यूहन्‍ना 19:18 - Sunuwar Bible

¹⁸ मेकेर जाक्‍दीश्‍शा, येसु कली शीमी केप्‍शा कांटी थोक्‍ताक्‍म। मोदेंशो पा मुर निक्‍शी आस कली यो शीमी केप्‍शा कांटी थोक्‍ताक्‍म। मिनु येसु कली कांटी थोक्‍शो शी मेको आस दातेमी ख्रुक्‍तेक्‍म।

यूहन्‍ना 19:18 ပူးပေါင်းရင်းမြစ်များ

भजन संग्रह 22:16

कुचुमपुकीमी आं कली पुम्‍ताक्‍यीमी। काइ मरिम्‍शो पाइब आन हुल आं एर ओंथ बाक्‍नीम। आं गुइ खोइली ख्रित्‍ताक्‍यीमी। यूहन्‍ना २०:२५,२७

यसैया 53:12

मोपतीके गो मेको कली ठेयब नु सक्ति पाइश्‍शो नु वोइक्‍नुङ। मेकोमी बोल्‍यो मुर नु मार मार योक्‍सीब। मारदे हना मेको साइक्‍ब नु मरिम्‍शो मुरपुकी नु हिक्‍सीचा पुंइसाक्‍व। शुश पापी आन पाप कुरतु। मिनु हेंथे गाक्‍ब मुर आन पर्बम परमप्रभु यावे कली पुंइतु। मर्कूस १५:२८; लूका २२:३७; लूका २३:३३-३४

मत्ती 27:44

आ ग्‍युरा नु पेरा गे क्‍युक्‍शो खुइ निक्‍शीमी यो मोदेंशो पान शुक्‍शी पदसे बाक्‍त।

यूहन्‍ना 18:32

येसुमी आ ङोंइती देंशो लोव़ “दोपा बेक्‍चा माल्‍नुङा” देंशो, थमा दुम्‍चा कली मोदेंशो दुम्‍त। यूहन्‍ना १२:३२-३३; मत्ती २०:१९

यूहन्‍ना 19:32

मोदुम्‍तीके सिपाहीपुकीमी कांटी थोक्‍शो येसु आ ग्‍युरा नु पेरा गे ङा निम्‍फा आस कली खोइल जिक्‍ताक्‍म।

प्रेरित 2:23

गेपुकीमी येसु कली अरेशो मटीब आन गुइम गेशा, शीम केप्‍शा कांटी थोक्‍शा क्‍याइश्‍शा साइक्‍पाइक्‍तीनी। ङोंइती रे परमप्रभु यावेमी मोदेंशो दुम्‍चा माल्‍ब, दे मिम्‍शा, इन कली मो पचा गेशो बाक्‍माक्‍त, दे रुपीन। प्रेरित ४:२८

गलाती 3:13

ख्रीस्‍तमी सुइमी मेको लोव़ टिने मचाप्‍नीम, दे तुइश्‍शा, इं पा ङा सराप रशा, मेको सराप रे प्रोंइतु। मिनु “शीम क्‍याइश्‍शा साइक्‍चा पुंइसीबपुकी सराप रशो बाक्‍नीम” दे ब्रेक्‍शो बाक्‍ब। ब्‍यवस्‍था २१:२३; २कोरिन्‍थी ५:२१

हिब्रू 12:2

थमा सुइक्‍तीक लां कोंइशा, पाको सेल्‍ब येसु कली मिम्‍तय। मेकोमी शीम केप्‍शा कांटी थोक्‍शा क्‍याइश्‍शा साइक्‍चा पुंइसीचा आ पर्बम, मुने आ पर्बम मारेइ ममिम्‍ता बाक्‍त। नोले मान पा ग्‍येरसीशा बाक्‍चा ताइनुङ, दे मिम्‍ता बाक्‍त। मिनु मुल परमप्रभु यावे आ ग्‍युरा गे निश्‍शो बाक्‍ब। हिब्रू ५:८-९; फिलिप्‍पी २:८-१०