यूहन्‍ना 15:22 - Sunuwar Bible

²² गो रागीमी जाक्‍शा, मेको मुर आन कली शेंताक्‍ङमी। आं लोव़ तुइश्‍शा यो मटीमे। मोपतीके मेकोपुकी पाप राइनीमी। यूहन्‍ना ९:४१

यूहन्‍ना 15:22 ပူးပေါင်းရင်းမြစ်များ

इजीकीएल 2:5

मेकोपुकीम नेन्‍मेक्‍ल कि मनेन्‍मेक्‍ल, मेकोपुकी नु लोव़ पावो। मारदे हना मेको मटीब आन खिं ङा मुर बाक्‍नीम। मिनु मेको आन दातेम परमप्रभु यावे आ लोव़ पाइब मुर का बाक्‍माक्‍त, दे तुइक्‍नीम। इजीकीएल २:७; इजीकीएल ५:११,२७

लूका 12:46

आ ममिम्‍शो मतुइश्‍शो नाक्‍त आ होव़प लेश्‍शा जाक्‍ब। मिनु मेकोमी मेको गेय पाइब कली सजाइ गेशा, मरिम्‍शो गेय पाइबपुकी नु काथा वोइक्‍ब।

यूहन्‍ना 12:48

सुम आं कली मब्रथु, आं देंशो लोव़ मपाइबा, मेको कली निसाफ पाइब का बाक्‍ब। मेको निसाफ पाइब सु बाक्‍ब देंशा हना, आं देंशो लोव़ बाक्‍ब। एको लोव़मी मेको कली नोले ङा नाक्‍ती निसाफ पाइब।

यूहन्‍ना 15:23

सुमी आं कली मदाक्‍बा, मेकोमी आं आफ कली यो मदाक्‍ब। लूका १०:३६

यूहन्‍ना 15:24

गो मुर आन कली छक लाक्‍चा ङा गेय कोंइताक्‍ङमी। आं क्‍येङा ङोंइती सुइमी आं खोदेंशो गेय मकोंइदे। मेको गेय कोंइशा यो मुरपुकीमी आं आफ नु गो निम्‍फा आंस कली मदाक्‍नीम।

यूहन्‍ना 16:9

मेको आन पाप मार बाक्‍त देंशा हना, आं कली थमा मसुइश्‍शो बाक्‍नीम। यूहन्‍ना १५:२२,२४

यूहन्‍ना 19:11

मिनु येसुमी “इन के अधिकार बाक्‍ब। इन कली गेशो अधिकार चहिं इर रे गेशो बाक्‍ब। मोपतीके इन मरिम्‍शो पशो क्‍येङा आं कली साइक्‍चा कली वारच पाइब आ मरिम्‍शो पशो ठेयब बाक्‍ब” देंत।

यूहन्‍ना 9:41

येसुमी “गेपुकी मिक्‍च मताइब नकी देंतीनी हना, पाप मरनी वा। तन्‍न गोपुकी मिक्‍च ताइब नकी देंनीनी। मोपतीके पाप राइनीनी” दे माइक्‍तीमी। यूहन्‍ना १५:२२

प्रेरित 17:30

मुल सम्‍म गे मतुइक्‍तीनी। मिनु मतुइक्‍थु देवता आन कली सेउ पाइबाक्‍तीनी। मतुइक्‍थु मो पशो तुइश्‍शा, परमप्रभु यावेमी इन कली दोस मगेब। मुल चहिं परमप्रभुमी मुर नेल्‍ल आन कली ‘इन थुं आं गे लेत्‍तीन’ दे ब्रेप्‍ब। प्रेरित १४:१६; लूका २४:४७

रोमी 1:20

मिनु रागी सेल्‍चा रे मतांइसीशो नु गेना हना यो सक्ति पाइश्‍शो परमप्रभु यावे आ सरीङ नु रागीमी सेल्‍शो मार मार रे तुंइसीब। मोपतीके मेकोपुकीम मतुइक्‍तक देंशा, माफ पुंइने मचाप्‍नीम। भजन संग्रह १९:२; हिब्रू ११:३

रोमी 2:1

गे अरु आन कली दोस गेचा दाक्‍बपुकी, नेनीने, सु बाक्‍तीनी हना यो, दोस गेचा मदुम्‍ब, दे तुइक्‍तीन। दोस गेतीनी हना, दोसी दुम्‍नीनी, मारदे हना दोस गेबपुकी दोस ताइब आन पशो गेय खोदेंशोन पशो बाक्‍नीम, दे रुपीन। मत्ती ७:२; यूहन्‍ना ८:७; याकूब ४:१२

याकूब 4:17

सु रिम्‍शो गेय पस जोक्‍बा तुइक्‍बा, तन्‍न मपाइबा, मेको कली मरिम्‍शो दुम्‍ब। लूका १२:४७

१ पत्रुस 2:16

पाप रे प्रोंइचा पुंइसीशो मुर दुम्‍शा बाक्‍कीन। “पाप रे ब्रोंइचा ताइनुङ” दे मिम्‍शा मरिम्‍शो मपने। परमप्रभु यावे आ वाइलीम वाइल दुम्‍शा बाक्‍कीन। गलाती ५:१३; २पत्रुस २:१९