यूहन्‍ना 18:17 - Sunuwar Bible

¹⁷ लाप्‍चो कोव़ब मीश मुरुमी पत्रुस कली तशा “गे यो मेको मुर आ शेंसीब का मनवे ङा?” देंमेनु, पत्रुसमी “गो मनङ” देंत

यूहन्‍ना 18:17 ပူးပေါင်းရင်းမြစ်များ

मत्ती 26:33

मिनु पत्रुसमी “मेको नेल्‍लेमी इन कली प्रोंइशा प्रोक्‍तेक्‍म हना यो, गो मप्रोंइनन्‍नी” देंमेनु,

लूका 22:54

मिनु येसु कली ग्‍याइश्‍शा लाइश्‍शा, नेल्‍ल क्‍येङा ठेयब चढ़ेब आ खिंमी ओंइदमे बाक्‍त। पत्रुस यो ङोन रे कोव़ना कोव़न लमाक्‍त।

यूहन्‍ना 18:16

पत्रुस चहिं लाप्‍चो उइ बाक्‍माक्‍त। नेल्‍ल क्‍येङा ठेयब चढ़ेब कली तुइक्‍ब अर्को शेंसीबमी लाप्‍चो कोव़ब मीश मुर कली लोव़ पशा ग्रूत। पत्रुस कली खिं ङा लाङगामी ओंइताक्‍व।

यूहन्‍ना 18:25

मेना सिमोन पत्रुसमी थेरना थेरन बाक्‍शो बाक्‍त। मिनु मेकेर बाक्‍बपुकीमी पत्रुस कली “गे यो मेको मुर आ शेंसीब का मनवे ङा?” देंमानु “गो मनङ” देंत।

यूहन्‍ना 18:5

मिनु मेकोपुकीमी “नासरथ ङा येसु कली माल्‍तक” देंतेक्‍म। मिनु येसुमी “गो नङ” दे माइक्‍तीमी। येसु कली साइक्‍ब आन कली वारच पाइब यहूदा येसु कली ग्‍याइक्‍थ जाक्‍ब नु बाक्‍त।

यूहन्‍ना 18:8

मिनु येसुमी “गो नङ, देंती। आं कली माल्‍तीनी हना, अरु आन कली लचा गेने” दे माइक्‍तीमी।

यूहन्‍ना 21:15

मिनु जने थुम्‍शा, येसुमी सिमोन पत्रुस कली “योआन्‍नेस आ तौ सिमोन, गे आं कली एको आन क्‍येङा दाक्‍नेवे?” दे हिल्‍लो पाप्‍तु। मिनु पत्रुसमी “दाक्‍नन्‍नी, प्रभु, गे तुइक्‍नीनी” दे माइक्‍तु। मिनु येसुमी “आं पाठा आन कली थुल्‍मी” देंत। यूहन्‍ना १:४२

प्रेरित 12:13

मिनु पत्रुस जाक्‍शा, लाङगा ङा लाप्‍चो ख्रोकोल पदा बाक्‍त। मिनु रोदा माइश्‍शो गेय पाइब मीश मुरुम सु जाक्‍मे, दे कोव़थ ग्रू‍माक्‍त।