यूहन्‍ना 17:25 - Sunuwar Bible

²⁵ आं आफ, गे नेल्‍ल रिम्‍शो नु ठीक पाइब बाक्‍नीनी। रागी ङा मुरपुकीमी इन कली मतुइक्‍नीम। गो चहिं इन कली तुइक्‍नुङ। मिनु आं शेंसीबपुकीमी गे आं कली सोइक्‍ताक्‍यीनी, दे तुइक्‍नीम।

यूहन्‍ना 17:25 ပူးပေါင်းရင်းမြစ်များ

यसैया 45:21

इ लोव़ शेंशा, लोव़ पावो। लोव़ पमुने। साइ ङोंइती एको लोव़ सुम देंमे? सुमी तुइक्‍पदा? मेको नोले दुम्‍ब लोव़ सुम पवा? गो, परमप्रभु यावे मनङा ङा? आं ङा लाक्‍शा, अरु सुइ परमप्रभु मबाक्‍ब। गो ठीक पाइब नु श्‍येत रे प्रोंइब परमप्रभु यावे नङ। आं ङा लाक्‍शा, अरु सुइ परमप्रभु मबाक्‍ब।

मत्ती 11:27

आं आफोमी मारेइ मारेइ तुइक्‍पाइक्‍ती। सुइमी आं कली, आ तौ कली मतुइक्‍नीम। आं आफोमी ला तुइक्‍ब। सुइमी आं आफ कली मतुइक्‍नीम। आ तौमी ला तुइक्‍ब। मिनु तौमी सु सु आन कली योव़ङमी, मेको आन कली आ आफ आ पर्बम तुइक्‍पाइक्‍ब। मत्ती २८:१८; यूहन्‍ना ३:३५; यूहन्‍ना १७:२; फिलिप्‍पी २:९

मत्ती 16:16

सिमोन पत्रुसमी “ब्रोंइशा बाक्‍ब परमप्रभु यावे आ तौ ख्रीस्‍त बाक्‍नीनी” देंत। यूहन्‍ना ६:६९

लूका 10:22

आं आफोमी आं कली नेल्‍ल कली अधिकार पतीक सक्ति गेती। तन्‍न सुइमी आ तौ सु बाक्‍बा, मतुइक्‍नीम, आं आफोमी ला तुइक्‍ब। सुइमी आं आफ कली मतुइक्‍नीम। आ तौमी ला तुइक्‍ब। मिनु तौमी सु सु आन थुंम तुइक्‍तीक वोइक्‍बा, मेकोपुकीमी यो तुइक्‍नीम” देंमाक्‍त।

यूहन्‍ना 1:18

मुरपुकीमी परमप्रभु यावे कली गेनायो मतामे। तन्‍न परमप्रभु यावे नु बाक्‍ब आ कांइचीक तौमी मुर आन कली परमप्रभु यावे कली तुइक्‍पाइक्‍तु। यूहन्‍ना ६:४६; मत्ती ११:२७

यूहन्‍ना 10:15

दोपा आं आफोमी आं कली तुइक्‍बा, मोपा गो आं आफ कली तुइक्‍नुङ। मिनु भेडा आन पा ङा गो साइक्‍चा पुंइसीनुङ।

यूहन्‍ना 15:21

मुरपुकीमी आं नोले खोइक्‍ब इन कली श्‍येत गेनीम। मारदे हना आं कली सोइक्‍ब कली मतुइक्‍नीम। यूहन्‍ना १६:३

यूहन्‍ना 16:27

आं आफोमी इन कली दाक्‍ब। मारदे हना आं कली दाक्‍ताक्‍नी। गो आं परमप्रभु यावे रे जाक्‍शो नङ, दे थमा सुइक्‍तीनी। यूहन्‍ना १४:२१

यूहन्‍ना 16:3

मोदेंशो पाइनीम। मारदे हना आं आफ नु आं कली मतुइक्‍नीम। यूहन्‍ना १५:२३

यूहन्‍ना 16:30

गे नेल्‍ल तुइक्‍नीनी, दे गोपुकी मुल तुइक्‍ताक्‍क। मोपतीके इन कली शेंब ममाल्‍ब। गे परमप्रभु यावे आ बाक्‍तीक रे यिशो ननी, दे थमा सुइक्‍तक” देंतेक्‍म।

यूहन्‍ना 17:11

मुल गो रागीमी शुश नाक्‍त मबाक्‍नुङ। गे का ला बाक्‍शो आं आफ, इन बाक्‍तीक जाक्‍चशो बाक्‍नुङ। तन्‍न मेकोपुकी रागीमी बाक्‍नीम। आं आफ, आं कली गेशो मुर इन नें ङा सक्तिमी रिम्‍शो कोव़शा वोतीन। दोपा गो गे नु थुं का ङा बाक्‍ङा, मोपा मेकोपुकी यो थुं का दुम्‍शा बाक्‍मल, दे सक्ति गेने।

