यूहन्‍ना 15:5 - Sunuwar Bible

⁵ गो अङगुर बोट नङ। गेपुकी चहिं राशी ननी। सु आं आगाम बाक्‍बा, गो मेको आ आगामी बाक्‍नुङ। मिनु मेकोमी शुश फल सिप्‍ब। तन्‍न गो रे ङोन बाक्‍तीनी हना, मारेइ पने मचाप्‍नीनी। २कोरिन्‍थी २:५-६

यूहन्‍ना 15:5 ပူးပေါင်းရင်းမြစ်များ

हितोपदेस 11:30

ठीक पाइब मुर आन पतीके ब्रोंइचा गेब रवा खोदेंशो बाक्‍ब। तन्‍न हुश ख्राक्‍श पोक्‍बमी मुर आन कली साइक्‍ब। हितोपदेस ३:१८

होसे 4:8

मेकोपुकी आं मुर आन पाप आ पर्बम चढ़ेशो ब्‍वशा दोम्‍नीम। मिनु मुरपुकीम पाप पशो दाक्‍नीम। लेवी ४:१३-२१, २७-३५; लेवी ६:१९

मत्ती 13:21

तन्‍न शाक्‍श थोक्‍चा मतथु शुश मलीब। परमप्रभु यावे आ लोव़ आ पर्बम श्‍येत जाप्‍तु हना, थु प्रोंइशा गाक्‍ब।

यूहन्‍ना 12:24

नोफा दाइश्‍शा नेनीन, चेरब गेडा खपीमी शोक्‍शा मराक्‍त हना, मेको मोशा लीब। तन्‍न शोक्‍शा राक्‍त हना, शुश ग्रेल्‍ब। रोमी १४:९; १कोरिन्‍थी १५:३६

यूहन्‍ना 15:16

गेपुकीमी आं कली मयोव़यीनी। तन्‍न गेपुकी लशा फल सिश्‍शा, इन सिश्‍शो फल लील, दे गो इन कली योव़तन्‍नी। मिनु गेपुकीमी आं आफ कली आं नेंमी इन दाक्‍शो पुंइनीनु, आं आफोमी इन कली गेवल, दे वोइक्‍तन्‍नी।

यूहन्‍ना 5:19

मिनु येसुमी यहूदी आन कली “नोफा दाइश्‍शा नेनीन, आं आफोमी मार पाइबा, आ तौमी मेको मतवा सम्‍म मारेइ पने मचाप्‍ब। मिनु आफोमी दोदेंशो पाइबा, तौमी मोदेंशोन पाइब। यूहन्‍ना ३:११,३२

यूहन्‍ना 9:33

मेको परमप्रभु यावे आ सोइश्‍शो मबाक्‍त हना, छक लाक्‍चा ङा गेय पने मचाप्‍ब वा” देंत।

प्रेरित 4:12

मुर आन कली श्‍येत नु पाप रे प्रोंइब येसु ख्रीस्‍त का ला बाक्‍ब। परमप्रभुमी येसु ख्रीस्‍त कली अधिकार गेशा, मुर नेल्‍ल आन क्‍येङा ठेयब सेल्‍तु। मिनु आ नेंमी ला ब्रोंइचा तांइसीब, दे तुइक्‍तीने” दे माइक्‍मी बाक्‍त। प्रेरित १०:४३; मत्ती १:२१

रोमी 12:5

मोपा गोपुकी नेल्‍ल ख्रीस्‍तम रां का बाक्‍नय। गेय का का गेचा पुंइसाक्‍य। १कोरिन्‍थी १२:२७; एफिसी ४:४,२५

रोमी 6:22

मुल गेपुकी मरिम्‍शो पचा रे प्रोंइचा पुंइसीशा, गे परमप्रभु यावे आ वाइल दुम्‍तीनी। मुल इन रिम्‍शो पतीके रे गे परमप्रभु यावे आ मुर दुम्‍शा, गेना हना यो मेको नु ब्रोंइशा बाक्‍चा ताइनीनी।

रोमी 7:4

आं लोक्‍बपुकी, येसु ख्रीस्‍त बेक्‍शोमी परमप्रभु यावे आ अरेशो लोव़ टिने मचाम्‍सीब देंतीक थुं बेक्‍त, दे रुपीन। मुल बेक्‍शो रे सेंचा पुंइसीशो ख्रीस्‍त नु काथा दुम्‍शा, इन पशो रे पा परमप्रभु यावे कली गेय पाइनय।

१ कोरिन्‍थी 10:16

गो कचौरा कली आसीक गेनीकी। मेको आसीक ङा कचौरा रे तूयानु, ख्रीस्‍त आ हुश मिम्‍शा, आ मुर दुम्‍शा, मेको नु काथा बाक्‍शो दुम्‍नय। गोपुकीमी शोब्‍ले जिक्‍शा योक्‍शा जयानु, ख्रीस्‍त आ रां मिम्‍शा, आ मुर दुम्‍शा, काथा बाक्‍शो दुम्‍नय। १कोरिन्‍थी ११:२३-२६; मत्ती २६:२७; प्रेरित २:४२

