यूहन्‍ना 14:7 - Sunuwar Bible

⁷ गेपुकी आं कली तुइक्‍ताक्‍नी हना, आं आफ कली यो तुइक्‍नीनी। मुल रे गेपुकी आं आफ कली तुइश्‍शा ताइनीनी” देंत।

यूहन्‍ना 14:7 ပူးပေါင်းရင်းမြစ်များ

मत्ती 11:27

आं आफोमी मारेइ मारेइ तुइक्‍पाइक्‍ती। सुइमी आं कली, आ तौ कली मतुइक्‍नीम। आं आफोमी ला तुइक्‍ब। सुइमी आं आफ कली मतुइक्‍नीम। आ तौमी ला तुइक्‍ब। मिनु तौमी सु सु आन कली योव़ङमी, मेको आन कली आ आफ आ पर्बम तुइक्‍पाइक्‍ब। मत्ती २८:१८; यूहन्‍ना ३:३५; यूहन्‍ना १७:२; फिलिप्‍पी २:९

लूका 10:22

आं आफोमी आं कली नेल्‍ल कली अधिकार पतीक सक्ति गेती। तन्‍न सुइमी आ तौ सु बाक्‍बा, मतुइक्‍नीम, आं आफोमी ला तुइक्‍ब। सुइमी आं आफ कली मतुइक्‍नीम। आ तौमी ला तुइक्‍ब। मिनु तौमी सु सु आन थुंम तुइक्‍तीक वोइक्‍बा, मेकोपुकीमी यो तुइक्‍नीम” देंमाक्‍त।

यूहन्‍ना 1:18

मुरपुकीमी परमप्रभु यावे कली गेनायो मतामे। तन्‍न परमप्रभु यावे नु बाक्‍ब आ कांइचीक तौमी मुर आन कली परमप्रभु यावे कली तुइक्‍पाइक्‍तु। यूहन्‍ना ६:४६; मत्ती ११:२७

यूहन्‍ना 15:24

गो मुर आन कली छक लाक्‍चा ङा गेय कोंइताक्‍ङमी। आं क्‍येङा ङोंइती सुइमी आं खोदेंशो गेय मकोंइदे। मेको गेय कोंइशा यो मुरपुकीमी आं आफ नु गो निम्‍फा आंस कली मदाक्‍नीम।

यूहन्‍ना 16:3

मोदेंशो पाइनीम। मारदे हना आं आफ नु आं कली मतुइक्‍नीम। यूहन्‍ना १५:२३

यूहन्‍ना 17:21

मार पुंइनुङ देंशा हना, मेको नेल्‍ल थुं का ङा दुम्‍मल। आं आफ, गे आं आगामी बाक्‍शो नु गो इन आगामी बाक्‍शो खोदेंशो पा मेकोपुकी इस आगामी बाक्‍मल, दे पुंइनुङ। मो दुम्‍त हना, रागी ङा मुरपुकीमी गेमी आं कली सोइक्‍ताक्‍नी, दे थमा सुइक्‍नीम। गलाती ३:२८

यूहन्‍ना 17:23

गो मेको आन आगामी बाक्‍नुङ। गे आं आगामी बाक्‍नीनी। मो पा बाक्‍शोनु, मेकोपुकी गे नु गो खोदेंशो पा का दुम्‍नीम। मो दुम्‍शो तशा, रागी ङा मुरपुकीमी गे आं कली सोइक्‍ताक्‍नी। मिनु गेमी आं कली दाक्‍ताक्‍यीनी। मोपा गेमी आं कली दाक्‍शो बुदी मेको आन कली यो दाक्‍ताक्‍नी, दे तुइक्‍तमेक्‍ल। १कोरिन्‍थी ६:१७

यूहन्‍ना 17:26

गो मेको आन कली इन नें तुइक्‍पाइक्‍तामी। मिनु लेंशा तुइक्‍पाइक्‍नुङमी। मारदे इन नें तुइक्‍पाइक्‍नुङमी देंशा हना, गेमी आं कली दाक्‍शो खोदेंशो पा इन दाक्‍तीके मेको आन आगामी बाक्‍ल। मिनु गो मेको नु आन आगाम बाक्‍ङल” दे येसुमी परमप्रभु यावे कली पुंइतु।

