यूहन्‍ना 16:21 - Sunuwar Bible

²¹ मीश मुरुमी आल थिचावानु ‘आं थिची जाक्‍त’ दे हिंशा, श्‍येत जाइब। तन्‍न आल थिशा ‘आल का जरमेसाक्‍व’ दे ग्‍येरसीब। आ ङोंइती ङा हिंशो नु श्‍येत ममिम्‍ब। यसैया २६:१७

यूहन्‍ना 16:21 ပူးပေါင်းရင်းမြစ်များ

उत्पत्ती 3:16

मिनु मेकोमी मेको मीश मुर कली “कोव़ज कुरशा, आल थिवेनु, इ कली ठेयब श्‍येत गेनुङ। आल थिचा रोइ पाइनेवे। मो हना यो इ वोंइश कली माल्‍नेवे। मिनु मेकोमी इ कली हुकुम पाइब” देंमाक्‍त। एफिसी ५:२२-२३; १तिमोथी २:१२

अय्‍युब 11:16

मिनु गे इन श्‍येत प्रेंनीनी। गे मेको कली शाइश्‍शा लशो ब्‍वाक्‍कु खोदेंशो मिम्‍नीनी।

भजन संग्रह 113:9

मिनु मेकोम आल मथीब मीश मुर आन कली ग्‍येरसीशो ममा सेल्‍ब। परमप्रभु यावे कली ठेयब सेलीन। उत्‍पत्ती २१:२ १सामुएल १:२०; लूका १:५७-५८

यसैया 13:8

मिनु मुरपुकी शुश हिंशा, आन थुं लुक्‍च लशा, शुश सुर्ता पाइनीम। फाल्‍ने मचाप्‍चा ङा पा खाइश्‍शा, आल थिचशो मीश मुर खोदेंशो पा नकचुर पाइनीम। हिंशा आन कुल कोव़मुमानु, ब्रशो मी खोदेंशो तमुइनीम।

यसैया 21:3

मोपतीके आं पोक्‍च ख्रिंख्रि पाइनीम। गो सुत्‍केरी रोइ पशो आल थिचशो मीश मुर खोदेंशो दुम्‍ती। गो राप्‍ने मचाप्‍थु, नेंने नु तने मचाप्‍चा ङा श्‍येत जशो बाक्‍नुङ।

यसैया 66:7

मिनु परमप्रभु यावेमी “सियोनमी सुत्‍केरी रोइ पचा क्‍येङा ङोंइती आल थिप्‍तु। सुत्‍केरी रोइ पचा क्‍येङा ङोंइती तौ का थिप्‍तु।

मीका 4:10

सियोन आ तमी, आल थितीक रोइ पशो मीश मुर खोदेंशो पा वाइ ब्रेश्‍शा ग्रीङो। मारदे हना मुल गे एको सहर प्रोंइचा माल्‍नेवे। मिनु खिं मबाक्‍तीकेमी बाक्‍तीक सेल्‍चा माल्‍नेवे। गे बेबीलोनम लचा माल्‍नेवे। मिनु मेकेर रे प्रोंइचा पुंइसीनेवे। मेकेर परमप्रभु यावेमी इ कली इ जोरी सत्रु आन गुइ रे प्रोंइब।

मीका 4:9

मुल गे मारदे वाइ ब्रेश्‍शा ग्री‍नेवे? मार इ पिप मबाक्‍बा ङा? इ अर्ती गेब जाम्‍शा लमा? मिनु मारदे आल थितीक रोइ पशो मीश मुर खोदेंशो पा वाइ ब्रेत्‍नेवे? येरमीया ८:१९

गलाती 4:27

मारदे हना “ए गेनायो आल मथीब मीश मुर, कुम्‍सो पा ग्‍येरसो। गे आल मथिशो मुर बाक्‍ते हना यो, इ कली ममा देंब शुश दुम्‍नीम। ग्‍युंबे पा आल थिशो नेल्‍ल आन क्‍येङा गे मान पाइक्‍चा पुंइसीनेवे” दे ब्रेक्‍शो बाक्‍ब। यसैया ५४:१

१ थिस्‍सलोनिकी 5:3

मेना मुरुमी “दुशा बाक्‍नय, मारेइ मदुम्‍ब” देंतेक्‍म हना यो, आल कुरशो मीश मुर आल थिचा रोइ गेना पाइबा मतुइक्‍ब। मोदेंशो खोदेंशो पा मुरपुकी मब्रोंइचा ङा पा श्‍येत जाइनीम। येरमीया ६:१४; मत्ती २४:३९