यूहन्‍ना 15:20 - Sunuwar Bible

²⁰ मिनु ङोंइती गो इन कली ‘होव़प क्‍येङा वाइली ठेयब ममाइ’ देंती। मिनु आं देंशो मिम्‍तीन। मुरपुकीमी आं कली श्‍येत गेतीमी हना, इन कली यो श्‍येत गेनीमी। मुरपुकीमी दोपा आं देंशो लोव़ नेंशा टीमे, मोपा इन देंशो लोव़ यो टीनीम। यूहन्‍ना १३:१६; मत्ती १०:२४-२५

यूहन्‍ना 15:20 ပူးပေါင်းရင်းမြစ်များ

इजीकीएल 3:7

तन्‍न इस्राएली आन खिं ङा मुरुम इ लोव़ मनें‍नीम। मारदे हना मेकोपुकीम आं लोव़ नेंचा मदाक्‍नीम। इस्राएली आन खिं ङा मुर नेल्‍ले काइ मटीब नु खकटा थुं पाइश्‍शो बाक्‍नीम।

मत्ती 10:24

शेंब क्‍येङा शेंसीब नु होव़प क्‍येङा गेय पाइब ठेयब मनमी। लूका ६:४०; यूहन्‍ना १३:१६; यूहन्‍ना १५:२०

मर्कूस 10:39

“चाप्‍नस्‍कु” देंसा बाक्‍त। मिनु येसुमी “आं तूचा माल्‍शो कचौरा यो तूनीसी। आं बुद पा श्‍येतम ख्रुम्‍चा यो पुंइसीनीसी। प्रेरित १२:२

लूका 2:34

मिनु सिमियोनम मेको आस कली आसीक गेशा, मरीयम कली “एको आल इस्राएली आन दातेमी लां कोंइशा मुर आन कली फ्राब। का निक्‍शी खतम दुम्‍नीम, का निक्‍शी रिम्‍शो दुम्‍नीम। मिनु शुश मुरुमी एको कली मदाक्‍नीम। लूका २०:१७-१८; प्रेरित २८:२२; १कोरिन्‍थी १:२३

लूका 6:40

शेंब क्‍येङा शेंसीब ठेयब मनम। तन्‍न शेंसीबमी शुश शेंसीशा आ शेंब खोदेंशो दुम्‍ब। मत्ती १०:२४-२५; यूहन्‍ना १५:२०

यूहन्‍ना 10:31

मिनु यहूदीपुकीमी लेंशा येसु कली साइक्‍चा, दे फुल्‍लु गुप्‍तेक्‍म। यूहन्‍ना ८:४९

यूहन्‍ना 11:57

मिनु ठेयब चढ़ेब नु फरिसीपुकीमी “सुमी येसु ते बाक्‍बा, दे तुइक्‍ता, मेकोमी आंइ कली यो तुइक्‍पदल” दे मुर आन कली देंशो बाक्‍मा बाक्‍त। मोपा येसु कली ग्‍याइक्‍चा माल्‍मे बाक्‍त।

यूहन्‍ना 13:16

मिनु नोफा दाइश्‍शा नेनीन, खिं ङा होव़प क्‍येङा वाइल ठेयब ममाइ। मिनु सोइश्‍शो मुर सोइक्‍ब क्‍येङा ठेयब यो ममाइ।

यूहन्‍ना 5:16

सापाइक्‍ची गेय नाइक्‍तीक नाक्‍ती पतीक यहूदीपुकीमी येसु कली श्‍येत गेचा गोम्‍तेक्‍म। मत्ती १२:१४

यूहन्‍ना 7:32

मिनु फरिसीपुकीमी मुर आन पशो लोव़ नेंशा, ठेयब चढ़ेब नु फरिसीपुकीमी “येसु कली ग्‍याइक्‍चा” दे पिप आ गेय पाइब ठेयब मुर आन कली सोइक्‍ताक्‍म।

