यूहन्‍ना 18:38 - Sunuwar Bible

³⁸ मिनु पिलातसमी “थमा मार में?” देंत। मिनु मेको देंम नोले पिलातस लेंशा लाङगा ग्रूशा, यहूदी आन कली “एको मुर मरिम्‍शो पाइब, दे मसुइक्‍नुङ।

यूहन्‍ना 18:38 ပူးပေါင်းရင်းမြစ်များ

मत्ती 27:24

मुरपुकीमी मोदेंशो रेयके पा प्रेक्‍शो तशा “मुल येसु कली प्रोंइने मचबु” दे मिम्‍शा “एको सुइ कली मरिम्‍शो मपाइब आ हुश इन गुइमी ला लुम्‍सेक्‍ल, आं गुइमी मलुम्‍सेक्‍ल” देंशा, नेल्‍ल आन कुल आ गुइ चिक्‍शा कोंइदीमी बाक्‍त। ब्‍यवस्‍था २१:६

मर्कूस 15:14

मिनु पिलातसमी “मार मरिम्‍शो पवा, मार दोस गेचा” देंमेनु “शीमी क्‍येप्‍शा कांटी थोक्‍शा क्‍याइक्‍चा माल्‍ब” दे शुश रेयके पामे बाक्‍त।

लूका 23:4

मिनु पिलातसमी ठेयब चढ़ेब नु येसु कली चाक्‍ब आन कली “एको दोस तचा ङा मुर मतङ, रिम्‍शो मुर ताता” देंमाक्‍त।

यूहन्‍ना 18:33

मिनु पिलातस आ खिं ओव़शा, येसु कली आगामी ब्रेश्‍शा “गे यहूदी आन पिप ननी?” दे हिल्‍लो पाप्‍तु।

यूहन्‍ना 19:4

मिनु पिलातस लेंशा, खिं रे ग्रूशा, लाङगामी रिम्‍शा बाक्‍शो आन कली “कोव़ङीन, गो एको कली ग्रुंइशा, गेपुकी नु ग्रुम्‍पाइक्‍नुङ। मारदे हना मरिम्‍शो पाइब मसुइक्‍नुङ, दे तुइक्‍तीन” दे माइक्‍तीमी।

यूहन्‍ना 19:6

मिनु ठेयब चढ़ेब नु यहूदी आन ठेयब मुरपुकीमी “शीमी कांटी थोक्‍शा क्‍याइश्‍शा सतीन। शीमी कांटी थोक्‍शा क्‍याइश्‍शा सतीन” देंना देंन ग्रीतेक्‍म। मिनु पिलातसमी “गो एको कली मरिम्‍शो पाइब मसुइक्‍नुङ। मोपतीके गेपुकी एको कली लाइश्‍शा, शीमी कांटी थोक्‍शा क्‍याइश्‍शा सतीन” दे माइक्‍तीमी।

प्रेरित 17:32

मिनु बेक्‍शो रे सेंचा पुंइसाक्‍व, मुर नेल्‍ल बेक्‍शो रे सेंचा पुंइसीनीम, दे शेंशो नेंशा, का निक्‍शीमी “एको फश लोव़ पाइक्‍बाक्‍त, है” दे रिस्‍समा बाक्‍त। का निक्‍शीमी चहिं “इन शेंशो रिम्‍शो लाक्‍तक, लेंशा नेंनीकी” दे गाक्‍मा बाक्‍त।

१ पत्रुस 1:19

येसु ख्रीस्‍तमी मारेइ मदुम्‍शो पाठा बुद पा आंम हुश शाइक्‍पाइश्‍शा इन कली नरक रे प्रोंइतु। हिब्रू ९:१४; यसैया ५३:७; यूहन्‍ना १:२९