यूहन्‍ना 16:11 - Sunuwar Bible

¹¹ मिनु निसाफ पचा आ पर्बम मार शेंब देंशा हना, परमप्रभु यावेमी रागी ङा मुर आन कली हुकुम पाइब सैतान कली निसाफ पने थुम्‍तु, दे शेंब। यूहन्‍ना १२:३१

यूहन्‍ना 16:11 ပူးပေါင်းရင်းမြစ်များ

उत्पत्ती 3:15

गे नु मेको मीश मुर जिशा, बाक्‍चा मलीसे। मेको आ युइ नु इ युइ जिशा बाक्‍नीमी। मीश मुर आ युइ कामी इ पिया दिम्‍शा प्रोल्‍ब। गे चहिं मेको आ गेंग्रेम कोक्‍नेवे” दे सराप पदा बाक्‍त। प्रकाश १२:४-५,१५-१७

भजन संग्रह 68:18

गे इर ङोइश्‍शा लाइतीनी। ग्‍याइश्‍शो मुर आन कली लाइक्‍तीनी। मुर आन दातेमी गे मारेइ मारेइ ताइतीनी। ङोंइती मटीब आन दातेमी यो ताइतीनी। परमप्रभु यावे मेकेर बाक्‍ब। एफिसी ४:८-१०

मत्ती 12:18

यसैयामी मार देंशो बाक्‍त देंशा हना “आं गेय पाइब कली कोव़ङीन। एको कली योव़ता। मिनु एको कली दाक्‍नुङ। एको कली तशा शुश ग्‍येरसीनुङ। आं सोक्‍तीम प्रिंशा, अर्को रागी ङा मुर आन कली दोपा ठीक दुम्‍चा, दे तुइक्‍पपाइक्‍ब। प्रेरित ३:१३,२६; मत्ती ३:१७

मत्ती 12:36

निसाफ पची नाक्‍त मुर नेल्‍लेमी आन हेंथे पशो लोव़ का का पा शोव़चा माल्‍नीम, दे इन कली देंनुङ। याकूब ३:६; यहूदा १५

लूका 10:18

मिनु येसुमी “सरीङ रे चिला आप्‍शो खोदेंशो पा गो सैतान कली दोक्‍शो ताता। यूहन्‍ना १२:३१; प्रकाश १२:८-९

यूहन्‍ना 12:31

मुल रागी नेल्‍ल ङा मुर आन कली निसाफ पची नाक्‍त जाक्‍त। मुल रागी कली हुकुम पाइब कली तिल्‍नीम। यूहन्‍ना १४:३०; यूहन्‍ना १६:११; लूका १०:१८

यूहन्‍ना 14:30

मुल ङा मेरे शुश मशेंनन्‍नी। मारदे हना रागी ङा मुर आन कली हुकुम पाइब जाक्‍ब। मेकोमी आं कली ग्राने मचाप्‍ब। यूहन्‍ना १२:३१; एफिसी २:२

यूहन्‍ना 16:12

मिनु इन कली शेंतीक लोव़ शुश लीब। तन्‍न मुल फाल्‍ने मचाप्‍नीनी। १कोरिन्‍थी ३:१

प्रेरित 10:42

मिनु मोदेंशो पा काथा बाक्‍कानु, येसुमी आंइ कली ‘मुर आन कली आं पर्बम शेंदीने। मार शेंचा देंशा हना, परमप्रभु यावेमी येसु कली ब्रोंइशा बाक्‍ब नु बेक्‍शो मुर नेल्‍ल आन कली निसाफ पाइब सेल्‍तु, दे शेंशा गाक्‍कीन’ दे माइक्‍तीकी। यूहन्‍ना ५:२२

प्रेरित 24:25

मिनु पावलमी “ठीक पशो नु ठीक मपशो मार बाक्‍बा, इं थुं नु रां कली दोपा अरेचा नु परमप्रभुमी मुर नेल्‍ल आन कली निसाफ पाइब” दे शेंदानु, फेलीक्‍स हिंशा “लो मोक्‍ल, मुलाक्‍ती ओशो ला लोव़ पय। इ लोव़ दीसा नित्‍थ लेंशा नेंनुङ” दे सोइक्‍ता बाक्‍त।

प्रेरित 26:18

मारदे हना मेकोपुकी मिक्‍च ताइब दुम्‍मल। छिङछिङमी बाक्‍शोपुकी छेङछेङमी बाक्‍चा तामेक्‍ल। सैतान आ अधिकारमी बाक्‍शोपुकी परमप्रभु यावे आ अधिकारमी बाक्‍ब दुम्‍मल। मेको आन पाप क्‍याम्‍चा पुंइसीशा, आं कली थमा सुइश्‍शोमी आं मुरपुकी नु काथा दुम्‍शा, आं मुर दुम्‍मल’ देंशो नेंता। प्रेरित २०:३२

रोमी 16:20

थुं नाइक्‍चा गेब परमप्रभु यावेमी रीब पा सैतान कली इन खोइल आगाम वोइक्‍ब। इं प्रभु येसु ख्रीस्‍तमी इन कली शिशी पवल।

