यूहन्‍ना 17:8 - Sunuwar Bible

⁸ गे आं कली शेंताक्‍यीनी। मिनु इन शेंशो लोव़ मेको आन कली शेंताक्‍ङमी। मिनु थमा सुइक्‍तेक्‍म। गो इन बाक्‍तीक रे जाक्‍शो नङ, दे थमा पा तुइक्‍नीम। मेकोपुकीमी आं कली सोइक्‍ब, गे ननी, दे थमा सुइक्‍तेक्‍म। यूहन्‍ना १६:३०

यूहन्‍ना 17:8 ပူးပေါင်းရင်းမြစ်များ

हितोपदेस 1:23

गे आं हुइश्‍शो लोव़ नेनीन। आं मिम्‍शो इन कली देंनुङ। आं लोव़ इन कली तुइक्‍पाइक्‍नुङ।

हितोपदेस 1:3

मिनु ब्रेक्‍ब मुर आ अर्ती सुमी टीबा, मेकोमी तुइश्‍शा गेय पने चाप्‍ब। ठीक पतीके, ठीक निसाफ पतीके नु कुल मकोव़थु रिम्‍शो पने चाप्‍ब।

हितोपदेस 2:1

आं तौ, गे आं लोव़ नेनो, आं शेंशो इ थुंम वोइक्‍तीवी हना,

हितोपदेस 4:10

आं तौ, इ नोफा दाइश्‍शा, आं लोव़ नेंशा, ब्रावो। मो पाप्‍तीवी हना, गे शुश ब्रोंइ‍नेवे। हितोपदेस ३:२

हितोपदेस 8:10

चांदी आ पा ङा आं अर्ती खुप्‍तीन। क्‍येख सुन आ पा ङा जोक्‍ब थुं मालीन। हितोपदेस ३:१४

मत्ती 13:11

मिनु येसुमी “इन कली स्‍वर्ग ङा राज्‍य आ पर्बम ख्रुइश्‍शो लोव़ रुप्‍तीक थुं गेशो बाक्‍त। तन्‍न मेको आन कली मगेमी बाक्‍त। १कोरिन्‍थी २:१०

यूहन्‍ना 12:49

आं कली सोइक्‍ब आं आफोमी गो मार देंचा नु शेंचा माल्‍नुङा, मेको नेल्‍ल माइक्‍ती। मोपतीके मेको आं लोव़ ममाइ। आं आफ आ लोव़ बाक्‍ब।

यूहन्‍ना 14:10

गो आं आफ आगामी बाक्‍नुङ। मिनु आं आफ आं आगामी बाक्‍ब, दे थमा मसुइक्‍नेवे? आं देंशो लोव़ आं के ममाइ, आं आफ आ लोव़ बाक्‍ब। आं आगामी बाक्‍शो आं आफोमी गेय पाइब। यूहन्‍ना १२:४९

यूहन्‍ना 15:15

मुल रे गो इन कली वाइल मदेंनुङ। मारदे हना वाइल आ ठेयब मुरुमी मार गेय पचशो बाक्‍मे, मेको वाइलम मतुइक्‍ब। गो चहिं इन कली आं आफ आ देंशो नेल्‍ल शेंताक्‍न्‍नी। मोपतीके इन कली वारच देंनुङ।

यूहन्‍ना 16:27

आं आफोमी इन कली दाक्‍ब। मारदे हना आं कली दाक्‍ताक्‍नी। गो आं परमप्रभु यावे रे जाक्‍शो नङ, दे थमा सुइक्‍तीनी। यूहन्‍ना १४:२१

यूहन्‍ना 16:30

गे नेल्‍ल तुइक्‍नीनी, दे गोपुकी मुल तुइक्‍ताक्‍क। मोपतीके इन कली शेंब ममाल्‍ब। गे परमप्रभु यावे आ बाक्‍तीक रे यिशो ननी, दे थमा सुइक्‍तक” देंतेक्‍म।

यूहन्‍ना 17:14

गो मेको आन कली इन देंशो लोव़ शेंताक्‍ङमी। मिनु रागी ङा मुरपुकीमी मेको आन कली श्‍येत गेम्‍तेक्‍म। मारदे हना रागी ङा मनम। गो यो रागी ङा मनङ। यूहन्‍ना १५:१९

यूहन्‍ना 17:18

गेमी आं कली रागीमी सोइश्‍शो खोदेंशो पा, गो यो मेको आन कली रागी रागीम सोइक्‍ताक्‍ङमी। यूहन्‍ना २०:२१

यूहन्‍ना 17:21

मार पुंइनुङ देंशा हना, मेको नेल्‍ल थुं का ङा दुम्‍मल। आं आफ, गे आं आगामी बाक्‍शो नु गो इन आगामी बाक्‍शो खोदेंशो पा मेकोपुकी इस आगामी बाक्‍मल, दे पुंइनुङ। मो दुम्‍त हना, रागी ङा मुरपुकीमी गेमी आं कली सोइक्‍ताक्‍नी, दे थमा सुइक्‍नीम। गलाती ३:२८

यूहन्‍ना 17:23

गो मेको आन आगामी बाक्‍नुङ। गे आं आगामी बाक्‍नीनी। मो पा बाक्‍शोनु, मेकोपुकी गे नु गो खोदेंशो पा का दुम्‍नीम। मो दुम्‍शो तशा, रागी ङा मुरपुकीमी गे आं कली सोइक्‍ताक्‍नी। मिनु गेमी आं कली दाक्‍ताक्‍यीनी। मोपा गेमी आं कली दाक्‍शो बुदी मेको आन कली यो दाक्‍ताक्‍नी, दे तुइक्‍तमेक्‍ल। १कोरिन्‍थी ६:१७

