यूहन्‍ना 18:18 - Sunuwar Bible

¹⁸ ग्‍यू पशो बाक्‍त। मोपतीके वाइलपुकी नु मेकेर बाक्‍ब मुरपुकीमी मी मुइश्‍शा, एर ओंथ बाक्‍शा, मी थेरना थेरन बाक्‍तेक्‍म। पत्रुस यो मी थेरशो बाक्‍त।

यूहन्‍ना 18:18 ပူးပေါင်းရင်းမြစ်များ

उत्पत्ती 49:6

आं थुं इस ख्रुइश्‍शा अरेशोम गेनायो मबिस्‍सेक्‍ल, आं नें इस ग्रुम्‍तीकेमी गेनायो मदेंमल। थुं का मदुमीसे। मारदे हना इस चुरतीकेमी मुर साइक्‍तीसी। महिंब दुम्‍शा, ब्‍यफ कली गाक्‍ने मचाप्‍ब सेल्‍तीसी।

१ राजा 19:9

मिनु मेकेर ङा पुक्‍खी काम ओव़शा, मेक उइ नां सोंइदा बाक्‍त। मेकेर बाक्‍मेनु, परमप्रभु यावेम मेको कली “एलीया, गे एक मार पा बाक्‍ङे?” दे हिल्‍लो पवा बाक्‍त।

भजन संग्रह 1:1

सु परमप्रभु आ अरेशो लोव़ मटीब नु मगाक्‍बा, पापी आन लां मखोइक्‍बा नु परमप्रभु आ पर्बम शुक्‍शी पाइब नु मबाक्‍बा, मेको ग्‍येरसीशो मुर दुम्‍‍ब। भजन संग्रह २६:४; भजन संग्रह ११९:१; हितोपदेस ४:१४; येरमीया १५:१७

हितोपदेस 13:20

सु जोक्‍ब तुइक्‍ब नु गाक्‍बा, मेको जोक्‍ब तुइक्‍ब दुम्‍ब। तन्‍न मूर्ख नु गाक्‍ब श्‍येत जाइब।

मर्कूस 14:54

पत्रुस मेको आन नोनोले खोइश्‍शा लशा, नेल्‍ल क्‍येङा ठेयब चढ़ेब आ लाङगा जाक्‍दीम्‍माक्‍त। मेकेर सिपाइपुकी नु काथा मी थेरशा बाक्‍माक्‍त।

मर्कूस 14:67

पत्रुस कली मी थेरशो तशा, शिरशा कोव़शा “गे यो मेको नासरथ ङा येसु नु काथा गाक्‍ब का बाक्‍ङे बाक्‍त” देंमाक्‍त।

लूका 22:44

मिनु लेंशा आ थुं खाइश्‍शा पुना बाक्‍त। आ थुं खाइश्‍शा पुनानु, आ पस्‍ना हुश खोदेंशो दुम्‍शा खपीम दोक्‍माक्‍त।

यूहन्‍ना 18:25

मेना सिमोन पत्रुसमी थेरना थेरन बाक्‍शो बाक्‍त। मिनु मेकेर बाक्‍बपुकीमी पत्रुस कली “गे यो मेको मुर आ शेंसीब का मनवे ङा?” देंमानु “गो मनङ” देंत।

यूहन्‍ना 18:3

मिनु यहूदामी ठेयब चढ़ेब नु फरिसी आन सोइश्‍शो सिपाहीपुकी नु सिपाही आन ठेयब मुर आन कली येसु नु आ शेंसीब आन बाक्‍तीक चाक्‍तु। मेकोपुकी तोव़शी नु लालटिन दाशा, या कुरशा जाक्‍तेक्‍म।

यूहन्‍ना 21:9

मिनु मेकोपुकीमी डोंगा रे ग्रूशा, ङांइ नु शोब्‍ले मीमी चोशा, वोइश्‍शो ताम्‍तेक्‍म।

प्रेरित 4:23

मिनु पत्रुस नु यूहन्‍ना प्रोंइचा पुंइसीशा, वारच आन कली ग्रुम्‍थ लसा बाक्‍त। मिनु सु सुमी मार मार पवा, मार मार देंमा, मेको नेल्‍ल शोव़ङसे बाक्‍त।

१ कोरिन्‍थी 15:33

सुइमी जोल थमा मसुतीन। मारदे हना मरिम्‍शो मुर नु बाक्‍बम, मुर कली मरिम्‍शो सेल्‍ब।