यूहन्‍ना 19:7 - Sunuwar Bible

⁷ यहूदीपुकीमी “आंइ ऐन कानुन बाक्‍ब। मिनु मेको ऐन कानुनमी ब्रेक्‍शो खोदेंशो पा एको मुर बेक्‍चा माल्‍ब। मारदे हना एकोमी आंमा कली परमप्रभु यावे आ तौ सेल्‍सीशो बाक्‍त” देंतेक्‍म। यूहन्‍ना १०:३३; लेवी २४:१६

यूहन्‍ना 19:7 ပူးပေါင်းရင်းမြစ်များ

यसैया 53:4

थमा पा मेकोमी आंइ श्‍येत कुरतु, आंइ रोइ पतीक नेल्‍ल लाइक्‍तु। मो हना यो गोपुकीमी मेको कली परमप्रभुमी सजाइ गेशा, तुप्‍शा, दिप्‍शो खोदेंशो लाक्‍तक। मत्ती ८:१७

लेवी 24:16

परमप्रभु यावे आ नें आ पर्बम मरिम्‍शो लोव़ पाइब साइक्‍चा पुंइसीब। इस्राएल ङा मुर बाक्‍त हना यो, अर्को रागी ङा मुर बाक्‍त हना यो, सुम परमप्रभु यावे आ नें आ पर्बम मरिम्‍शो लोव़ पाइबा, मेको साइक्‍चा पुंइसीब। प्रस्‍थान २०:७; मत्ती २६:६५-६६

मर्कूस 15:39

मिनु येसु आ ङोंइती राप्‍शा बाक्‍शो कप्‍तानमी येसु वाइ ब्रेश्‍शा, नोले सोक्‍त कीशा बेक्‍शो तशा “थमा पा, एको मुर परमप्रभु यावे आ तौ बाक्‍माक्‍त” देंमाक्‍त।

यूहन्‍ना 19:8

मिनु पिलातसमी मोदेंशो नेंशा, ङोंइती क्‍येङा हिंत।

यूहन्‍ना 5:18

आ लोव़ नेंशा, यहूदीपुकीमी येसु कली साइक्‍चा माल्‍तेक्‍म। मारदे हना नाइक्‍तीक नाक्‍ती गेय मपतीके क्‍याम्‍चा ला ममाइ “परमप्रभु यावे नु उइक्‍थ बाक्‍नुङ। परमप्रभु यावे आं आफ बाक्‍ब” दे देंशोमी, मेकोपुकीमी येसु कली साइक्‍चा माल्‍तेक्‍म। यूहन्‍ना ७:३०; यूहन्‍ना १०:३३

प्रेरित 18:13

मिनु मेकोपुकीमी “एको मुरुम ‘परमप्रभु यावे आ अरेशो लोव़ मगारचा ङा पा परमप्रभु कली ठेयब सेल्‍चा माल्‍ब’ दे मुर आन कली शेंब” दे दोस गेमे बाक्‍त।

रोमी 1:4

तन्‍न मुर ला ममाइ। परमप्रभु यावे आ तौ यो बाक्‍ब। “आं तौ बाक्‍ब” दे तुइक्‍पाइक्‍चा कली परमप्रभु यावेमी आ सोक्‍त आ सक्तिम येसु ख्रीस्‍त कली बेक्‍शो रे सेंताक्‍व। मत्ती २८:१८; प्रेरित १३:३३

ब्‍यवस्‍था 18:20

तन्‍न तेको आं लोव़ पाइबमी आं मदेंशो लोव़ देंशा नु अरु देवी देवता आन देंशो लोव़ पाप्‍तु हना, मेको आं लोव़ पाइब कली साइक्‍चा माल्‍नीनी। ब्‍यवस्‍था १३:२-६; येरमीया १४:१३-१५