यूहन्‍ना 16:1 - Sunuwar Bible

¹ मिनु येसुमी “गो एको लोव़ नेल्‍ल मारदे शेंता‍क्‍न्‍‍‍नी देंशा हना, थमा सुइक्‍तीक रे नोले मशोंइसीन, दे शेंता‍क्‍‍न्‍नी।

यूहन्‍ना 16:1 ပူးပေါင်းရင်းမြစ်များ

मत्ती 11:6

सु सुमी आं कली तशा थुं मखाइक्‍पाइक्‍नीम, मेकोपुकी ग्‍येरसमल, दे मतीन” दे लेश्‍शा सोइक्‍ताक्‍मी। मत्ती १३:५७; मत्ती २६:३१

मत्ती 13:21

तन्‍न शाक्‍श थोक्‍चा मतथु शुश मलीब। परमप्रभु यावे आ लोव़ आ पर्बम श्‍येत जाप्‍तु हना, थु प्रोंइशा गाक्‍ब।

मत्ती 13:57

मिनु येसुमी मेको आन थुं मनुशो तुइश्‍शा, मेको आन कली “तेइ तेइ परमप्रभु यावे आ लोव़ पाइब आन कली ठेयब सुइश्‍शा मान पाइनीम। आंम रागी, आंम खिंमी चहिं महिक्‍नीम” दे माइक्‍तीमी। यूहन्‍ना ४:४४

मत्ती 24:10

मिनु शुशेमी थमा सुइक्‍चा प्रोंइनीम। खेदा पाइब आन कली वारच पाइनीम। वारच आन दातेमी काइ मदाक्‍मुइनीम।

यूहन्‍ना 15:11

इन कली एको लोव़ मारदे पाता देंशा हना, आं ग्‍येरशो थुं इन थुंमी लील। मिनु इन थुं ग्‍येरसीशा बाक्‍ल, दे एको लोव़ पाता। यूहन्‍ना १७:१३

यूहन्‍ना 16:4

मिनु गो मेको नेल्‍ल इन कली शेंताक्‍न्‍नी। आं देंशो दुम्‍मेनु, गो इन कली ङोंइती देंशो मिम्‍तीन। ङोंइती गो एको लोव़ इन कली मनेंपाइक्‍न्‍नी। मारदे हना गेपुकी नु काथा बाक्‍ती।

रोमी 14:21

मोपतीके श्‍ये मब्‍वथु, अङगुर शांबु मतूथु, इन लोक्‍ब आन कली थुं मखाइक्‍पाइक्‍थु, बाक्‍चा रिम्‍शो दुम्‍ब। रोमी १४:२; १कोरिन्‍थी १०:२५-२७

फिलिप्‍पी 1:10

मोपा गे नेल्‍ल क्‍येङा रिम्‍शो मार में, दे तुइश्‍शा, ख्रीस्‍त आ नाक्‍ती पाप मपाइब नु दोस मताइब दुम्‍नीनी। रोमी १२:२; एफिसी ५:१०; १थिस्‍सलोनिकी ५:२३

१ पत्रुस 2:8

मिनु लेंशा “मेको फुल्‍लुमी मुर आन कली दाइल प‍पाइक्‍ब। मेको ठेयब फुल्‍लुमी मुर आन कली थिप्‍पाइक्‍ब” दे ब्रेक्‍शो बाक्‍ब। मुरपुकीमी परमप्रभु यावे आ लोव़ मटितीके दाइल पांइसीनीम, दे ङोंइती मेको आ पर्बम देंशो बाक्‍ब। भजन संग्रह ११८:२२; यसैया ८:१४; रोमी ९:३३; लूका २:३४