 96:3

रागी रागी ङा मुर आन दातेमी मेको आ सक्ति आ पर्बम लोव़ पने। जात जात ङा मुर आन दातेमी आ छक लाक्‍चा ङा गेय आ पर्बम लोव़ पने।

प्रस्‍थान 14:31

मिनु मुरपुकीमी “परमप्रभु यावेमी इजीप्‍त ङा मुर आन कली साइक्‍तीमी” दे तुइश्‍शा, परमप्रभु यावे क्‍येङा हिंतेक्‍म। मिनु “परमप्रभु यावेमी नेल्‍ल पने चाप्‍ब। मोसा आ गेय पाइब बाक्‍ब” दे थमा सुइक्‍तेक्‍म। प्रस्‍थान १९:९; २इतिहास २०:२०

प्रस्‍थान 4:9

तन्‍न मेकोपुकीमी चिन्‍ड निक्‍शी तशा यो, थमा मसुइक्‍थु, इ कली मटिम्‍तेक्‍म हना, गे नील खोला ङा ब्‍वाक्‍कु लाइश्‍शा, सोव़शो खप तारी मोतो। खोला रे लाइश्‍शो ब्‍वाक्‍कु सोव़शो खप तारी मोदीनु, मेको हुश दुम्‍ब” दे परमप्रभु यावेमी दें‍त। प्रस्‍थान ७:१७-२१

उपदेसक 9:7

आंम इ लां गाक्‍को, इ जतीक थोव़क ग्‍येरशा जावो। ग्‍येरशा इ अङगुर शांबु तूङो। मारदे हना परमप्रभुमी इ पशो गेय दाक्‍ब। उपदेसक २:२४

यसैया 40:5

मेना परमप्रभु यावे आ छेङछेङ ग्रूब। मेको मुर नेल्‍लेम ताइनीम। मारदे हना परमप्रभु यावेमी एको लोव़ देंशो बाक्‍ब” दे लोव़ पाप्‍तु।

मलाकी 2:2

गे इन नोफा मदाइक्‍ताक्‍नी नु आं नें कली मान पचा कली ममिम्‍ताक्‍नी हना, गो इन कली सराप पाइनन्‍नी। इन कली गेशो आसीक सराप दुम्‍ब। मारदे हना गे काइ मटीब बाक्‍नीनी। गो थमा पा इन आसीक कली सराप सेल्‍नुङ। ब्‍यवस्‍था २८:१५

यूहन्‍ना 1:14

मिनु लोव़ माइश्‍शो मुर दुम्‍शा, गोपुकी नु बाक्‍शो बाक्‍त। मेको शिशी पाइब नु परमप्रभु यावे आ लां कोंइब बाक्‍त। गोपुकीमी “परमप्रभु यावे आ कांइचीक तौ बाक्‍ब” दे तुइश्‍शा, मेको कली परमप्रभु यावे आ छेङछेङ, आ शिशी नु आ थमा पतीकेमी ब्रीशो ताइतक। १तिमोथी ३:१६; प्रस्‍थान ३३:१८; यसैया ६०:१; २पत्रुस १:१६-१७

यूहन्‍ना 1:17

मोसामी परमप्रभु यावे आ अरेशो लोव़ गेप्‍तु। तन्‍न शिशी पाइब नु परमप्रभु यावे आ थमा लां कोंइब येसु ख्रीस्‍त रे बाक्‍ब। रोमी १०:४

यूहन्‍ना 1:43

मिनु आ सांबु नाक्‍ती येसुमी “गालील रागी लाइनुङ” देंत। मिनु मेकेर लशा फिलीप कली ग्रुम्‍तु। मिनु फिलीप कली “आं नोले खोइय्‍यी” देंत।

यूहन्‍ना 1:50

मिनु येसुमी लेंशा “गो फोव़शी रवा आ पुंमी इ कली ताता देंशो आ पर्बम गे थमा सुइक्‍तीवी। गे मेको क्‍येङा ठेयब गेय पशो ताइनेवे” दे माइक्‍तु।

यूहन्‍ना 10:41

आ नेक्‍था जाक्‍शा, शुश मुरपुकीमी “यूहन्‍नामी छक लाक्‍चा ङा गेय मपव। तन्‍न मेको मुर आ पर्बम मार मार देंमे, मेको नेल्‍ल थमा बाक्‍माक्‍त” देंमुम्‍तेक्‍म।

