यूहन्‍ना 18:4 - Sunuwar Bible

⁴ मिनु येसुमी “आं कली ग्‍याइक्‍थ जाक्‍तेक्‍म” दे तुइश्‍शा, मेको आन नेक्‍था लशा “सु कली माल्‍नी?” दे हिल्‍लो पाप्‍तु।

यूहन्‍ना 18:4 ပူးပေါင်းရင်းမြစ်များ

१ राजा 18:10

परमप्रभु यावे, इन परमप्रभु गेना हना यो ब्रोंइशा बाक्‍शो खोदेंशो पा, आं होव़पम इन कली रागी रागी नु राज्‍य नेल्‍लेम माल्‍थ सोइक्‍ताक्‍व। तेकोइ रागी नु राज्‍य मलीशो बाक्‍ब। मिनु मेकोपुकीमी ‘एलीया एक मबाक्‍ब। गो थमा पा मेको कली थिन्‍ने मचाप्‍का’ देंमानु, मेको कसम जचा माल्‍तेक्‍म।

नेहेम्‍याह 6:11

तन्‍न गो मेको कली “मार, आं खोदेंशो मुर प्रोक्‍बा ङा? गो परमप्रभु यावे आ खिंम ओव़शा, ब्रोंइनुङा ङा? गो मलाइनुङ” दे माइक्‍ता।

भजन संग्रह 27:3

मिनु ठेयब लडाइ पाइब हुलम पुम्‍ताक्‍यीमी हना यो, गो महिंनुङ। जिचा पोक्‍तेक्‍म हना यो “परमप्रभुमी आं कली प्रोंइब” दे थमा सुइश्‍शा बाक्‍नुङ। भजन संग्रह ३:७

भजन संग्रह 3:6

गो आं कली हजार हजार मुरपुकीमी पुम्‍ताक्‍यीमी हना यो, महिंनुङ। भजन संग्रह २७:३

हितोपदेस 28:1

परमप्रभु यावे आ अरेशो मटीब सुइम खेदा मपथु यो प्रोक्‍नीम। ठीक पाइबपुकी गुप्‍स खोदेंशो पा महिंथु बाक्‍नीम। यसैया ५७:२१

मत्ती 16:21

मेना रे येसुमी आ शेंसीब आन कली “यरूसलेम लशा, जोक्‍ब तुइक्‍ब खाल्‍पा, ठेयब चढ़ेब नु सास्‍त्रीपुकी रे पा शुश श्‍येत जशा साइक्‍चा पुंइसीनुङ। मिनु बेक्‍शा आ नित्‍थ नाक्‍त सेंसीनुङ” दे शेंचा गोप्‍तु। मत्ती १२:४०; यूहन्‍ना २:१९

मत्ती 26:2

“नित्‍थ नाक्‍त पास्‍सा चाड बाक्‍ब, दे तुइक्‍नीनी। मिनु रागीम जरमेशोमी शीमी केप्‍शा कांटी थोक्‍शा क्‍याइश्‍शा साइक्‍चा कली जिम्‍मा गेचा पुंइसीब” देंत। प्रस्‍थान १२:१-२०; मत्ती २०:१८

मत्ती 26:21

मिनु जना जन बाक्‍मानु, येसुमी “नोफा दाइश्‍शा नेनीने, मुल एक बाक्‍ब कामी आं कली ग्‍याइक्‍ब आन वारच पाइब दुम्‍ब” देंत।

मत्ती 26:31

मिनु येसुमी “आपो नाक्‍दो गे नेल्‍लेमी आं कली तशा, इन थुं ग्‍याइक्‍नीनी। मारदे हना साइ नेसी ओदें ब्रेक्‍शो बाक्‍ब। ‘गो गोठला कली तुप्‍शा क्रेक्‍नुङ। मिनु भेडापुकी प्रोक्‍शा साव सुव ब्राइनीम’ दे ब्रेक्‍शो लोव़ थमा दुम्‍ब। जकरिया १३:७; यूहन्‍ना १६:३२

लूका 24:44

मिनु येसुमी आ शेंसीब आन कली “गो गे नु बाक्‍ची ना आ देंशो मोसा आ अरेशो लोव़, परमप्रभु यावे आ लोव़ पाइब आन ब्रेक्‍शो नु भजन संग्रह आं पर्बम ब्रेक्‍शो लोव़ नेल्‍ल गाप्‍चा माल्‍ब, दे इन कली लोव़ पाता” देंमाक्‍त। लूका १८:३१-३३; लूका २४:२६-२७; लूका १८:३१

यूहन्‍ना 13:1

येसुमी पास्‍सा चाड ङोंइती “मुल रागी रे आं आफ आ बाक्‍तीक लची नाक्‍त जाक्‍त” दे तुइक्‍ताक्‍व। मिनु येसुमी नेल्‍ल क्‍येङा नोले ङा नाक्‍त सम्‍म रागीमी बाक्‍शो आ मुर आन कली दाक्‍शो बाक्‍त। यूहन्‍ना ७:३०; यूहन्‍ना १७:१

यूहन्‍ना 13:11

येसुमी आ कली साइक्‍ब आन कली वारच पाइब कली तुइश्‍शा मो देंत।

यूहन्‍ना 18:5

मिनु मेकोपुकीमी “नासरथ ङा येसु कली माल्‍तक” देंतेक्‍म। मिनु येसुमी “गो नङ” दे माइक्‍तीमी। येसु कली साइक्‍ब आन कली वारच पाइब यहूदा येसु कली ग्‍याइक्‍थ जाक्‍ब नु बाक्‍त।

यूहन्‍ना 18:7

मिनु येसुमी लेंशा “सु कली माल्‍नी?” दे हिल्‍लो पवानु “नासरथ ङा येसु कली माल्‍तक” देंतेक्‍म।

यूहन्‍ना 19:28

मिनु नोले येसुमी “आं गेय पचा नुप्‍त” दे तुइक्‍ताक्‍व। मिनु परमप्रभु यावे आ ब्रेक्‍पाइश्‍शो लोव़ थमा दुम्‍चा कली येसुमी “गो तूतू दाक्‍ती” देंत। भजन संग्रह २२:१५

यूहन्‍ना 6:64

तन्‍न गे का निक्‍शी आं कली थमा मसुइक्‍ब बाक्‍नीनी” देंत। मारदे हना येसुमी ङोंइती रे आ कली थमा मसुइक्‍ब सु सु नमी, दे तुइश्‍शो बाक्‍त। मिनु येसु आ शेंसीब का येसु कली साइक्‍ब आन कली वारच पाइब दुम्‍ब, दे यो तुइश्‍शो बाक्‍त।

प्रेरित 2:28

परमप्रभुमी ब्रोंइतीक लां कोंइताक्‍यी। मिनु गेना हना यो प्रभु नु ग्‍येरसीशा बाक्‍नुङ’ दे येसु आ पर्बम ब्रेक्‍शो बाक्‍त। भजन संग्रह १६:८-१०

१ पत्रुस 4:1

दोपा ख्रीस्‍त रागीम बाक्‍शा, श्‍येत जवा, मोपा गो नेल्‍ल श्‍येत जचा माल्‍नय, दे मिम्‍तीन। सु सु रागीमी श्‍येत जाइनीमी, मेको मरिम्‍शो पतीक कली प्रोंइने थुम्‍शो बाक्‍नीम।