यूहन्‍ना 16:7 - Sunuwar Bible

⁷ नोफा दाइश्‍शा नेनीन, आं लशो इन कली रिम्‍शो दुम्‍ब। गो मलती हना, थमा सुइक्‍ब आन कली वारच पाइब मजाक्‍ब। गो लती हना, मेको कली सोइक्‍नुङ। यूहन्‍ना १४:१६,२६

यूहन्‍ना 16:7 ပူးပေါင်းရင်းမြစ်များ

भजन संग्रह 68:18

गे इर ङोइश्‍शा लाइतीनी। ग्‍याइश्‍शो मुर आन कली लाइक्‍तीनी। मुर आन दातेमी गे मारेइ मारेइ ताइतीनी। ङोंइती मटीब आन दातेमी यो ताइतीनी। परमप्रभु यावे मेकेर बाक्‍ब। एफिसी ४:८-१०

लूका 24:49

नेनीने, गो आं आफोम ‘सक्ति गेनुङ’ देंशो सक्ति इन कली सोइक्‍नुङ। तन्‍न इर ङा सक्ति मतनी सम्‍म यरूसलेममी रिम्‍शा बाक्‍कीन” दे माइक्‍मी बाक्‍त। यूहन्‍ना १५:२६; यूहन्‍ना १६:७; प्रेरित २:१-४

लूका 4:25

थमा लोव़ मार बाक्‍त देंशा हना, एलीया आ पालाम इस्राएल रागीम शुश वोंइश बेक्‍शो मीश मुर बाक्‍शो बाक्‍तेक्‍म। मेना बर्स सां ६ महिना सम्‍म रेउ मयिमाक्‍त। मिनु रागी नेल्‍ल ङा मुरपुकीमी जचा मतामे बाक्‍त। १राजा १७:१,९-२४

लूका 9:27

गो इन कली थमा लोव़ पाइनुङ मुल गो नु काथा बाक्‍ब का निक्‍शीमी परमप्रभु यावे आ राज्‍य मतथु मबेक्‍नीम” दे माइक्‍मी बाक्‍त।

यूहन्‍ना 14:26

आं नेंमी आं आफोमी इन कली वारच पाइब आ सोक्‍त सोइक्‍ब। मेको सोक्‍तीमी इन कली मारेइ मारेइ शेंब नु आं देंशो लोव़ नेल्‍ल फ्रुक्‍पाइक्‍ब।

यूहन्‍ना 14:28

‘गो लाइनुङ। मिनु लेंशा जाक्‍नुङ’ दे आं देंशो नेंतीनी। गेपुकी आं कली दाक्‍ताक्‍यीनी हना, ग्‍येरसीनी वा। मारदे हना गो आं आफ आ बाक्‍तीक लाइनुङ। आं आफ चहिं आं क्‍येङा ठेयब बाक्‍ब।

यूहन्‍ना 14:3

मिनु इन बाक्‍तीक ठीक पशा, लेंशा जाक्‍शा आं बाक्‍तीक लाइक्‍नन्‍नी। मिनु गो नु काथा बाक्‍नीनी। यूहन्‍ना १२:२६; यूहन्‍ना १७:२४

यूहन्‍ना 15:26

मिनु वारच पाइब का जाक्‍ब। गो मेको कली आफ आ बाक्‍तीक रे सोइक्‍नुङ। मेको परमप्रभु यावे रे जाक्‍शो थमा ङा सोक्‍त बाक्‍ब। मेकोमी आं पर्बम शेंब। यूहन्‍ना १४:१६,२६; लूका २४:४९

यूहन्‍ना 16:8

मिनु मेको जाक्‍शा, रागी ङा मुर आन कली पाप आ पर्बम नु परमप्रभु यावे आ ङोंइती मार ठीक बाक्‍ब नु परमप्रभु यावे आ निसाफ पतीक दोदेंशो बाक्‍बा, दे शेंब।

यूहन्‍ना 7:39

मेको आ शेंशो दोदेंशो रुम्‍सीब देंशा हना, येसुमी परमप्रभु यावे आ सोक्‍त आ पर्बम शेंशो बाक्‍त। येसु कली थमा सुइक्‍बपुकीमी मेको सोक्‍त कली तचशो बाक्‍तेक्‍म। तन्‍न मेना सम्‍म परमप्रभु यावे आ सोक्‍त थमा सुइक्‍ब आन कली मगेशो बाक्‍त। मारदे हना येसु आ आफ आ छेङछेङम लाइक्‍चा मपुंइसीशो बाक्‍त। यूहन्‍ना १६:१७

प्रेरित 10:34

मिनु पत्रुसमी “परमप्रभु यावेमी सुइ आन कली मतिल्‍थु, उइक्‍थ उइक्‍थ मिम्‍ब। ब्‍यवस्‍था १०:१७; १सामुएल १६:७; रोमी २:११

प्रेरित 2:33

मिनु येसु परमप्रभु यावे आ ग्‍युरा गे बाक्‍शा, आ आफ रे परमप्रभु यावे आ सोक्‍त ताक्‍शा, आंइ तारी मोइक्‍‍तु। मिनु मार मार नेंनी, मार मार तनी, मेको नेल्‍ल परमप्रभु यावे आ सोक्‍तीम पपाइश्‍शो बाक्‍माक्‍त, दे तुइक्‍तीने। यूहन्‍ना १५:२६

रोमी 8:28

गो परमप्रभु यावे आ योव़शो, मेको कली दाक्‍बपुकीमी दोदेंशो श्‍येत जाम्‍तेक्‍म हना यो, दोदेंशो ग्‍येरसाक्‍म हना यो, मार दुम्‍त हना यो, इं कली रिम्‍शो दुम्‍ब, दे तुइश्‍शो बाक्‍नय। एफिसी १:११

२ कोरिन्‍थी 4:17

मारदे हना मुल जशो श्‍येत इच्‍का ला बाक्‍ब। नोले मेकोमी इं कली मरुप्‍चा ङा ठेयब छेङछेङमी बाक्‍चा गेब। रोमी ८:१७-१८; १पत्रुस १:६