यूहन्‍ना 17:13 - Sunuwar Bible

¹³ मुल गो इन बाक्‍तीक जाक्‍चशो बाक्‍नुङ। इन लोव़ रागीमी शेंताक्‍ङमी। मारदे शेंताक्‍ङमी देंशा हना, आं ग्‍येरशो खोदेंशो पा मेको यो ग्‍येरसीशा बाक्‍मल, दे शेंताक्‍ङमी। यूहन्‍ना १५:११

यूहन्‍ना 17:13 ပူးပေါင်းရင်းမြစ်များ

नेहेम्‍याह 8:10

मिनु मेकोपुकीमी मुर आन कली “मुल गे नेल्‍ल लने। ब्रोव़शो ब्रोव़शो जने ब्‍वने, तूङीन। मिनु मथीब आन कली यो मार मार सोइक्‍तीने। मारदे हना मुलाक्‍ती आंइ परमप्रभु आ ठेयब नाक्‍त बाक्‍ब। हिशेक मपने। मारदे हना परमप्रभु यावे आ गेशो ग्‍येरतीकेमी इन थुं बारपाइक्‍ब” देंतेक्‍म।

भजन संग्रह 126:5

मिनु ङाक्‍ना ङाक्‍न शोक्‍बपुकीमी ग्‍येरसीशा खुप्‍नीम। मत्ती ५:४

भजन संग्रह 43:4

मेना गो परमप्रभु कली चढ़ेतीकेम जाक्‍नुङ। मिनु परमप्रभुमी आं कली शुश ग्‍येरपाइश्‍शा, आं थुं नाइक्‍पाइक्‍ब। परमप्रभु, आं परमप्रभु, गो ठेयब ताप्‍तीक ताप्‍शा, कुम्‍सो पा इन कली ठेयब सेल्‍नुङ।

यूहन्‍ना 13:3

मिनु येसुमी “आं आफोमी आं कली नेल्‍ल सक्ति गेती। गो परमप्रभु यावे रे जाक्‍शो नङ। मिनु परमप्रभु यावे आ बाक्‍तीके लेत्‍नुङ” दे तुइश्‍शा, यूहन्‍ना ३:३५; यूहन्‍ना १६:२८

यूहन्‍ना 15:11

इन कली एको लोव़ मारदे पाता देंशा हना, आं ग्‍येरशो थुं इन थुंमी लील। मिनु इन थुं ग्‍येरसीशा बाक्‍ल, दे एको लोव़ पाता। यूहन्‍ना १७:१३

यूहन्‍ना 16:33

आं कली मिम्‍शा इन थुं नाइश्‍शा बाक्‍कीन, दे एको लोव़ शेंताक्‍न्‍नी। गेपुकी रागीम बाक्‍शा, श्‍येत जाइनीनी। तन्‍न थुं बारपाइश्‍शा ग्‍येरसीने। गो रागी कली ग्राती” देंत। यूहन्‍ना १४:२७; रोमी ५:१; १यूहन्‍ना ५:४

यूहन्‍ना 17:11

मुल गो रागीमी शुश नाक्‍त मबाक्‍नुङ। गे का ला बाक्‍शो आं आफ, इन बाक्‍तीक जाक्‍चशो बाक्‍नुङ। तन्‍न मेकोपुकी रागीमी बाक्‍नीम। आं आफ, आं कली गेशो मुर इन नें ङा सक्तिमी रिम्‍शो कोव़शा वोतीन। दोपा गो गे नु थुं का ङा बाक्‍ङा, मोपा मेकोपुकी यो थुं का दुम्‍शा बाक्‍मल, दे सक्ति गेने।

यूहन्‍ना 3:29

ग्‍युम्‍लेमी ग्‍युम्‍ली कली चाक्‍शो तशा, आ लोव़ नेंशा, आ वारच ग्‍येरसीब। मोपतीके गो थमा पा ग्‍येरसीनुङ। मत्ती ९:१५

यूहन्‍ना 7:33

मिनु येसुमी “गो गेपुकी नु इच्‍का नाक्‍ती सम्‍म बाक्‍नुङ। मिनु नोले आं कली सोइक्‍ब आ बाक्‍तीकेमी लाइनुङ। यूहन्‍ना १३:३३

प्रेरित 13:52

एन्‍टीओक सहरम बाक्‍ब थमा सुइक्‍बपुकी चहिं ग्‍येरसीशा, परमप्रभु यावे आ सोक्‍तीम प्रिंचा पुंइसमा बाक्‍त।

रोमी 14:17

परमप्रभु यावे आ राज्‍य जचा तूचा आ पर्बम ममाइ। परमप्रभु यावे आ सोक्‍त रे पा थमा सुइक्‍बपुकीमी रिम्‍शो गेय पशा, दुशा ग्‍येरशा बाक्‍चा आ पर्बम बाक्‍ब। १कोरिन्‍थी ८:८; हिब्रू १३:९

गलाती 5:22

परमप्रभु यावे आ सोक्‍तीमी ब्रीशो थुं पाइश्‍शोपुकीमी परमप्रभु यावे आ सोक्‍त रे पा दोदेंशो पाइनीम देंशा हना, दाक्‍मुइनीमी, ग्‍येरनीमी, थुं नाइक्‍नीमी, शुश फाल्‍नीमी, रिम्‍शो पाइनीमी, शिशी पाइनीमी, कबल खाप्‍नीमी,

हिब्रू 12:2

थमा सुइक्‍तीक लां कोंइशा, पाको सेल्‍ब येसु कली मिम्‍तय। मेकोमी शीम केप्‍शा कांटी थोक्‍शा क्‍याइश्‍शा साइक्‍चा पुंइसीचा आ पर्बम, मुने आ पर्बम मारेइ ममिम्‍ता बाक्‍त। नोले मान पा ग्‍येरसीशा बाक्‍चा ताइनुङ, दे मिम्‍ता बाक्‍त। मिनु मुल परमप्रभु यावे आ ग्‍युरा गे निश्‍शो बाक्‍ब। हिब्रू ५:८-९; फिलिप्‍पी २:८-१०

१ यूहन्‍ना 1:4

गो नेल्‍ल इं थुं ग्‍येरसीशा बाक्‍य, दे एको चिठी ब्रेक्‍शा, इन कली सोइक्‍ताक्‍क। १यूहन्‍ना ५:१३; यूहन्‍ना १५:११; यूहन्‍ना १६:२४

२ यूहन्‍ना 1:12

मिनु गोमी इन कली शुश ब्रेक्‍चा माल्‍ती हना यो, कागज नु मसीम मब्रेक्‍नुङ, इन कलीन ग्रुम्‍थ जाक्‍नुङ। मिनु कोव़मुशा लोव़ पाइनय, दे आस पाइनुङ। मोपा ग्रुम्‍तय हना, शुश ग्‍येरनय। ३यूहन्‍ना :१३