यूहन्‍ना 17:26 - Sunuwar Bible

²⁶ गो मेको आन कली इन नें तुइक्‍पाइक्‍तामी। मिनु लेंशा तुइक्‍पाइक्‍नुङमी। मारदे इन नें तुइक्‍पाइक्‍नुङमी देंशा हना, गेमी आं कली दाक्‍शो खोदेंशो पा इन दाक्‍तीके मेको आन आगामी बाक्‍ल। मिनु गो मेको नु आन आगाम बाक्‍ङल” दे येसुमी परमप्रभु यावे कली पुंइतु।

यूहन्‍ना 17:26 ပူးပေါင်းရင်းမြစ်များ

भजन संग्रह 22:22

गो “इन नें ठेयब बाक्‍ब” दे आं लोक्‍ब आन कली शेंनुङमी। मिनु थमा सुइक्‍ब आन ग्रुम्‍तीकेमी इन नें ठेयब सेल्‍नुङ। भजन संग्रह २६:१२; हिब्रू २:१२

यूहन्‍ना 14:20

मिनु आं आफ आ आगाम बाक्‍नुङ। गेपुकी आं आगामी बाक्‍नीनी। मिनु गो इन आगामी बाक्‍नुङ, दे मेना रुप्‍शा तुइक्‍नीनी।

यूहन्‍ना 14:23

मिनु येसुमी “सुमी आं कली दाक्‍बा, मेकोम आं देंशो लोव़ पाइब। आं आफोमी मेको कली दाक्‍ब। मिनु गो नु आं आफ मेको नु बाक्‍नस्‍कु। हितोपदेस ८:१७; एफिसी ३:१७

यूहन्‍ना 15:15

मुल रे गो इन कली वाइल मदेंनुङ। मारदे हना वाइल आ ठेयब मुरुमी मार गेय पचशो बाक्‍मे, मेको वाइलम मतुइक्‍ब। गो चहिं इन कली आं आफ आ देंशो नेल्‍ल शेंताक्‍न्‍नी। मोपतीके इन कली वारच देंनुङ।

यूहन्‍ना 15:4

गेपुकी आं आगामी बाक्‍कीन। मिनु गो इन आगामी बाक्‍नुङ। राशी बोटमी मबाक्‍त हना, मेको राशी फल सिन्‍ने मचाप्‍ब। मोपतीके गेपुकी यो आं आगामी मबाक्‍तीनी हना, फल सिन्‍ने मचाप्‍नीनी।

यूहन्‍ना 15:9

आं आफोमी आं कली दाक्‍ब। मिनु आं आफोमी आं कली दाक्‍शो खोदेंब पा, गो इन कली दाक्‍ताक्‍न्‍नी। गेपुकी यो ‘गो इन कली दाक्‍नुङ’ दे तुइश्‍शा बाक्‍कीन।

यूहन्‍ना 17:23

गो मेको आन आगामी बाक्‍नुङ। गे आं आगामी बाक्‍नीनी। मो पा बाक्‍शोनु, मेकोपुकी गे नु गो खोदेंशो पा का दुम्‍नीम। मो दुम्‍शो तशा, रागी ङा मुरपुकीमी गे आं कली सोइक्‍ताक्‍नी। मिनु गेमी आं कली दाक्‍ताक्‍यीनी। मोपा गेमी आं कली दाक्‍शो बुदी मेको आन कली यो दाक्‍ताक्‍नी, दे तुइक्‍तमेक्‍ल। १कोरिन्‍थी ६:१७

यूहन्‍ना 17:6

गेमी रागी रे प्रोंइशो मुरपुकी गेतीनी। मेको आन कली इन नें तुइक्‍पाइक्‍तामी। मेको मुरपुकी इन के बाक्‍तेक्‍म। मिनु गे आं कली गेतीनी। मेकोपुकीमी इन लोव़ टिना टिन बाक्‍नीम।

यूहन्‍ना 17:8

गे आं कली शेंताक्‍यीनी। मिनु इन शेंशो लोव़ मेको आन कली शेंताक्‍ङमी। मिनु थमा सुइक्‍तेक्‍म। गो इन बाक्‍तीक रे जाक्‍शो नङ, दे थमा पा तुइक्‍नीम। मेकोपुकीमी आं कली सोइक्‍ब, गे ननी, दे थमा सुइक्‍तेक्‍म। यूहन्‍ना १६:३०

यूहन्‍ना 6:56

सुमी आं रां ब्‍वाइबा नु आं हुश तूबा, मेको आं आगाम बाक्‍ब। मिनु गो मेको आ आगाम बाक्‍नुङ। यूहन्‍ना १५:४; १यूहन्‍ना ३:२४

यूहन्‍ना 8:50

गो आंम कली ठेयब मसेल्‍सीनुङ। आं कली ठेयब सेल्‍ब का बाक्‍ब। मेको ठीक निसाफ पाइब यो बाक्‍ब” देंत।

रोमी 8:10

गे चहिं येसु ख्रीस्‍त आ मुर दुम्‍तीनी। बेक्‍चा दा बेक्‍नीनी। पाप पशोमी मुर बेक्‍ब दुम्‍तेक्‍म। तन्‍न ख्रीस्‍त आ ठीक पतीकेमी ब्रोंइनीनी। गलाती २:२०

