यूहन्‍ना 19:17 - Sunuwar Bible

¹⁷ मिनु नोले यहूदीपुकीमी येसु कली लाइक्‍तेक्‍म। मिनु आ कली कांटी थोक्‍शा क्‍याइश्‍शा साइक्‍तीक शी आंमा कुरपाइश्‍शा, खप्‍परे माइक्‍तीकेमी लाइक्‍तेक्‍म। हिब्रू लोव़मी मेको कली गोल्‍गथा देंनीम।

यूहन्‍ना 19:17 ပူးပေါင်းရင်းမြစ်များ

उत्पत्ती 22:6

मिनु अब्राहाममी चोशा चढ़ेतीक शी इसहाक कली कुरपदा बाक्‍त। मिनु मी नु चुक्‍ब आंमा कुरा बाक्‍त। मोपा निम्‍फा लसा बाक्‍त।

१ राजा 21:13

मिनु मेको नोले मेको मरिम्‍शो पाइब मुर निक्‍शी जाक्‍शा, मेको आ ङोंइती निस्‍ससा बाक्‍त। मिनु मेको निक्‍शीमी “नाबोथम परमप्रभु नु पिप कली सराप पशो बाक्‍ब” दे नेल्‍लेम नेंचा ङा पा दोस गेम्‍से बाक्‍त। मिनु मेकोपुकीम मेको कली लाङगा ग्रुंइशा फुल्‍लु आप्‍शा सदमे बाक्‍त।

लेवी 24:14

“मेको सराप पाइब कली मुर आन बाक्‍तीक रे लाङगा ग्रुंइदीन। मिनु मेको आ नेक्‍था बाक्‍ब मुर नेल्‍लेमी मेको आन गुइ आ पिया तारी वोइक्‍चा माल्‍नीम। मिनु मेको नोले नेल्‍लेमी मेको कली फुल्‍लु आप्‍शा साइक्‍चा माल्‍नीम। गन्‍ती १५:३६; ब्‍यवस्‍था १५:५; प्रेरित ७:५६

मत्ती 10:38

सुमी आं नोले खोइश्‍शा, श्‍येत फाल्‍ने मचाप्‍बा, मेको आं नोले खोइक्‍चा मशिरब। मत्ती १६:२४-२५

मत्ती 16:24

मिनु येसुमी आ शेंसीब आन कली “सुमी आं नोले खोइक्‍चा थुं पाइबा, मेकोमी आंम दला दाक्‍स पचा प्रोंइशा, श्‍येत जचा महिंथु, आ नोले खोइय्‍यील। मत्ती १०:३८-३९; १पत्रुस २:२१

मत्ती 27:37

“यहूदी आन पिप येसु” दे आ कली दोस गेशा ब्रेक्‍शो आ पिया तार एरे शीमी केप्‍तमे बाक्‍त।

मर्कूस 10:21

येसुमी मेको आ कुल शिरशा कोव़शा, मेको कली दाक्‍शा “का चहिं मपवी। लशा, इ शोंप नेल्‍ल लेयशा, जचा फेक्‍चा मताइब आन कली योक्‍शा गेमी। मिनु लेश्‍शा, आं नोले खोइय्‍यी। मिनु इ शोंप स्‍वर्गमी बाक्‍ब” देंमाक्‍त। मर्कूस ८:३४; मत्ती १०:३८

मर्कूस 15:26

“यहूदी आन पिप” दे दोस गेशा, ब्रेक्‍शो ब्रेक्‍स यो क्‍येप्‍शो बाक्‍माक्‍त।

मर्कूस 15:32

इस्राएल ङा पिप, ख्रीस्‍तमी शीमी क्‍येप्‍शो रे प्रोंइसेक्‍ल। प्रोंइसीशो ताइतय हना, थमा सुइक्‍नय” देंमुमा बाक्‍त। आ ग्‍युरा नु पेरा गे वोइश्‍शो निक्‍शीमी यो शुक्‍शी पदसे बाक्‍त। मत्ती १६:१४

मर्कूस 8:34

मिनु आ शेंसीबपुकी नु मेकेर देल्‍शो आन कली ब्रेश्‍शा “सुमी आं नोले खोइक्‍चा थुं पाइबा, मेकोमी आंम दला दाक्‍स पचा प्रोंइशा, श्‍येत जचा महिंथु, आं नोले खोइय्‍यील।

लूका 14:27

सु सुमी आन श्‍येत कुरशा, आं कली मखोइक्‍नीमी, मेको आं शेंसीब दुम्‍ने मचाप्‍नीम। लूका ९:२३

लूका 23:26

मिनु सिपाइपुकीमी येसु कली लदमे बाक्‍त। सहर रे ग्रुंइदमेनु, आ रू रे पिशो साइरेनी ङा सिमोन कली ग्‍याइश्‍शा, येसु कली क्‍याइक्‍तीक शी कुरपा, येसु आ नोनोले खोइक्‍पाइश्‍शा लदमे बाक्‍त।

लूका 23:33

मिनु खप्‍परे माइक्‍तीकेमी चाक्‍दीश्‍शा, मेको सांफा आन कली शी का का तारी इप्‍पा गुइ खोइलीम कांटी थोक्‍शा, शी पोक्‍शा, येसु आ ग्‍युरा गे का, आ पेरा गे का क्‍याइश्‍शा वोदमे बाक्‍त।

लूका 23:38

येसु कली क्‍याइश्‍शो शीमी “यहूदी आन पिप बाक्‍ब” दे ब्रेक्‍शा वोदमे बाक्‍त।

लूका 9:23

मिनु येसुमी मेको आन कली “सुमी आं नोले खोइक्‍चा थुं पाइबा, मेकोमी आंम दला दाक्‍स पचा प्रोंइशा, नाक्‍त किंत किंत श्‍येत जचा महिंथु, आं नोले खोइय्‍यील।

यूहन्‍ना 19:13

मिनु यहूदी आन लोव़ नेंशा, पिलातसमी येसु कली खिं रे ग्रुंइताक्‍व। मिनु पिलातस निसाफ पाइब आ नित्‍तीकेमी निस्‍‍साक्‍व। मेको निसाफ नित्‍तीक आ खपीमी फुल्‍लु ब्रशो बाक्‍तेक्‍म। मेको कली हिब्रू लोव़मी गाब्‍बाथा देंनीम।

यूहन्‍ना 5:2

यरूसलेम सहर कली गारोमी हिरशो बाक्‍ब। मेको गारोमी लाप्‍चोपुकी बाक्‍नीम। मेको गारो ङा ठेयब लाप्‍चो का कली भेडा लाप्‍चो देंनीम। मेको आ नेक्‍थामी हिब्रू लोव़मी बेथेस्‍दा माइश्‍शो दोम्‍ली का बाक्‍ब। मेको दोम्‍ली बाक्‍तीकेमी ५ ओटा पाटी खिं बाक्‍नीम। नेहेम्‍याह ३:१

प्रेरित 7:58

मिनु कीशा लाइश्‍शा, सहर रे ग्रुंइशा, फुल्‍लु क्रोम्‍चा गोव़मे बाक्‍त। सांकछीपुकीमी आन वा प्रुइश्‍शा, सावल नें पाइश्‍शो ठिटा का आ ङोंइती वोदमे बाक्‍त। लेवी २४:१६; प्रेरित २२:२०