रोमी 2:16

मिनु परमप्रभु यावे आ निसाफ पची नाक्‍त मुर आन ख्रुइश्‍शा पशो कली निसाफ पाइ‍ब। आं शेंशो ग्‍येरपाइक्‍तीक लोव़ परमप्रभु यावेमी येसु ख्रीस्‍त आ पतीकेमी निसाफ पाइब। लूका ८:१७

१ कोरिन्‍थी 4:5

मोपतीके प्रभु आ निसाफ पतीक नाक्‍त मजाक्‍म सम्‍म मुर आन कली मनाक्‍तीन। आ निसाफ नाक्‍ती जाक्‍मेनु, ख्रुइश्‍शा वोइश्‍शो लोव़ नेल्‍ल तुइक्‍पाइक्‍ब। छिङछिङम ख्रुइश्‍शो थुं ङा थोव़क नेल्‍ल छेङछेङम तांइसीनीम। मिनु परमप्रभु यावेमी मुर आन कली “गे रिम्‍शो पाइतीनी” देंब। १कोरिन्‍थी ३:८

२ कोरिन्‍थी 4:4

मेको आन थुं दोपा मोदेंशो दुम्‍त देंशा हना, रागी कली हुकुम पाइब सैतानमी मेको आन कली मिक्‍च मताइब खोदेंशो पा मरुप्‍ब सेल्‍शो बाक्‍त। मोपा ख्रीस्‍त आ ग्‍येरपाइक्‍ब लोव़ आ छेङछेङ तने मचाप्‍नीम। ख्रीस्‍त परमप्रभु यावे आ कोंइतीके बाक्‍ब। हिब्रू १:३

एफिसी 2:2

मिनु रागी ङा मुर आन लां खोइक्‍तीनी। मोपा फशेम हुकुम पाइब, सैतान आ देंशो टीब बाक्‍तीनी। मेको आ सोक्‍ती परमप्रभु परमप्रभु यावे कली मटीब आन आगाम बाक्‍ब। तीतस ३:३; एफिसी ६:१२; यूहन्‍ना १२:३१

कलस्‍सी 2:15

मेकोमी हुकुम पाइब नु अधिकार पाइब आन कली आन या रोइश्‍शा फ्रुम्‍तीमी। मोदेंशो पा ग्राशा, नेल्‍ल आन कली कोंइताक्‍व। परमप्रभु यावे येसु ख्रीस्‍त आ पशो तशा शुश ग्‍येरसाक्‍व। कलस्‍सी १:१३; एफिसी ४:८

हिब्रू 2:14

तमी तौ हुश नु रुश के जोल्‍शो नम। मोपतीके येसु ख्रीस्‍त मेकोपुकी नु खाल का ङा पा हुश नु रुश के दुम्‍त। बेक्‍पाइक्‍ब सक्ति पाइश्‍शो कली खतम पोक्‍चा कली आंमन बेक्‍त। २तिमोथी १:१०; १यूहन्‍ना ३:८

हिब्रू 6:2

मार मार चिक्‍चा शेंतीके, मुर आन तारी गुइ वोइक्‍चा, बेक्‍शो रे सेंसीशा ब्रोंइचा नु गेना हना यो निसाफ पचा आ पर्बम लोव़ बाक्‍ब।

हिब्रू 9:27

दोपा मुर खेयप का बेक्‍चा माल्‍नीमी नु मेको बेक्‍शा, निसाफ पचा पुंइसीनीम। उत्‍पत्ती ३:१९

२ पत्रुस 3:7

मुल सम्‍म बाक्‍ब सरीङ नु रागी कली “बाक्‍ल” दे परमप्रभु यावेमी खाल का ङा लोव़ पशा, वोदा बाक्‍त। परमप्रभु यावेमी रागी नु मटीब मुर नेल्‍ल आन कली मीम क्रोइक्‍चा, दे निसाफ पची नाक्‍त सम्‍म कली वोइश्‍शो बाक्‍त।

१ यूहन्‍ना 3:8

सु चहिं मरिम्‍शो पना पन बाक्‍बा, मेको मुर सैतान रे जाक्‍शो बाक्‍ब। मारदे हना सैतान ङोंइती रे मरिम्‍शो पना पन बाक्‍शो बाक्‍ब। मोपतीके परमप्रभु यावे आ तौ सैतान आ गेय थुम्‍चा कली रागीमी जाक्‍त। यूहन्‍ना ८:४४

प्रकाश 1:7

मिनु येसु ख्रीस्‍त लेश्‍शा, दोपा यीबा देंशा हना, सरीङ रे गोस्‍सुमी गिल्‍सीशा यीब। मिनु मुर नेल्‍लेमी मेको कली यिन यिन पशो ताइनीम। मेको कली साइक्‍पाइक्‍बपुकीमी यो ताइनीम। मिनु थर थर ङा मुरपुकीम मेको कली तशा, रोंका पा ङाक्‍नीम। एको थमा लोव़ बाक्‍ब। आमेन। मत्ती २४:३०; जकरिया १२:१०; यूहन्‍ना १९:३७