यूहन्‍ना 16:33 - Sunuwar Bible

³³ आं कली मिम्‍शा इन थुं नाइश्‍शा बाक्‍कीन, दे एको लोव़ शेंताक्‍न्‍नी। गेपुकी रागीम बाक्‍शा, श्‍येत जाइनीनी। तन्‍न थुं बारपाइश्‍शा ग्‍येरसीने। गो रागी कली ग्राती” देंत। यूहन्‍ना १४:२७; रोमी ५:१; १यूहन्‍ना ५:४

यूहन्‍ना 16:33 ပူးပေါင်းရင်းမြစ်များ

भजन संग्रह 68:18

गे इर ङोइश्‍शा लाइतीनी। ग्‍याइश्‍शो मुर आन कली लाइक्‍तीनी। मुर आन दातेमी गे मारेइ मारेइ ताइतीनी। ङोंइती मटीब आन दातेमी यो ताइतीनी। परमप्रभु यावे मेकेर बाक्‍ब। एफिसी ४:८-१०

मीका 5:5

मिनु मेकोमी थुं नाइक्‍चा गेब। मिनु अस्‍सुर ङा मुर इं रागी ओव़शा लडाइ पचा गोम्‍तेक्‍म हना, गोपुकीमी ७ जना गोठला नु ८ जना हुकुम पाइब वोइक्‍नीकी।

मत्ती 9:2

मिनु मार दुम्‍माक्‍त देंशा हना, आ गुइ खोइल मदुक्‍ब मुर का कली आ ब्राख्‍येमी कुरशा चाक्‍गमे बाक्‍त। मिनु येसुमी “मेको मुर कली चाक्‍बपुकीमी थमा सुइक्‍यीमी बाक्‍त” दे तुइश्‍शा, मेको गुइ खोइल मदुक्‍ब कली “आं तौ, इ पाप क्‍याम्‍साक्‍व। मिनु इ थुं बारपतो” दे मदा बाक्‍त। प्रस्‍थान ३४:६-७; भजन संग्रह १०३:३

लूका 19:38

“परमप्रभु यावे आ नेंमी जाक्‍ब पिप ठेयब बाक्‍ब। सरीङम यो ग्‍येरसमल। इर ङा नेल्‍ल रिम्‍शो दुम्‍ल” दे रेयके पामे बाक्‍त। भजन संग्रह ११८:२६; लूका २:१४

लूका 2:14

“नेल्‍ल क्‍येङा इर ङा परमप्रभु यावे नेल्‍ल क्‍येङा ठेयब बाक्‍ब। आ दाक्‍शो मुर आन कली थुं नाइश्‍शा बाक्‍चा गेब” दे कुम्‍सो पामे बाक्‍त। लूका १९:३८; गन्‍ती ६:२६; एफिसी २:१४,१७

यूहन्‍ना 12:31

मुल रागी नेल्‍ल ङा मुर आन कली निसाफ पची नाक्‍त जाक्‍त। मुल रागी कली हुकुम पाइब कली तिल्‍नीम। यूहन्‍ना १४:३०; यूहन्‍ना १६:११; लूका १०:१८

यूहन्‍ना 14:1

मिनु येसुमी आ शेंसीब आन कली “इन थुं ग्‍येत्‍थ लुक्‍च मपने। परमप्रभु यावे कली थमा सुतीन। आं कली यो थमा सुइय्‍यीनी।

यूहन्‍ना 14:27

गो आं थुं नाइश्‍शो खोदेंशो पा इन थुं नाइक्‍पाइक्‍नन्‍नी। मुरुमी पशो खोदेंशो ममाइ, इन थुं ग्‍येत्‍थ लुक्‍च मपने। महिनीने। यूहन्‍ना १६:३३; फिलिप्‍पी ४:७

यूहन्‍ना 16:11

मिनु निसाफ पचा आ पर्बम मार शेंब देंशा हना, परमप्रभु यावेमी रागी ङा मुर आन कली हुकुम पाइब सैतान कली निसाफ पने थुम्‍तु, दे शेंब। यूहन्‍ना १२:३१