यूहन्‍ना 8:51

मिनु येसुमी “नोफा दाइश्‍शा नेनीन, सुमी आं देंशो लोव़ टीबा, मेको गेनायो मबेक्‍ब” देंत। यूहन्‍ना ६:४०,४७

यूहन्‍ना 8:52

मिनु यहूदीपुकीमी “गे वोलमी सुम्‍शो बाक्‍ते, दे गो मुल तुइक्‍ताक्‍क। अब्राहाम नु परमप्रभु यावे आ लोव़ पाइबपुकी बेक्‍तेक्‍म। गे चहिं ‘सुमी आं देंशो टीबा, मेको गेनायो मबेक्‍ब’ देंते।

यूहन्‍ना 8:59

मिनु यहूदीपुकीमी “फुल्‍लु आप्‍शा साइक्‍चा” दे फुल्‍लु गुप्‍तेक्‍म। तन्‍न येसु ख्रुंइसाक्‍व। मिनु परमप्रभु यावे आ खिं रे ग्रूशा गाक्‍त। यूहन्‍ना १०:३१

प्रेरित 14:22

मेको सांफा सहर ङा थमा सुइक्‍ब आन कली “मार दुम्‍त हना यो, थमा सुइक्‍चा मप्रोनीन। इन खोइल थेक्‍शा बाक्‍कीने। ख्रीस्‍त आ नेंमी शुश श्‍येत जचा पुंइसीशा ला परमप्रभु यावे आ राज्‍य ओव़चा ताइनय, दे रुपीने” दे आन थुं बारपदसे बाक्‍त। रोमी ५:३-५; १थिस्‍सलोनिकी ३:३

१ कोरिन्‍थी 4:12

गो आंम गुइमी श्‍येत पा गेय पा बाक्‍तक। मुरपुकीमी आंइ कली शुक्‍शी लोव़ पामेनु, मेको आन कली आसीक गेतक। गिश खेदा पाम्‍तेक्‍म हना यो, फाल्‍शा बाक्‍तक। १कोरिन्‍थी ९:१५; प्रेरित १८:३; मत्ती ५:४४; रोमी १२:१४

२ कोरिन्‍थी 4:9

गो खेदा पचा पुंइसाक्‍क हना यो, आंइ कली कोव़ब बाक्‍ब। खोल्‍चा पुंइसाक्‍क हना यो, मनुप्‍क।

१ थिस्‍सलोनिकी 2:15

यहूदीया ङा मुरपुकीमी प्रभु येसु कली नु परमप्रभु यावे आ लोव़ पाइब आन कली साइश्‍शा, आंइ कली खेरतेक्‍म। मेकोपुकीमी मोपा परमप्रभु यावे कली मग्‍येरपदेम, मुर नेल्‍ल आन कली श्‍येत गेम्‍तेक्‍म। प्रेरित २:२३; मत्ती २३:३७; प्रेरित ७:५२

२ तिमोथी 3:12

सु सु ख्रीस्‍त येसुमी परमप्रभु यावे कली मिम्‍शा, दाक्‍शा ब्रोंइनीमी, मेकोपुकी खेदा पचा पुंइसीनीम। मत्ती १६:२४; प्रेरित १४:२२; १थिस्‍सलोनिकी ३:३

१ सामुएल 8:7

मिनु परमप्रभु यावेमी सामुएल कली “मुरुम मार मार देंमा, मेको नेल्‍ल नेनो। मारदे हना मेकोपुकीम इ कली प्रोंइशो ममाइ, आं कली प्रोंइशो नम। मेकोपुकीम आं कली आन पिप दुम्‍शो मदाक्‍शो नम। प्रस्‍थान १५:१८; गन्‍ती २३:२१; ब्‍यवस्‍था ३३:५; भजन संग्रह २४:७-१०; भजन संग्रह ७४:१२; यसैया ६:५