यूहन्‍ना 16:27 - Sunuwar Bible

²⁷ आं आफोमी इन कली दाक्‍ब। मारदे हना आं कली दाक्‍ताक्‍नी। गो आं परमप्रभु यावे रे जाक्‍शो नङ, दे थमा सुइक्‍तीनी। यूहन्‍ना १४:२१

यूहन्‍ना 16:27 ပူးပေါင်းရင်းမြစ်များ

सेफन्‍याह 3:17

परमप्रभु यावे, इन परमप्रभु इन दातेमी बाक्‍ब। मेको बोल्‍यो बाक्‍शा, श्‍येत रे प्रोंइब बाक्‍ब। मेको इन कली तशा, शुश ग्‍येरशो बाक्‍ब। मेकोमी आ दाक्‍तीकेमी इन कली नक मुर सेल्‍ब। मेकोमी इन कली तशा ग्‍येरशा कुम्‍सो पाइब। यसैया ६२:५

मत्ती 10:37

आं क्‍येङा आन आम आफ कली दाक्‍बपुकी आं नोले खोइक्‍चा मशिरनीम। आं क्‍येङा आन तमी तौ आन कली दाक्‍बपुकी यो आं नोले खोइक्‍चा मशिरनीम। ब्‍यवस्‍था १३:७-१२; ब्‍यवस्‍था ३३:९; लूका १४:२६-२७

यूहन्‍ना 14:21

सुमी आं अरेशो तुइश्‍शा पाइबा, मेकोमी आं कली दाक्‍ब। सुमी आं कली दाक्‍बा, आं आफोमी मेको कली यो दाक्‍ब। मिनु गो मेको कली दाक्‍शा, आं कली तुइक्‍पांइसीनुङ” दे येसुमी देंत। १यूहन्‍ना ५:३; यूहन्‍ना १६:२७

यूहन्‍ना 14:23

मिनु येसुमी “सुमी आं कली दाक्‍बा, मेकोम आं देंशो लोव़ पाइब। आं आफोमी मेको कली दाक्‍ब। मिनु गो नु आं आफ मेको नु बाक्‍नस्‍कु। हितोपदेस ८:१७; एफिसी ३:१७

यूहन्‍ना 16:30

गे नेल्‍ल तुइक्‍नीनी, दे गोपुकी मुल तुइक्‍ताक्‍क। मोपतीके इन कली शेंब ममाल्‍ब। गे परमप्रभु यावे आ बाक्‍तीक रे यिशो ननी, दे थमा सुइक्‍तक” देंतेक्‍म।

यूहन्‍ना 17:23

गो मेको आन आगामी बाक्‍नुङ। गे आं आगामी बाक्‍नीनी। मो पा बाक्‍शोनु, मेकोपुकी गे नु गो खोदेंशो पा का दुम्‍नीम। मो दुम्‍शो तशा, रागी ङा मुरपुकीमी गे आं कली सोइक्‍ताक्‍नी। मिनु गेमी आं कली दाक्‍ताक्‍यीनी। मोपा गेमी आं कली दाक्‍शो बुदी मेको आन कली यो दाक्‍ताक्‍नी, दे तुइक्‍तमेक्‍ल। १कोरिन्‍थी ६:१७

यूहन्‍ना 2:11

मेको येसु आ ङोंइती ङा छक लाक्‍चा ङा गेय बाक्‍त। मेको ङोंइती पशो छक लाक्‍चा ङा गेय गालील रागी ङा काना माइश्‍शो सहरमी पशो बाक्‍त। मोपा मुर आन कली आ सक्ति कोंइशो बाक्‍त। मेको तशा आ शेंसीबपुकीमी येसु कली परमप्रभु यावे आ तौ बाक्‍त, दे थमा सुदमे बाक्‍त। यूहन्‍ना १:१४

यूहन्‍ना 3:13

मुर परमप्रभु यावे आ बाक्‍तीकेम मलम। स्‍वर्ग रे जाक्‍शो रागीमी जरमेशो ला परमप्रभु यावे आ बाक्‍तीकेमी बाक्‍शो बाक्‍त।

यूहन्‍ना 7:29

गो चहिं मेको कली तुइक्‍नुङ। मारदे हना गो मेको आ बाक्‍तीक रे जाक्‍शो नङ। मेकोम आं कली सोइक्‍ताक्‍यी” दे शेंताक्‍मी। मत्ती ११:२७