प्रेरित 14:22

मेको सांफा सहर ङा थमा सुइक्‍ब आन कली “मार दुम्‍त हना यो, थमा सुइक्‍चा मप्रोनीन। इन खोइल थेक्‍शा बाक्‍कीने। ख्रीस्‍त आ नेंमी शुश श्‍येत जचा पुंइसीशा ला परमप्रभु यावे आ राज्‍य ओव़चा ताइनय, दे रुपीने” दे आन थुं बारपदसे बाक्‍त। रोमी ५:३-५; १थिस्‍सलोनिकी ३:३

प्रेरित 23:11

मिनु मेको नाक्‍दो प्रभुमी पावल आ नेक्‍था जाक्‍शा “दोपा यरूसलेममी आं पर्बम शेंदीमी, मोपा रोम सहरमी यो आं पर्बम शेंशा सांकछी दुम्‍नेवे। मोपतीके महिंथु, ठेयब थुं पा बाक्‍को” देंमाक्‍त। प्रेरित १:८; प्रेरित २५:११-१२; प्रेरित २७:२३-२४

प्रेरित 27:22

मुल मोदेंशो दुम्‍त हना यो, इन थुं बारपा बाक्‍कीने। मारदे हना सुइ यो मबेक्‍नय। जहाज ला जाम्‍शा लाइब, दे तुइक्‍ताक्‍ङ।

प्रेरित 27:25

मोपतीके इन थुं बार पा बाक्‍कीन, हजुरपुकी। परमप्रभुमी आ देंशो का यो मप्रोंइथु, नेल्‍ल खाप्‍ब, दे थमा सुइक्‍नुङ। प्रेरित २८:१

प्रेरित 9:31

मिनु यहूदीया, गालील नु सामरीया रागीमी बाक्‍ब थमा सुइक्‍बपुकी खेदा पचा मपुंइसीथु, बाक्‍चा तामे बाक्‍त। थमा सुइक्‍बपुकीमी प्रभु कली मान पा हिंशा, परमप्रभु यावे आ सोक्‍त रे पा वारच पचा पुंइसीशा, आन थुं बारना बारन ल‍माक्‍त। मिनु थमा सुइक्‍ब यो तेम्‍सीन सीन लमा बाक्‍त।

२ कोरिन्‍थी 1:3

इं प्रभु येसु ख्रीस्‍त आ आफ परमप्रभु यावे कली “गे रिम्‍शो पाइब ननी” देंशा ठेयब सेल्‍नीकी। मारदे हना मेको शिशी पाइब आफ, थुं नाइक्‍पाइक्‍ब नु थुं बारपाइक्‍ब परमप्रभु यावे बाक्‍ब, दे तुइक्‍नीकी। रोमी १५:५

२ कोरिन्‍थी 13:11

आं लोक्‍बपुकी, मुल रिम्‍शो बाक्‍कीन। रिम्‍शो पने। आं लोव़ नेंशा टीब दुमीने। इन दातेमी गारमुने। थुं नाइश्‍शा बाक्‍कीने। दाक्‍तीक नु थुं नाइक्‍तीक गेब परमप्रभु यावे गेपुकी नु बाक्‍ल। फिलिप्‍पी ४:४; रोमी १५:३३

२ कोरिन्‍थी 2:14

तन्‍न परमप्रभु यावे कली “गे रिम्‍शो पाइब बाक्‍ननी” दे ठेयब सेल्‍नीकी। मारदे हना ख्रीस्‍त आ नेंमी ग्राना ग्रान लाइनीकी। मोपा शेंना शेंन हिरशा गाक्‍कानु, ब्रोव़शो रिना पाइश्‍शो खोदेंशो पा नेल्‍लेमी ख्रीस्‍त कली तुइक्‍नीमी।

२ कोरिन्‍थी 4:7

मेको ठेयब सक्ति परमप्रभु यावे के बाक्‍ब, दे कोंइचा कली मेको छेङछेङ खप के गर गो आंइ रां आगाम बाक्‍ब। १कोरिन्‍थी ४:११-१३; २कोरिन्‍थी ११:२३-२७

२ कोरिन्‍थी 6:4

तन्‍न परमप्रभु यावे आ गेय पाइब दुम्‍शा, आंइ गेय नेल्‍ल रिम्‍शो पाइनीकी। गो शुश फाल्‍नीकी, खेदा पतीकेमी, श्‍येत जतीकेमी, हिंतीकेमी,