यूहन्‍ना 17:18

गेमी आं कली रागीमी सोइश्‍शो खोदेंशो पा, गो यो मेको आन कली रागी रागीम सोइक्‍ताक्‍ङमी। यूहन्‍ना २०:२१

यूहन्‍ना 17:21

मार पुंइनुङ देंशा हना, मेको नेल्‍ल थुं का ङा दुम्‍मल। आं आफ, गे आं आगामी बाक्‍शो नु गो इन आगामी बाक्‍शो खोदेंशो पा मेकोपुकी इस आगामी बाक्‍मल, दे पुंइनुङ। मो दुम्‍त हना, रागी ङा मुरपुकीमी गेमी आं कली सोइक्‍ताक्‍नी, दे थमा सुइक्‍नीम। गलाती ३:२८

यूहन्‍ना 17:23

गो मेको आन आगामी बाक्‍नुङ। गे आं आगामी बाक्‍नीनी। मो पा बाक्‍शोनु, मेकोपुकी गे नु गो खोदेंशो पा का दुम्‍नीम। मो दुम्‍शो तशा, रागी ङा मुरपुकीमी गे आं कली सोइक्‍ताक्‍नी। मिनु गेमी आं कली दाक्‍ताक्‍यीनी। मोपा गेमी आं कली दाक्‍शो बुदी मेको आन कली यो दाक्‍ताक्‍नी, दे तुइक्‍तमेक्‍ल। १कोरिन्‍थी ६:१७

यूहन्‍ना 17:3

गेना हना यो गे नु ब्रोंइशा बाक्‍चा मार बाक्‍ब देंशा हना, सुमी इन कली गे ला थमा परमप्रभु यावे बाक्‍नीनी नु गो, इन सोइश्‍शो येसु ख्रीस्‍त नङ, दे तुइक्‍नीमी, मेको ला गेना हना यो गे नु ब्रोंइशा बाक्‍चा ताइनीम। १यूहन्‍ना ५:२०

यूहन्‍ना 17:8

गे आं कली शेंताक्‍यीनी। मिनु इन शेंशो लोव़ मेको आन कली शेंताक्‍ङमी। मिनु थमा सुइक्‍तेक्‍म। गो इन बाक्‍तीक रे जाक्‍शो नङ, दे थमा पा तुइक्‍नीम। मेकोपुकीमी आं कली सोइक्‍ब, गे ननी, दे थमा सुइक्‍तेक्‍म। यूहन्‍ना १६:३०

यूहन्‍ना 3:17

परमप्रभु यावेमी रागी ङा मुर आन कली निसाफ पा नरकमी वोइक्‍चा, दे आ तौ मसोइक्‍त। तन्‍न रागी ङा मुर आन कली नरक रे प्रोंइचा कली सोइक्‍ताक्‍व। लूका १९:१०

यूहन्‍ना 6:19

मिनु येसु आ शेंसीबपुकी डोंगा ङोइश्‍शा, २५ कि ३० स्‍तादीयोन खोदेंशो जाक्‍दीम्‍मानु, येसु कली समुन्‍द्र ङा ब्‍वाक्‍कु तार गाक्‍ना गाक्‍न आन डोंगा गे पिशो ताम्‍तेक्‍म। मिनु मेको कली तशा “सु बाक्‍म” दे हिंतेक्‍म। स्‍तादीयोन का १८५ मिटर खोदेंशो बाक्‍ब।

यूहन्‍ना 7:29

गो चहिं मेको कली तुइक्‍नुङ। मारदे हना गो मेको आ बाक्‍तीक रे जाक्‍शो नङ। मेकोम आं कली सोइक्‍ताक्‍यी” दे शेंताक्‍मी। मत्ती ११:२७

यूहन्‍ना 8:19

मिनु मेकोपुकीमी येसु कली “इ आफ ते बाक्‍बा?” दे हिल्‍लो पाम्‍तेक्‍म। येसुमी “गेपुकीमी आं कली मतुइक्‍नीनी। आं आफ कली यो मतुइक्‍नीनी। आं कली तुइक्‍ती‍नी हना, आं आफ कली यो तुइक्‍तीनी वा” दे माइक्‍तीमी। यूहन्‍ना १४:७

यूहन्‍ना 8:55

गेपुकीमी मेको कली मतुइक्‍नीनी। तन्‍न गो तुइक्‍नुङ। गो ‘मेको कली मतुइक्‍नुङ’ देंती हना, इन खोदेंशो जोल पाइब दुम्‍नुङ। तन्‍न गो मेको कली तुइक्‍नुङ। मिनु आ शेंशो पाइनुङ। यूहन्‍ना ७:२८-२९

प्रेरित 17:23

इन पूजा पशो मूर्ति कोव़ना कोव़न गाक्‍ङानु, मूर्ति कामी ‘मतुइश्‍शो देवता’ दे मुशा ब्रेक्‍शा वोइश्‍शो ताता। मुल सम्‍म इन मतुइक्‍थु मानेशो परमप्रभु आ पर्बम गो इन कली शेंथ जाक्‍ती।