यूहन्‍ना 8:42

मिनु येसुमी “परमप्रभु यावे इन आफ बाक्‍त हना, गेपुकी आं कली दाक्‍तीनी वा। मारदे हना गो परमप्रभु यावे रे रागीमी जाक्‍ती। गो आंमा जाक्‍शो मनङ। तन्‍न आं आफोमी सोइक्‍ताक्‍यी।

रोमी 8:3

परमप्रभु यावेमी अरेशो लोव़ टिने मचाप्‍नीम, दे तुइश्‍शा, आ तौ कली पापी बुद पा रागीम सोइक्‍ताक्‍व। मोपा मेको कली मुर आन पाप आ पर्बम सजाइ गेप्‍तु। प्रेरित १८:३८; प्रेरित १५:१०; हिब्रू २:१७

१ कोरिन्‍थी 15:47

ङोंइती ङा मुर रागी ङा खप के सेल्‍शो बाक्‍त। नोले ङा मुर स्‍वर्ग रे बाक्‍ब।

१ कोरिन्‍थी 16:22

प्रभु कली मदाक्‍बपुकी सराप रमल। इं प्रभु जाक्‍कीन। प्रकाश २२:२०

२ कोरिन्‍थी 5:14

मारदे हना ख्रीस्‍तमी इं कली दाक्‍ब, दे शुश मिम्‍नीकी। मेको नेल्‍ल मुर आन पर्बम बेक्‍त, दे तुइश्‍शा, गो नेल्‍ल बेक्‍चा ङा मुर बाक्‍नय, दे तुइक्‍नीकी।

गलाती 4:4

मिनु नोले परमप्रभु यावेमी वोइश्‍शो नाक्‍त आ तौ कली सोइक्‍ताक्‍व। मेको आ तौ मीश मुर रे परमप्रभु यावे आ अरेशो लोव़मी जरमेसाक्‍व। मर्कूस १:१५; एफिसी १:१०

एफिसी 6:24

सु सुमी इं प्रभु येसु ख्रीस्‍त कली गेना हना यो दाक्‍नीमी, मेको नेल्‍लेमी शिशी तामेक्‍ल।

१ तिमोथी 1:15

मरिम्‍शो पाइब आन कली नरक रे प्रोंइचा, दे ख्रीस्‍त येसु रागीम जाक्‍त। एको लोव़ थमा बाक्‍ब नु थमा सुइक्‍चा माल्‍शो बाक्‍ब। गो नेल्‍ल क्‍येङा मरिम्‍शो पाइब नङ। लूका १९:१०

हिब्रू 12:6

परमप्रभुमी सु कली दाक्‍बा, मेको कली सजाइ गेब। सु कली आ तौ मिम्‍बा, मेको कली तुप्‍ब” दे ब्रेक्‍शो बाक्‍ब। हितोपदेस ३:११-१२; प्रकाश ३:१९

१ पत्रुस 1:8

गे मेको कली मताइतीनी हना यो, दाक्‍नीनी। मेको कली मुल सम्‍म मतथु यो, थमा सुइक्‍तीनी। गे गिश ग्‍येरना ग्‍येरन बाक्‍शो बाक्‍नीनी, देंने मचाप्‍नीनी। यूहन्‍ना २०:२९; २कोरिन्‍थी ५:७

१ यूहन्‍ना 4:19

गोपुकी चहिं परमप्रभु यावे कली मारदे दाक्‍नय देंशा हना, मेकोमी ङोंइती इं कली शुश दाक्‍ताक्‍व।

प्रकाश 3:19

गो आं दाक्‍शो मुर आन कली आन मरिम्‍शो पतीके कोंइनुङ। नोले गो मेको आन कली श्‍येत गेशा, आल खोदेंशो पा शेंनुङ। इन थुं गो आं गे लेत्‍तीन। इन थमा सुइक्‍तीके बारपतीन। हितोपदेस ३:१२; १कोरिन्‍थी ११:३२; हिब्रू १२:६

प्रकाश 3:9

मिनु इन ग्रुम्‍तीकेमी का निक्‍शीमी ‘यहूदी नकी’ दे जोल पाइनीम। मेकोपुकी चहिं सैतान आ शेंशो मुर बाक्‍नीम। नेनीन, गो मेको आन कली इन खोइलीमी बाप्‍शा सेउ पपाइक्‍नुङ। गोमी इन कली दाक्‍नुङ, दे मेको आन कली तुइक्‍पाइक्‍नुङ। प्रकाश २:९; यसैया ४९:२३; यसैया ६०:१४