यूहन्‍ना 11:15

गो मेकेर मबाक्‍ङ। मोपतीके गो ग्‍येरसीनुङ। मारदे हना गेपुकीमी थमा सुइक्‍ने चाप्‍नीनी। मुल गोपुकी बेथानी लय” देंत।

यूहन्‍ना 11:47

मो दुम्‍शा ठेयब चढ़ेब नु फरिसीपुकी बुक्‍शा “मुल मार पय? मारदे हना मेको मुरुमी शुश छक लाक्‍चा ङा गेय पाइबाक्‍त। मत्ती २६:३-४

यूहन्‍ना 12:18

मोपतीके मेकोपुकी येसु कली ग्रुम्‍थ जाक्‍तेक्‍म।

यूहन्‍ना 12:37

मिनु येसुमी मुर आन ङोंइती शुश छक लाक्‍चा ङा गेय पाप्‍तु हना यो, मेकोपुकीम येसु कली थमा मसुदेम।

यूहन्‍ना 12:41

मारदे हना यसैयामी येसु ख्रीस्‍त आ छेङछेङ ङा सक्ति ततीके येसु आ पर्बम लोव़ पशा ब्रेक्‍शो बाक्‍त। यसैया ६:१

यूहन्‍ना 14:13

मिनु गेपुकी आं नेंमी मार मार पुंइनीनु, गो गेनन्‍नी। गो इन पुंइशो गेशा, गो, आं पतीके आं आफ आ सक्ति कोंइनुङ। यूहन्‍ना १५:७; यूहन्‍ना १६:२४; मर्कूस ११:२४; १यूहन्‍ना ५:१४-१५

यूहन्‍ना 16:27

आं आफोमी इन कली दाक्‍ब। मारदे हना आं कली दाक्‍ताक्‍नी। गो आं परमप्रभु यावे रे जाक्‍शो नङ, दे थमा सुइक्‍तीनी। यूहन्‍ना १४:२१

यूहन्‍ना 16:30

गे नेल्‍ल तुइक्‍नीनी, दे गोपुकी मुल तुइक्‍ताक्‍क। मोपतीके इन कली शेंब ममाल्‍ब। गे परमप्रभु यावे आ बाक्‍तीक रे यिशो ननी, दे थमा सुइक्‍तक” देंतेक्‍म।

यूहन्‍ना 2:1

आ सांबु नाक्‍ती गालील रागी ङा काना सहरमी ग्‍युंबे का बाक्शो बाक्‍त। मिनु येसु आ ममा यो मेकेर लशो बाक्‍त।

यूहन्‍ना 2:23

मिनु येसु पास्‍सा चाडम यरूसलेममी बाक्‍शा, छक लाक्‍चा ङा गेय पवानु, मेको तशा, शुश मुरपुकीमी “परमप्रभु यावे आ तौ बाक्‍त” दे थमा सुइक्‍तेक्‍म।

यूहन्‍ना 3:2

मिनु नाक्‍दो मेको मुर येसु आ बाक्‍तीक जाक्‍शा, येसु कली “शेंब, गे परमप्रभु यावे आ सोइश्‍शो शेंब ननी, दे तुइक्‍नीकी। मारदे हना परमप्रभु यावे आ सोइश्‍शोमी ला गे इन खोदेंशो पा छक लाक्‍चा ङा गेय पने चाप्‍ब” देंत।

यूहन्‍ना 4:3

मिनु आ शेंसीबपुकी नु यहूदीया रागी रे पा, गालील रागी गे लाम्‍तेक्‍म।

यूहन्‍ना 4:46

मिनु येसु ङोंइती ब्‍वाक्‍कु रे अङगुर शांबु सेल्‍तीक गालील रागी ङा काना सहरमी जाक्‍शो बाक्‍त। मिनु कापेरनाउम सहरमी पिप आ गेय पाइब कप्‍तान का बाक्‍शो बाक्‍त। मेको आ तौ रोइ पशो बाक्‍माक्‍त। यूहन्‍ना २:१,९

यूहन्‍ना 4:54

येसुमी यहूदीया रे गालील रागी जाक्‍शा, खेयप निक्‍शी ङा आ पशो छक लाक्‍चा ङा गेय एको बाक्‍ब। यूहन्‍ना २:११

यूहन्‍ना 5:23

मो दुम्‍मेनु, आं आफ कली मान पाइबपुकीमी आ तौ कली यो आफ कली खोदेंशो पा मान पाइनीम। सुमी तौ कली मान मपाइबा, मेकोमी तौ कली सोइक्‍ब आं आफ कली यो मान मपाइब। फि‍लिप्‍पी २:१०-११; १यूहन्‍ना २:२३