२ कोरिन्‍थी 7:4

मिनु इन कली तशा, ग्‍येरसीशा, आं थुं बोरनुङ। आं थुं नाइक्‍सीशा बारना बारन लत। श्‍येत जाता हना यो, इन कली तशा गो ग्‍येरस ङा ग्‍येरस बाक्‍ती।

गलाती 1:4

प्रभु येसु ख्रीस्‍तमी इं पाप क्‍याम्‍चा नु रागीम ग्रूशो मरिम्‍शो पतीके रे प्रोंइचा कली आ गिंम गेप्‍तु। आ मोदेंशो पशो चहिं इं आफ परमप्रभु यावे आ दाक्‍शो बाक्‍त। गलाती २:२०; १तिमोथी २:६; तीतस २:१४; १यूहन्‍ना ५:१९

गलाती 6:14

नें बोरपाइक्‍चा दा गो यो आं नें बोरपाइश्‍शा गाक्‍ती। तन्‍न मुर आन पशो तशा ममाइ। इं प्रभु येसु ख्रीस्‍त इं पा ङा शीम केप्‍शा कांटी थोक्‍शा साइक्‍चा पुंइसीशा, इं पाप क्‍याम्‍ताक्‍व, दे ख्रीस्‍त आ पशो मिम्‍शा, आं नें बोरपाइश्‍शा गाक्‍ती। ख्रीस्‍त आ गेय ङा लाक्‍शा मारेइ ठेयब ममिम्‍नुङ। रागी ङा मिम्‍तीक पतीक नेल्‍ल बेक्‍शो खोदेंशो मिम्‍ताक्‍ङ। रागीमी यो आं कली बेक्‍शो खोदेंशो मिम्‍ताक्‍व। १कोरिन्‍थी १:३१; १कोरिन्‍थी २:२

फिलिप्‍पी 4:7

परमप्रभु यावे आ गेशो थुं नाइक्‍तीके रुम्‍ने मचाप्‍चा ङा ठेयब बाक्‍ब। मेको थुं नाइक्‍तीके इन थुं नु इन मिम्‍शो ख्रीस्‍त येसु नु बाक्‍ब। यूहन्‍ना १४:२७; कलस्‍सी ३:१५

कलस्‍सी 1:20

परमप्रभु यावेमी येसु ख्रीस्‍त रेन मारेइ मारेइ आन कली आ नु गारपाइक्‍तु। सरीङ नु रागीम बाक्‍शो नेल्‍ल आन कली, शीम केप्‍शा कांटी थोक्‍शा साइक्‍चा पुंइसीशा, आ हुशेमी आ नु गारपाइक्‍तु। १यूहन्‍ना २:२

१ थिस्‍सलोनिकी 3:4

ङोंइती रे गो नु बाक्‍नीनु “श्‍येत जचा माल्‍नय” दे शेंताक्‍क। मुल आंइ शेंशो दुम्‍त। मेको यो तुइक्‍नीनी।

१ थिस्‍सलोनिकी 3:7

आंइ लोक्‍बपुकी, गोपुकी शुश श्‍येत जाइतक हना यो, इन थमा सुइक्‍तीक आ पर्बम लोव़ नेंशा ग्‍येरसाक्‍क।

२ थिस्‍सलोनिकी 3:16

थुं नाइक्‍चा गेब प्रभुमी दोदेंशो बाक्‍तीनी हना यो, इन कली गेना हना यो थुं नाइक्‍चा गेवल। प्रभु गेपुकी नेल्‍ल नु बाक्‍ल। यूहन्‍ना १४:२७

२ तिमोथी 3:12

सु सु ख्रीस्‍त येसुमी परमप्रभु यावे कली मिम्‍शा, दाक्‍शा ब्रोंइनीमी, मेकोपुकी खेदा पचा पुंइसीनीम। मत्ती १६:२४; प्रेरित १४:२२; १थिस्‍सलोनिकी ३:३

हिब्रू 11:25

पापीपुकी नु काथा बाक्‍शा, सुख जचा क्‍येङा परमप्रभु यावे आ मुर नु बाक्‍शा, श्‍येत जशा बाक्‍चा योव़तु।

