यूहन्‍ना 18:3 - Sunuwar Bible

³ मिनु यहूदामी ठेयब चढ़ेब नु फरिसी आन सोइश्‍शो सिपाहीपुकी नु सिपाही आन ठेयब मुर आन कली येसु नु आ शेंसीब आन बाक्‍तीक चाक्‍तु। मेकोपुकी तोव़शी नु लालटिन दाशा, या कुरशा जाक्‍तेक्‍म।

यूहन्‍ना 18:3 ပူးပေါင်းရင်းမြစ်များ

भजन संग्रह 22:12

ठेयब सांढेपुकीमी पुम्‍ताक्‍यीमी। बाशान रागी ङा हिंचा ङा सांढेपुकीमी यो पुम्‍ताक्‍यीमी।

मत्ती 25:1

स्‍वर्ग ङा राज्‍य ओदेंशो दुम्‍ब, १० जना मीश आलमी तेल बत्ती कुरशा, ग्‍युम्‍ले ग्रुम्‍थ लाइनीम। लूका १२:३५-३६; प्रकाश १९:७

यूहन्‍ना 13:2

मिनु येसु नु आ शेंसीबपुकी नाक्‍दो ङा खमे जना जन बाक्‍शो बाक्‍तेक्‍म। आ शेंसीब सिमोन आ तौ इस्‍कारीयोती ङा यहूदा यो बाक्‍शो बाक्‍त। सैतानमी “येसु कली साइक्‍चा माल्‍ब आन कली वारच पावो” दे यहूदा कली मिम्‍पाइश्‍शो बाक्‍त। लूका २२:३

यूहन्‍ना 18:12

मिनु सिपाहीपुकी, आन कप्‍तान नु यहूदी आन ठेयब मुरपुकीमी येसु कली ग्‍याइश्‍शा फ्रेंताक्‍म।

यूहन्‍ना 18:18

ग्‍यू पशो बाक्‍त। मोपतीके वाइलपुकी नु मेकेर बाक्‍ब मुरपुकीमी मी मुइश्‍शा, एर ओंथ बाक्‍शा, मी थेरना थेरन बाक्‍तेक्‍म। पत्रुस यो मी थेरशो बाक्‍त।

यूहन्‍ना 18:22

मिनु मो देंमेनु, येसु आ नेक्‍था बाक्‍ब मुरुमी येसु कली चोव़चो राप्‍शा “गे नेल्‍ल क्‍येङा ठेयब चढ़ेब कली मोदेंशो लोव़ पाइनेवे?” दे हुइक्‍ताक्‍व।

यूहन्‍ना 19:6

मिनु ठेयब चढ़ेब नु यहूदी आन ठेयब मुरपुकीमी “शीमी कांटी थोक्‍शा क्‍याइश्‍शा सतीन। शीमी कांटी थोक्‍शा क्‍याइश्‍शा सतीन” देंना देंन ग्रीतेक्‍म। मिनु पिलातसमी “गो एको कली मरिम्‍शो पाइब मसुइक्‍नुङ। मोपतीके गेपुकी एको कली लाइश्‍शा, शीमी कांटी थोक्‍शा क्‍याइश्‍शा सतीन” दे माइक्‍तीमी।

यूहन्‍ना 7:32

मिनु फरिसीपुकीमी मुर आन पशो लोव़ नेंशा, ठेयब चढ़ेब नु फरिसीपुकीमी “येसु कली ग्‍याइक्‍चा” दे पिप आ गेय पाइब ठेयब मुर आन कली सोइक्‍ताक्‍म।

प्रेरित 1:16

मिनु पत्रुस मेको आन दातेमी राप्‍शा, मेको आन कली “आं लोक्‍बपुकी, नेनीने, येसु कली ग्‍याइक्‍ब आन कली लां कोंइब यहूदा आ पर्बम लोव़ का निक्‍शी पाइनुङ। साइ परमप्रभु यावे आ सोक्‍तीमी पिप दाऊद कली मार ब्रेक्‍पाइश्‍शो बाक्‍मे, मेको नेल्‍ल थमा दुम्‍चा माल्‍ब। मिनु मुल थमा दुम्‍त। भजन संग्रह ४१:१०

प्रेरित 10:1

सिजरिया सहरमी कोरनेलीयस नें पाइश्‍शो इटाली पल्‍टन ङा कप्‍तान का बाक्‍माक्‍त।