यूहन्‍ना 17:3

गेना हना यो गे नु ब्रोंइशा बाक्‍चा मार बाक्‍ब देंशा हना, सुमी इन कली गे ला थमा परमप्रभु यावे बाक्‍नीनी नु गो, इन सोइश्‍शो येसु ख्रीस्‍त नङ, दे तुइक्‍नीमी, मेको ला गेना हना यो गे नु ब्रोंइशा बाक्‍चा ताइनीम। १यूहन्‍ना ५:२०

यूहन्‍ना 3:17

परमप्रभु यावेमी रागी ङा मुर आन कली निसाफ पा नरकमी वोइक्‍चा, दे आ तौ मसोइक्‍त। तन्‍न रागी ङा मुर आन कली नरक रे प्रोंइचा कली सोइक्‍ताक्‍व। लूका १९:१०

यूहन्‍ना 3:33

सु सुमी आ देंशो थमा सुइक्‍नीम, मेकोपुकीमी ‘परमप्रभु यावेमी ङोंइती देंशो लोव़ थमा बाक्‍ब’ दे तुइश्‍शा गेय पाइनीम।

यूहन्‍ना 6:68

मिनु सिमोन पत्रुसमी “प्रभु, गो सु का आ नोले खोइक्‍नीकी? गे गेना हना यो ब्रोंइशा बाक्‍चा ङा लोव़ पाइनीनी।

यूहन्‍ना 8:42

मिनु येसुमी “परमप्रभु यावे इन आफ बाक्‍त हना, गेपुकी आं कली दाक्‍तीनी वा। मारदे हना गो परमप्रभु यावे रे रागीमी जाक्‍ती। गो आंमा जाक्‍शो मनङ। तन्‍न आं आफोमी सोइक्‍ताक्‍यी।

१ कोरिन्‍थी 11:23

मारदे हना प्रभुमी आं कली मार शेंदा, मेको इन कली शेंताक्‍ङ। मेको ग्‍याइक्‍चा पुंइसीशो नाक्‍दो प्रभु येसुम शोब्‍ले शे‍शा, मत्ती २६:२६-२८; मर्कूस १४:२२-२४; लूका २२:१९-२०

१ कोरिन्‍थी 15:1

आं लोक्‍बपुकी, इन कली ङोंइती येसु ख्रीस्‍त आ पर्बम शेंशो ग्‍येरपाइक्‍तीक लोव़ मिम्‍पाइक्‍नुङ। गेपुकीमी एको लोव़ नेंशा थमा सुइक्‍तीनी। मिनु मुल यो थमा सुइक्‍ना सुइक्‍न बाक्‍तीनी।

ब्‍यवस्‍था 18:18

मिनु परमप्रभु यावेमी आं कली ‘इ खोदेंशो पा आं लोव़ पाइब, आन लोक्‍ब आन दाते रे का योव़नुङ। आं देंचा माल्‍शो लोव़ गो मेको कली देंपाइक्‍नुङ। मिनु आं अरेशो लोव़ मेकोमी नेल्‍ले मुर आन कली देंब। प्रस्‍थान ४:१२; यसैया ६:८; येरमीया १:९; मत्ती १०:१९

१ थिस्‍सलोनिकी 2:13

गेपुकीमी आंइ शेंशो परमप्रभु यावे आ लोव़ नेंशा, मुर आ लोव़ ममाइ, थमा पा परमप्रभु यावे आ लोव़ बाक्‍ब, दे तुइक्‍ताक्‍नी। थमा सुइश्‍शा मेको लोव़मी इन थुंमी गेय पना पन बाक्‍ब। मो दुम्‍मेनु, गोपुकीमी परमप्रभु यावे कली “गे थिस्‍सलोनिकी ङा मुर आन कली रिम्‍शो पाइतीनी” देंना देंन बाक्‍नीकी। गलाती १:११-१२

१ थिस्‍सलोनिकी 4:1

मिनु आंइ नोले ङा लोव़, आं लोक्‍बपुकी, प्रभु येसु आ नेंमी इन कली शुश शेंतीक नु अरेतीक लोव़ पाइनीकी। गेपुकी आंइ कली दोपा बाक्‍शो तनी, मोपा बाक्‍शा, परमप्रभु यावे कली ग्‍येरपतीन। गेपुकी मेको क्‍येङा यो शुश रिम्‍शो पने।

१ यूहन्‍ना 4:14

मिनु गोपुकी परमप्रभु यावेमी आ तौ रागीमी सोइश्‍शो ताइतक। गोपुकीमी “इं आफ, परमप्रभुमी आ तौ कली मुर आन कली पाप रे प्रोंइचा, दे रागीमी सोइक्‍ताक्‍व” दे शेंना शेंन बाक्‍नीकी। यूहन्‍ना ३:१७

प्रकाश 1:1

परमप्रभु यावेमी येसु ख्रीस्‍त कली “मार मार दुम्‍चा चिक्‍ता, आ रागी ङा वाइलीम वाइलपुकीमी तुइक्‍तमेक्‍ल” दे कोंइताक्‍व। मिनु येसु ख्रीस्‍तमी आ स्‍वर्ग ङा गेय पाइब कली आ वाइल यूहन्‍ना आ बाक्‍तीके सोइक्‍ताक्‍व। मारदे सोइक्‍ताक्‍व देंशा हना, मेको दुम्‍चशो लोव़ शेंथ सोइक्‍ताक्‍व।