हिब्रू 7:2

मिनु अब्राहाममी मेको कली आ ग्राशा चाक्‍शो थोव़क १० भागमी भाग का गेवा बाक्‍त। मेको आ नें मार रुम्‍सीब देंशा हना, ठीक निसाफ पाइब पिप नु सालेम ङा पिप, दे रुम्‍सीब। सालेम देंशो चहिं थुं नाइश्‍शा बाक्‍तीके बाक्‍ब।

१ पत्रुस 5:9

गेपुकीमी थमा सुइश्‍शा “गो सैतान कली तुइक्‍नुङ” दे मेको कली काइ मटिने। रागी नेल्‍ल ङा थमा सुइक्‍ब लोक्‍बपुकीम मोदेंशो श्‍येत जाइनीम दे तुइक्‍नीनी।

१ यूहन्‍ना 2:13

आम आफपुकी, गो इन कली मारदे ब्रेक्‍ना ब्रेक्‍न बाक्‍ती देंशा हना, गे मेको ङोंइती रे बाक्‍ब कली तुइक्‍नीनी। मोपतीके गो इन कली ब्रेक्‍ना ब्रेक्‍न बाक्‍ती। ठेयब वोंइश आलपुकी, गो इन कली मारदे ब्रेक्‍ना ब्रेक्‍न बाक्‍ती देंशा हना, गे सैतान कली ग्रातीनी। मोपतीके गो इन कली ब्रेक्‍ना ब्रेक्‍न बाक्‍ती। मिनु आं तमी तौपुकी, गो इन कली मारदे ब्रेक्‍ताक्‍ङ देंशा हना, गे इं आफ परमप्रभु यावे कली तुइक्‍नीनी। मोपतीके गो इन कली ब्रेक्‍ताक्‍ङ। यूहन्‍ना १:१

१ यूहन्‍ना 4:4

आं आइक्‍च आलपुकी, गेपुकी परमप्रभु यावे नु थुं का ङा दुम्‍शा, मेको रागीमी बाक्‍ब दूली शेंब आन कली ग्रातीनी। मारदे हना रागी ङा मुर आन थुंमी बाक्‍शो दूली शेंब सोक्‍त क्‍येङा इन थुंमी बाक्‍ब परमप्रभु यावे आ सोक्‍त ठेयब बाक्‍ब।

१ यूहन्‍ना 5:4

मिनु परमप्रभु यावे आ आलपुकीमी रागी ङा मुर आन दाक्‍शो गेय कली ग्रानीम। दोपा ग्रानीम देंशा हना, येसु ख्रीस्‍त कली थमा सुइक्‍चा मप्रोंइथु ग्रानीम। यूहन्‍ना १६:३३; १कोरिन्‍थी १५:५७

प्रकाश 12:11

मिनु थमा सुइक्‍बपुकीमी सैतान कली ग्राशो बाक्‍तेक्‍म। दोपा सैतान कली ग्राशो बाक्‍तेक्‍म देंशा हना, पाठा आ हुश चढ़ेशोमी नु आन सांकछी आन पतीके सैतान कली ग्राशो बाक्‍तेक्‍म। मेकोपुकीमी आंम कली ममिम्‍थु, येसु ख्रीस्‍त आ पर्बम साइक्‍चा पुंइसीचा यो महिंम। प्रकाश ७:१४; प्रकाश ६:९

प्रकाश 3:21

सु सुमी सैतान कली ग्रानीमी, मेको आन कली आं ठेयब नित्‍तीकेमी निप्‍पाइक्‍नुङ। गो ङोंइती ग्राती। मोपा गो आं आफ आ ठेयब नित्‍तीकेमी आफ नु निस्‍साक्‍यी। मत्ती १९:२८

प्रकाश 7:14

मिनु गोमी “हजुर, गो मतुइक्‍नुङ, गे तुइक्‍नीनी” देंती। मिनु मेको खाल्‍पामी “मेकोपुकी ठेयब श्‍येत रे जाक्‍तेक्‍म। मिनु मेको आन मरिम्‍शो पतीके लुम्‍सीशो वा पाठा आ हुशेमी मुरतीके बुश दुम्‍त। मत्ती २४:२१; प्रकाश १२:११

न्‍यायाधीस 3:2

मोदेंशो मारेइ मतुइक्‍ब इस्राएली आन कली दोपा लडाइ पचा, दे शेंचा कली परमप्रभुमी अर्को जात ङा मुर आन कली वोइश्‍शो बाक्‍माक्‍त।