यूहन्‍ना 17:3

गेना हना यो गे नु ब्रोंइशा बाक्‍चा मार बाक्‍ब देंशा हना, सुमी इन कली गे ला थमा परमप्रभु यावे बाक्‍नीनी नु गो, इन सोइश्‍शो येसु ख्रीस्‍त नङ, दे तुइक्‍नीमी, मेको ला गेना हना यो गे नु ब्रोंइशा बाक्‍चा ताइनीम। १यूहन्‍ना ५:२०

यूहन्‍ना 17:6

गेमी रागी रे प्रोंइशो मुरपुकी गेतीनी। मेको आन कली इन नें तुइक्‍पाइक्‍तामी। मेको मुरपुकी इन के बाक्‍तेक्‍म। मिनु गे आं कली गेतीनी। मेकोपुकीमी इन लोव़ टिना टिन बाक्‍नीम।

यूहन्‍ना 17:8

गे आं कली शेंताक्‍यीनी। मिनु इन शेंशो लोव़ मेको आन कली शेंताक्‍ङमी। मिनु थमा सुइक्‍तेक्‍म। गो इन बाक्‍तीक रे जाक्‍शो नङ, दे थमा पा तुइक्‍नीम। मेकोपुकीमी आं कली सोइक्‍ब, गे ननी, दे थमा सुइक्‍तेक्‍म। यूहन्‍ना १६:३०

यूहन्‍ना 6:46

सुइमी आं आफ कली मतामे। परमप्रभु यावे रे यीबमी ला आफ कली तशो बाक्‍त। यूहन्‍ना १:१८

यूहन्‍ना 8:19

मिनु मेकोपुकीमी येसु कली “इ आफ ते बाक्‍बा?” दे हिल्‍लो पाम्‍तेक्‍म। येसुमी “गेपुकीमी आं कली मतुइक्‍नीनी। आं आफ कली यो मतुइक्‍नीनी। आं कली तुइक्‍ती‍नी हना, आं आफ कली यो तुइक्‍तीनी वा” दे माइक्‍तीमी। यूहन्‍ना १४:७

२ कोरिन्‍थी 4:6

परमप्रभु यावेमी “छिङछिङ जाम्‍शा, छेङछेङ दुम्‍ल” देंमाक्‍त। मेकोमी आंइ थुंमी छेङछेङ ब्रपाइश्‍शो बाक्‍त। गो परमप्रभु यावे आ छेङछेङ ख्रीस्‍त रे पा रुप्‍नीकी। उत्‍पत्ती १:३; २कोरिन्‍थी ३:१८

हिब्रू 1:3

आ तौ आ आफ आ सक्ति नु छेङछेङ बाक्‍ब। मिनु आ सक्ति ङा लोव़ पतीकेमी नेल्‍ल आन कली कोव़ना कोव़न बाक्‍ब। मेकोमी पाप क्‍याम्‍तीक गेय पने थुम्‍शा, नेल्‍ल क्‍येङा ठेयब मान ताइब आ ग्‍युरा गे निश्‍शो बाक्‍ब।

१ यूहन्‍ना 2:13

आम आफपुकी, गो इन कली मारदे ब्रेक्‍ना ब्रेक्‍न बाक्‍ती देंशा हना, गे मेको ङोंइती रे बाक्‍ब कली तुइक्‍नीनी। मोपतीके गो इन कली ब्रेक्‍ना ब्रेक्‍न बाक्‍ती। ठेयब वोंइश आलपुकी, गो इन कली मारदे ब्रेक्‍ना ब्रेक्‍न बाक्‍ती देंशा हना, गे सैतान कली ग्रातीनी। मोपतीके गो इन कली ब्रेक्‍ना ब्रेक्‍न बाक्‍ती। मिनु आं तमी तौपुकी, गो इन कली मारदे ब्रेक्‍ताक्‍ङ देंशा हना, गे इं आफ परमप्रभु यावे कली तुइक्‍नीनी। मोपतीके गो इन कली ब्रेक्‍ताक्‍ङ। यूहन्‍ना १:१