यूहन्‍ना 14:22 - Sunuwar Bible

²² मिनु यहूदामी, इस्‍कारीयोत ङा यहूदा चहिं ममाइ, येसु कली “प्रभु, गे आंइ कली तुइक्‍पांइसीनीनी। थमा मसुइक्‍ब आन कली चहिं मतुइक्‍पांइसीनीनी, दोपा रुम्‍सीबा ङा?” दे हिल्‍लो पाप्‍तु।

यूहन्‍ना 14:22 ပူးပေါင်းရင်းမြစ်များ

मत्ती 10:3

फिलीप नु बारथोलोमाइ, थोमास, तिरो पोक्‍ब मत्ती, अल्‍फयस आ तौ याकूब, थदेयस,

मर्कूस 3:18

मिनु अ‍न्‍द्रीयास, फिलीप, बारथोलोमाइ, मत्ती, थोमास, अल्‍फयस आ तौ याकूब, थदेयस, सिमोन कनानी

लूका 6:16

याकूब आ तौ यहूदा नु इस्‍कारीयोत ङा यहूदा बाक्‍मा बाक्‍त। इस्‍कारीयोत ङा यहूदा चहिं नोले येसु कली साइक्‍चा, दे माल्‍ब आन कली वारच पाइब दुम्‍बाक्‍माक्‍त।

यूहन्‍ना 3:4

मिनु निकोदेमसमी “कोल्‍शो मुर दोपा लेंशा जरमेने चाप्‍बा ङा? मेको लेंशा, आ ममा आ कोव़ज ओव़शा, जरमेने चाप्‍बा ङा?” दे हिल्‍लो पाप्‍तु।

यूहन्‍ना 3:9

मिनु निकोदेमसमी “इन देंशो दोपा दुम्‍ने चाप्‍बा ङा?” दे हिल्‍लो पाप्‍तु।

यूहन्‍ना 4:11

मिनु मीश मुरुमी “प्रभु, एको इनार दुइश्‍शो बाक्‍ब। इन के ब्‍वाक्‍कु ग्रुंइतीक मबा। ते रे ब्रोंइचा गेब ब्‍वाक्‍कु गे‍नीनी?

यूहन्‍ना 6:52

मिनु यहूदीपुकीमी “एको मुरुमी आंइ कली दोपा आ रां ब्‍वचा गेने चाप्‍बा?” दे लोव़ पा जिम्‍तेक्‍म।

यूहन्‍ना 6:60

मिनु मेको लोव़ नेंशा, येसु आ शेंसीबपुकी शुशेमी “एको आं शेंशो कका पा कशो लोव़ बाक्‍त। सु नेंने चाप्‍बा ङा?” देंमुम्‍तेक्‍म।

प्रेरित 1:13

मिनु यरूसलेम सहरम जाक्‍शा ङा मीन, खिं का ङा तला तारी ओव़शा बाक्‍मा बाक्‍त। मोपा बाक्‍बपुकी सु सु बाक्‍मा बाक्‍त देंशा हना, पत्रुस, यूहन्‍ना, याकूब, अन्‍द्रीयास, फिलीप, थोमास, बारथोलोमाइ, मत्ती, अल्‍फयस आ तौ याकूब, सिमोन, मेको कली कनानी यो देंसीब नु याकूब आ तौ यहूदा बाक्‍मा बाक्‍त। लूका ६:१३-१६

यहूदा 1:1

गो याकूब आ लोक्‍ब यहूदा नङ। गो येसु ख्रीस्‍त आ वाइल दुम्‍ती। परमप्रभु यावे, इं आफ आ दाक्‍शो नु येसु ख्रीस्‍त कली योव़शा वोइश्‍शो मुर, इन कली ब्रेक्‍ताक्‍ङ। मत्ती १३:५५