१ कोरिन्‍थी 1:30

मेकोमी येसु ख्रीस्‍त आ नेंमी इन कली ब्रोंइचा गेब। मेको इन जोक्‍तीक तुइक्‍तीक, इन ठीक पतीके, परमप्रभु यावे आ मुर दुम्‍तीके नु पाप रे प्रोंइतीके बाक्‍ब। येरमीया २३:५-६; २कोरिन्‍थी ५:२१; यूहन्‍ना १७:३९; मत्ती २०:२८

१ कोरिन्‍थी 12:12

दोपा मुर आ रांम गुइ, खोइली, नोफा, मिक्‍च नु अरु मार बाक्‍तेक्‍म हना यो, रां का दुम्‍ब, मोपान ख्रीस्‍त आ मुर शुश बाक्‍तेक्‍म हना यो, रां का खोदेंशो बाक्‍नीम, दे मिम्‍सीब।

गलाती 2:20

तन्‍न गो मब्रोंइनुङ। ख्रीस्‍त आं आगामी ब्रोंइब। तन्‍न आं मुल ब्रोंइतीके गो परमप्रभु यावे आ तौ कली थमा सुइश्‍शा ब्रोंइनुङ। मेकोमी आं कली शुश दाक्‍शा, आं पशो पाप आ पर्बम साइक्‍चा पुंइसाक्‍व। यूहन्‍ना १७:२३; प्रेरित १:४

एफिसी 1:6

मिनु मेकोमी इं कली आ दाक्‍शो तौ आ पतीक रे मुरुमी मिम्‍ने मचाप्‍चा ङा शिशीम ठेयब सेल्‍चा कली आ तमी तौ सेल्‍तु। मत्ती ३:१७

एफिसी 3:17

मोपा थमा सुइक्‍तीके ख्रीस्‍त मेको आन थुंमी बाक्‍ब। मिनु ‘येसु ख्रीस्‍तमी आं कली दाक्‍ब’ दे शाक्‍श ग्रुक्‍शो रवा खोदेंशो पा इन दाक्‍तीकेमी ख्रुम्‍शो मुरपुकी से‍लीन। यूहन्‍ना १४:२३; कलस्‍सी २:७

एफिसी 5:30

मिनु गोपुकी आ रां ङा गुइ खोइल बाक्‍नय।

एफिसी 5:32

मेको आ ख्रुइश्‍शो अर्थ ठेयब बाक्‍ब। मिनु मार बाक्‍ब देंशा हना, गो ख्रीस्‍त नु थमा सुइक्‍ब आन पर्बम लोव़ पाइनुङ।

कलस्‍सी 1:27

परमप्रभु यावेमी मेको आन कली “आं ङोंइती ख्रुइश्‍शो लोव़ अर्को रागी ङा मुर आन कली गिश रिम्‍शो, गिश ठेयब बाक्‍ब” दे तुइक्‍पाइक्‍तु। मेको ख्रुइश्‍शो लोव़ मार बाक्‍ब देंशा हना, ख्रीस्‍त इन आगामी बाक्‍ब। मिनु इन कली परमप्रभु यावे आ छेङछेङम बाक्‍चा गेब आस यो ख्रीस्‍तम बाक्‍ब। १तिमोथी १:१

कलस्‍सी 2:10

गेपुकी मेको नु बाक्‍शा, आ ब्रोंइतीक सक्तिम ब्रीशो मुर दुम्‍तीनी। मेको नेल्‍ल हुकुम पाइब नु नेल्‍ल अधिकार पाइब आन पिया बाक्‍ब। एफिसी १:२१

कलस्‍सी 3:11

मुल रे ग्रीक नु यहूदी ख्रोइक्‍तीक चिनु ख्रोइक्‍पांइसीशो नु मख्रोइक्‍पांइसीशो मुरपुकी उइक्‍थ उइक्‍थ दुम्‍तेक्‍म। रागी रागी ङा मरुप्‍चा ङा लोव़ पाइबपुकी, ब्‍वाकी मुरपुकी, वाइलीम वाइलपुकी नु ठेयब मुर उइक्‍थ उइक्‍थ दुम्‍तेक्‍म। ख्रीस्‍त नेल्‍ल क्‍येङा ठेयब बाक्‍ब। मिनु नेल्‍ल आन आगामी बाक्‍ब। गलाती ३:२८

२ थिस्‍सलोनिकी 2:16

इं प्रभु येसु ख्रीस्‍त नु इं आफ परमप्रभु यावे आस शिशीमी इं कली दाक्‍शा, गेना हना यो थुं बारपाइश्‍शा, रिम्‍शो आस गेम्‍ताक्‍स।

हिब्रू 2:12

मेकोमी “गो आं लोक्‍ब आन कली इन नें तुइक्‍पाइक्‍नुङमी। थमा सुइक्‍ब आन दातेमी इन कली ठेयब सेल्‍शा कुम्‍सो पाइनुङ” देंत। भजन संग्रह २२:२२

१ यूहन्‍ना 3:24

सुमी आ अरेशो लोव़ पाइबा, येसु नु थुं का ङा बाक्‍ब। मिनु येसु यो मेको मुर नु थुं का ङा बाक्‍ब। परमप्रभु यावे नु गोपुकी थुं का ङा दुम्‍तय, दे दोपा तुइक्‍नय देंशा हना, मेकोमी गेशो सोक्‍तीमी शेंशो रे तुइक्‍नय। १यूहन्‍ना ४:१३; रोमी ८:९