यूहन्‍ना 19:19 - Sunuwar Bible

¹⁹ मिनु पिलातसमी “नासरथ ङा येसु, यहूदी आन पिप” दे ब्रेक्‍स ब्रेक्‍शा, येसु आ शीमी केप्‍शा वोइक्‍तु।

यूहन्‍ना 19:19 ပူးပေါင်းရင်းမြစ်များ

मत्ती 2:23

मिनु गालील ङा नासरथ सहरमी जाक्‍दीश्‍शा बाक्‍मा बाक्‍त। मारदे हना साइ नेसी परमप्रभु यावे आ लोव़ पाइब आन लोव़ थमा दुम्‍चा माल्‍बाक्‍माक्‍त। मेकोपुकीमी “मेको कली नासरी देंनीम” देंशो बाक्‍मा बाक्‍ब। लूका २:३९; यूहन्‍ना १:४६

मत्ती 27:37

“यहूदी आन पिप येसु” दे आ कली दोस गेशा ब्रेक्‍शो आ पिया तार एरे शीमी केप्‍तमे बाक्‍त।

मर्कूस 15:26

“यहूदी आन पिप” दे दोस गेशा, ब्रेक्‍शो ब्रेक्‍स यो क्‍येप्‍शो बाक्‍माक्‍त।

लूका 18:37

“नासरथ ङा येसु एको लां पित” देंमा बाक्‍त।

लूका 23:38

येसु कली क्‍याइश्‍शो शीमी “यहूदी आन पिप बाक्‍ब” दे ब्रेक्‍शा वोदमे बाक्‍त।

यूहन्‍ना 1:49

मिनु नथानेलमी “शेंब, गे परमप्रभु यावे आ तौ ननी। गे इस्राएल ङा मुर आन पिप ननी” देंत। यूहन्‍ना ६:६९; भजन संग्रह २:७; येरमीया २३:५; मत्ती १४:३३; मत्ती १६:१६

यूहन्‍ना 18:33

मिनु पिलातस आ खिं ओव़शा, येसु कली आगामी ब्रेश्‍शा “गे यहूदी आन पिप ननी?” दे हिल्‍लो पाप्‍तु।

यूहन्‍ना 19:12

मिनु येसु आ लोव़ नेंशा नोले पिलातसमी येसु कली प्रोंइशा सोइक्‍चा माल्‍तु। तन्‍न मेको यहूदीपुकीमी पिलातस कली “गे एको कली प्रोंइशा सोइक्‍ताक्‍नी हना, गे रोमी आन पिप सिजर आ वारच मननी। मिनु सुमी ‘गो पिप नङ’ देंबा, मेको सिजर आ जोरी सत्रु दुम्‍ब” देंतेक्‍म। प्रेरित १७:७

यूहन्‍ना 19:14

मेना नां सोक्‍चा चिक्‍शो बाक्‍त। मेको नाक्‍ती चहिं पास्‍सा चाड ङा भोज सातीक नाक्‍ती बाक्‍त। मिनु पिलातसमी यहूदी आन कली “इन पिप कली कोव़ङीन” देंत।

यूहन्‍ना 19:21

मिनु यहूदी आन ठेयब चढ़ेबपुकीमी पिलातस कली “यहूदी आन पिप ममाइ, तन्‍न ‘गो यहूदी आन पिप नङ’ देंत, दे ब्रेक्‍तीन” दे माइक्‍तेक्‍म।

यूहन्‍ना 19:3

मिनु आ नेक्‍था जाक्‍शा “जय, यहूदी आन पिप” देंशा, आ चोव़चो राप्‍तेक्‍म।

प्रेरित 26:9

साइ गो दोपा यो मेको नासरथ ङा येसु आ नें क्‍याम्‍चा, दे मिम्‍शो नङ। प्रेरित ९:१-२९; प्रेरित २२:३-२१

प्रेरित 3:6

मिनु पत्रुसमी “गो नु सुन चांदी मबा। मार बाक्‍मे, मेकोन गेनन। तन्‍न आं के मार मेकोन गेनन। नासरथ ङा येसु ख्रीस्‍त आ नेंमी बोक्‍शा एर ओंथ हिरसो” देंशा,