१ कोरिन्‍थी 12:12

दोपा मुर आ रांम गुइ, खोइली, नोफा, मिक्‍च नु अरु मार बाक्‍तेक्‍म हना यो, रां का दुम्‍ब, मोपान ख्रीस्‍त आ मुर शुश बाक्‍तेक्‍म हना यो, रां का खोदेंशो बाक्‍नीम, दे मिम्‍सीब।

१ कोरिन्‍थी 12:27

गे ख्रीस्‍त आ रां बाक्‍नीनी। मिनु का का पा मिक्‍ची, नोफा, शोव़, गुइ, खोइली नु मार मार बाक्‍नीनी। रोमी १२:५

२ कोरिन्‍थी 13:8

गोपुकीमी थमा लोव़ थमा पाइनीकी। दूली नु जोल लोव़ कली थमा देंने मचाप्‍नीकी।

२ कोरिन्‍थी 9:10

शोक्‍ब कली वांचेर गेब। जचा दाक्‍ब कली जचा थोव़क गेबमी इन के बाक्‍शो यो बारपाइक्‍ब। मोपा इन ठीक पतीके ङा फल बारना बारन लाइब। इजीकीएल १०:१२

गलाती 5:22

परमप्रभु यावे आ सोक्‍तीमी ब्रीशो थुं पाइश्‍शोपुकीमी परमप्रभु यावे आ सोक्‍त रे पा दोदेंशो पाइनीम देंशा हना, दाक्‍मुइनीमी, ग्‍येरनीमी, थुं नाइक्‍नीमी, शुश फाल्‍नीमी, रिम्‍शो पाइनीमी, शिशी पाइनीमी, कबल खाप्‍नीमी,

एफिसी 5:9

छेङछेङ ङा फल दोदेंशो बाक्‍ब देंशा हना, नेल्‍ल शिशी पतीकेमी, ठीक पतीकेमी नु थमा पतीकेमी बाक्‍ब। गलाती ५:२२; फिलिप्‍पी १:११

फिलिप्‍पी 1:11

गेपुकी येसु ख्रीस्‍तमी पपाइश्‍शो ठीक पतीकेमी ब्रीशो बाक्‍तीनी हना, परमप्रभु यावे सक्ति पाइश्‍शो नु ठेयब बाक्‍ब, दे तुंइसीब। एफिसी ५:९

फिलिप्‍पी 4:13

आं कली सक्ति गेब आ नेंमी गो नेल्‍ल पने चाप्‍नुङ। २कोरिन्‍थी १२:१०

फिलिप्‍पी 4:17

इन गेशो क्‍येट ममिम्‍नुङ, तन्‍न परमप्रभु यावेमी इन मो पशो तशा, इन कली रिम्‍शो पाइब। गो मोदेंशो तचा दाक्‍नुङ।

कलस्‍सी 1:10

इन ङोंइती शिरशो मुर दुम्‍मल। आन पशो नेल्‍लेमी इन कली ग्‍येरपदमेक्‍ल। रिम्‍शो पामेनु, इन कली तुइक्‍तीके आन थुंमी बारना बारन लल। एफिसी ४:१; फिलिप्‍पी १:२७

कलस्‍सी 1:6

इन सहर नु नेल्‍ल अरु सहर ङा मुरपुकीमी यो मेको ग्‍येरपाइक्‍ब लोव़ नेंतेक्‍म। इन दातेमी दोदेंशो पा बारशा लमे, मोदेंशो पा रागी नेल्‍लेमी बारना बारन लत। गेपुकीमी मेको लोव़ नेंशा, परमप्रभु यावे आ शिशी थमा पा रुप्‍‍नी नाक्‍त रेन मेको लोव़ बारना बारन लत।

याकूब 1:17

हाइश्‍शो नु रिम्‍शो ठीक मिम्‍तीके थुं नेल्‍ल परमप्रभु यावे रे जाक्‍ब। मिनु परमप्रभु यावे छेङछेङ कली सेल्‍ब बाक्‍ब। मोपतीके परमप्रभु यावे छेङछेङमी बाक्‍ब। छिङछिङ ङा गेय काइ मपाइब। आ थुं यो मफांइसीब। मत्ती ७:११; १यूहन्‍ना १:५

१ पत्रुस 2:4

येसु ख्रीस्‍त ब्रोंइचा गेब फुल्‍लु बाक्‍ब। मेको आ नेक्‍था लने। मुरपुकीमी मेको कली ममाल्‍शो फुल्‍लु खोदेंशो पा ताइक्‍ताक्‍म। तन्‍न परमप्रभु यावेमी “मेको कली योव़शो नु नेल्‍ल क्‍येङा दाक्‍शो बाक्‍ब” दे मिम्‍ब। भजन संग्रह ११८:२२; यसैया ८:१४-१५; मत्ती २१:४२

२ पत्रुस 3:18

तन्‍न इं प्रभु, इं कली पाप रे प्रोंइब येसु ख्रीस्‍त आ शिशी नु मेको कली तुइक्‍तीकेम बारना बारन लल। मेको कली मुल नु गेना हना यो ठेयब सेल्‍य। आमेन।