प्रेरित 26:18

मारदे हना मेकोपुकी मिक्‍च ताइब दुम्‍मल। छिङछिङमी बाक्‍शोपुकी छेङछेङमी बाक्‍चा तामेक्‍ल। सैतान आ अधिकारमी बाक्‍शोपुकी परमप्रभु यावे आ अधिकारमी बाक्‍ब दुम्‍मल। मेको आन पाप क्‍याम्‍चा पुंइसीशा, आं कली थमा सुइश्‍शोमी आं मुरपुकी नु काथा दुम्‍शा, आं मुर दुम्‍मल’ देंशो नेंता। प्रेरित २०:३२

रोमी 1:28

आन थुंमी “परमप्रभु यावे कली तुइक्‍चा ममाल्‍ब” दे मिम्‍ताक्‍म। मोपतीके परमप्रभु यावेमी मेको आन कली आन मरिम्‍शो मिम्‍शो पचा गेशा, प्रोंइतु।

रोमी 3:11

परमप्रभु यावे कली तुइक्‍ब सुइ मबाक्‍नीम। मेको कली ममाल्‍ब यो मबाक्‍नीम।

रोमी 3:26

मोपा परमप्रभु यावेमी “ठीक निसाफ पाइनुङ” दे कोंइताक्‍व। मिनु येसु कली थमा सुइक्‍ब आन कली “इन पाप ग्‍याम्‍शा, ठीक दुम्‍तीनी” देंब। लेवी १६:१५-१६; हिब्रू ४:१६

१ कोरिन्‍थी 1:21

परमप्रभु यावेमी मुर आन जोक्‍तीक तुइक्‍तीक रे आंम कली मतुइक्‍पांइसे। परमप्रभु यावेम आ दाक्‍शो पा, आंइ मूर्ख लोव़ नेंपाइक्‍ब। मिनु मेको लोव़म थमा सुइक्‍ब आन कली पाप रे ब्रोंइचा गेब।

१ कोरिन्‍थी 15:34

दूली मिम्‍चा प्रोनीन। लेंशा पाप मपने। इन दाते ङा का निक्‍शीमी परमप्रभु यावे आ पर्बम मारेइ मतुइक्‍ब बाक्‍नीम। मेको इन कली मुने दोक्‍चा ङा बाक्‍ब। १थिस्‍सलोनिकी ५:८

२ कोरिन्‍थी 4:4

मेको आन थुं दोपा मोदेंशो दुम्‍त देंशा हना, रागी कली हुकुम पाइब सैतानमी मेको आन कली मिक्‍च मताइब खोदेंशो पा मरुप्‍ब सेल्‍शो बाक्‍त। मोपा ख्रीस्‍त आ ग्‍येरपाइक्‍ब लोव़ आ छेङछेङ तने मचाप्‍नीम। ख्रीस्‍त परमप्रभु यावे आ कोंइतीके बाक्‍ब। हिब्रू १:३

२ थिस्‍सलोनिकी 1:8

मेको नु हुरुर पा ब्रशो मी सरीङ रे यीब। प्रभुमी परमप्रभु यावे कली मतुइक्‍ब नु आ ग्‍येरपाइक्‍ब लोव़ मटीब आन कली क्‍येक्‍क लेप्‍ब। रोमी २:८

हिब्रू 8:11

सुइमी आ लोक्‍ब नु आ वारच कली ‘परमप्रभु यावे कली तुइक्‍तीन’ दे शेंमुचा ममाल्‍नीम। मारदे हना आल रे खूशो सम्‍म ङा नेल्‍लेमी आं कली तुइक्‍नीम।

१ यूहन्‍ना 1:9

गोपुकीमी “मरिम्‍शो पाइतक” देंतय हना, इं मरिम्‍शो पतीके क्‍याम्‍शा, इं कली शेक्‍ब। मारदे हना मेको आ देंशो पाइब नु ठीक पाइब बाक्‍ब। भजन संग्रह ३२:३-५; हितोपदेस २८:१३

प्रकाश 13:8

मिनु सु सु आन नें क्‍योरशो पाठा आ ब्रोंइतीक किताबमी मब्रेक्‍शो बाक्‍मे, मेकोपुकीमी मेको जन्‍तु कली खुम्‍की पा सेउ पाइनीम। मेको किताब रागी सेल्‍चा क्‍येङा ङोंइती रे बाक्‍त।

प्रकाश 16:5

मिनु ब्‍वाक्‍कु कली कोव़ब परमप्रभु यावे आ स्‍वर्ग ङा गेय पाइबमी परमप्रभु यावे कली “इन मुर आन कली पशो निसाफ ठीक बाक्‍ब। गे मुल बाक्‍नीनी। मिनु गे ङोंइती यो बाक्‍तीनी। गे का ला परमप्रभु बाक्‍नीनी।