यूहन्‍ना 16:23 - Sunuwar Bible

²³ मेना गेपुकी आं कली मारेइ हिल्‍लो मपाइनीनी। नोफा दाइश्‍शा नेनीन, गे आं नेंमी आं आफ कली मार मार पुंइनीनु, आं आफोमी इन कली गेब। यूहन्‍ना १४:१३-१४

यूहन्‍ना 16:23 ပူးပေါင်းရင်းမြစ်များ

यसैया 65:24

मिनु गो मेको आन पुंइचा क्‍येङा ङोंइती, लोव़ लेत्‍नुङमी। आन लोव़ पन पना नेंनुङ। यसैया ३०:१९; यसैया ५८:९

मत्ती 21:22

थमा सुइश्‍शा प्रार्थना पा पुंइतीनी हना, इन पुंइशो ताइनीनी” दे माइक्‍तीमी।

मत्ती 7:7

परमप्रभु यावे कली पुनीने। मिनु इन पुंइशो ताइनीनी। मालीने, मिनु इन माल्‍शो थित्‍नीनी। बाक्‍नी? दे लाप्‍चो ख्रोकोल पने। मिनु गे ओव़चा ताइनीनी। मर्कूस ११:२४; यूहन्‍ना १४:१३; येरमीया २९:१३-१४

यूहन्‍ना 14:20

मिनु आं आफ आ आगाम बाक्‍नुङ। गेपुकी आं आगामी बाक्‍नीनी। मिनु गो इन आगामी बाक्‍नुङ, दे मेना रुप्‍शा तुइक्‍नीनी।

यूहन्‍ना 14:22

मिनु यहूदामी, इस्‍कारीयोत ङा यहूदा चहिं ममाइ, येसु कली “प्रभु, गे आंइ कली तुइक्‍पांइसीनीनी। थमा मसुइक्‍ब आन कली चहिं मतुइक्‍पांइसीनीनी, दोपा रुम्‍सीबा ङा?” दे हिल्‍लो पाप्‍तु।

यूहन्‍ना 14:5

मिनु थोमासमी येसु कली “प्रभु, गे ते लाइनीनी? गो मतुइक्‍नीकी। मिनु लां दोपा तुइक्‍नीकी?” देंत।

यूहन्‍ना 15:7

गेपुकी आं आगामी बाक्‍शा नु आं लोव़ इन आगामी बाक्‍त हना, इन दाक्‍शो पुनीन। मिनु इन पुंइशो ताइनीनी। मर्कूस ११:२४

यूहन्‍ना 16:19

मिनु येसुमी आ कली हिल्‍लो पाइनीमी, दे तुइक्‍ताक्‍व। मिनु मेको आन कली “इच्‍का नाक्‍त नोले आं कली मताइनीनी। मिनु लेंशा इच्‍का नाक्‍त नोले ताइनीनी देंशो लोव़ आ पर्बम मार लोव़ पमुनी?

यूहन्‍ना 16:26

आं नेंमी पुंइनीनी। मिनु गो ‘आं आफ कली इन पर्बम पुंइनुङ’ दे इन कली मदेंनुङ।

यूहन्‍ना 16:30

गे नेल्‍ल तुइक्‍नीनी, दे गोपुकी मुल तुइक्‍ताक्‍क। मोपतीके इन कली शेंब ममाल्‍ब। गे परमप्रभु यावे आ बाक्‍तीक रे यिशो ननी, दे थमा सुइक्‍तक” देंतेक्‍म।

एफिसी 2:18

मोपा गोपुकी परमप्रभु यावे आ सोक्‍तीम पतीके नेल्‍ल येसु ख्रीस्‍त रे पा इं आफ परमप्रभु यावे आ नेक्‍था जाक्‍दीत्‍नय। एफिसी ३:१२

१ यूहन्‍ना 2:1

मिनु आं आलपुकी, इन कली मारदे ब्रेक्‍ताक्‍ङ देंशा हना, गो इन कली “मरिम्‍शो मपने” दें‍चा कली ब्रेक्‍ताक्‍ङ। मिनु थमा सुइक्‍ब कामी पाप पाप्‍तु हना, मेको आ पर्बम आ आफ कली पुंइब का बाक्‍ब। मेको पुंइब सु बाक्‍ब देंशा हना, मेको नेल्‍ल ठीक पाइब येसु ख्रीस्‍त बाक्‍ब।