यूहन्‍ना 6:14

मिनु मुरपुकीमी येसु आ पशो छक लाक्‍चा ङा गेय तशा “रागीमी जाक्‍ब परमप्रभु यावे आ लोव़ पाइब एकोन बाक्‍त” देंतेक्‍म। ब्‍यवस्‍था १८:१५

यूहन्‍ना 6:2

मिनु शुश मुरपुकीमी येसु आ नोले खोइक्‍तेक्‍म। मारदे हना येसुमी छक लाक्‍चा ङा गेय पा, रोइ पाइब आन कली सापाइश्‍शो तशो बाक्‍तेक्‍म।

यूहन्‍ना 6:26

येसुमी “नोफा दाइश्‍शा नेनीन, आं छक लाक्‍चा ङा गेय आ पर्बम ममाइ, तन्‍न शोब्‍ले जशा रूतीके आं कली माल्‍तीनी।

यूहन्‍ना 6:30

मिनु मेकोपुकीमी लेंशा येसु कली “गे परमप्रभु यावे आ तौ ननी, दे कोंइचा कली मार छक लाक्‍चा ङा गेय पाइनीनी?

यूहन्‍ना 7:31

मिनु शुश मुरपुकीमी मेको कली थमा सुइक्‍तेक्‍म। मेकोपुकीमी “ख्रीस्‍त अर्को बाक्‍त हना, मेकोमी एको क्‍येङा शुश छक लाक्‍चा ङा गेय पने चाप्‍बा ङा?” देंतेक्‍म।

यूहन्‍ना 9:16

फरिसी का निक्‍शीमी “परमप्रभु यावे आ सोइश्‍शो ममाइ। मारदे हना नाइक्‍तीक नाक्‍त ममानेब” देंतेक्‍म। का निक्‍शीमी चहिं “पापी मुरुमी दोपा ओदेंशो छक लाक्‍चा ङा गेय पने चाप्‍बा ङा?” देंतेक्‍म। मिनु मेकोपुकी ब्रातेक्‍म।

२ कोरिन्‍थी 3:18

गो नेल्‍ल इं थुं गिल्‍शो वा हुक्‍शा, प्रभु आ छेङछेङ कोंइशा, प्रभु आ छेङछेङ पाइश्‍शो खोदेंशो दुम्‍शा फाइक्‍चा पुंइसाक्‍य। मेको फाइक्‍तीके बारना बारन लशा, इं कली छेङछेङ का रे अर्को छेङछेङम फाइक्‍ब। मेको नेल्‍ल प्रभु रे जाक्‍ब। मेको सोक्‍त बाक्‍ब। २कोरिन्‍थी ४:६

२ कोरिन्‍थी 4:17

मारदे हना मुल जशो श्‍येत इच्‍का ला बाक्‍ब। नोले मेकोमी इं कली मरुप्‍चा ङा ठेयब छेङछेङमी बाक्‍चा गेब। रोमी ८:१७-१८; १पत्रुस १:६

२ कोरिन्‍थी 4:6

परमप्रभु यावेमी “छिङछिङ जाम्‍शा, छेङछेङ दुम्‍ल” देंमाक्‍त। मेकोमी आंइ थुंमी छेङछेङ ब्रपाइश्‍शो बाक्‍त। गो परमप्रभु यावे आ छेङछेङ ख्रीस्‍त रे पा रुप्‍नीकी। उत्‍पत्ती १:३; २कोरिन्‍थी ३:१८

ब्‍यवस्‍था 5:24

मिनु गेपुकीमी “परमप्रभु यावे, इं परमप्रभुमी इं कली आ ठेयब पतीके नु आ छेङछेङ कोंइताक्‍व। मिनु गोपुकीमी मेको आ सेंदा मी आ दाते रे नेंतक। मुलाक्‍त मार ताइतक देंशा हना, परमप्रभुमी मुर नु लोव़ पाइब। मो हना यो मुर मबेक्‍म, दे ताइतक। ब्‍यवस्‍था ४:१२-१३,३३

१ यूहन्‍ना 5:13

मिनु गेपुकी परमप्रभु यावे आ तौ आ नें कली थमा सुइक्‍नीनी। मोपतीके गेना हना यो ब्रोंइशा बाक्‍चा ताइब बाक्‍नीनी, दे गो इन कली तुइक्‍पाइक्‍चा कली ब्रेक्‍ताक्‍ङ। यूहन्‍ना २०:३१