यूहन्‍ना 14:2 - Sunuwar Bible

² आं आफ बाक्‍तीकेम शुश मुर आन कली बाक्‍तीक सेल्‍शो बाक्‍नीम। मोपतीके इन बाक्‍तीक ठीक पथ लाइनुङ।

यूहन्‍ना 14:2 ပူးပေါင်းရင်းမြစ်များ

लूका 14:22

मिनु ब्रेत्‍थ लशा चाक्‍शा, आ होव़प कली ‘इन देंशो नेल्‍ल पाता, चिनु नित्‍तीकेम मुर मब्रीम’ देंमाक्‍त।

यूहन्‍ना 13:33

आं आइक्‍च आलपुकी, गो इन कली शुश दाक्‍ताक्‍ङ हना यो, गो गेपुकी नु शुश बाक्‍चा मताइनुङ। गेपुकी आं कली माल्‍नीनी। मिनु गो यहूदी आन कली ‘आं लतीकेमी गेपुकी जाक्‍ने मचाप्‍नीनी’ देंशो खोदेंशो, गो इन कली यो मो देंनुङ। यूहन्‍ना ८:२१

यूहन्‍ना 13:36

मिनु सिमोन पत्रुसमी येसु कली “प्रभु, ते लाइनीनी?” दे हिल्‍लो पाप्‍तु। येसुमी “गो ते लाइनुङा, मुल गे आं नोले खोइक्‍ने मचाप्‍नेवे। तन्‍न नोले खोइक्‍नेवे” देंत। यूहन्‍ना २१:१८-१९

यूहन्‍ना 14:28

‘गो लाइनुङ। मिनु लेंशा जाक्‍नुङ’ दे आं देंशो नेंतीनी। गेपुकी आं कली दाक्‍ताक्‍यीनी हना, ग्‍येरसीनी वा। मारदे हना गो आं आफ आ बाक्‍तीक लाइनुङ। आं आफ चहिं आं क्‍येङा ठेयब बाक्‍ब।

यूहन्‍ना 16:4

मिनु गो मेको नेल्‍ल इन कली शेंताक्‍न्‍नी। आं देंशो दुम्‍मेनु, गो इन कली ङोंइती देंशो मिम्‍तीन। ङोंइती गो एको लोव़ इन कली मनेंपाइक्‍न्‍नी। मारदे हना गेपुकी नु काथा बाक्‍ती।

यूहन्‍ना 17:24

आं आफ, आं कली गेशो मुरपुकी गो नु काथा बाक्‍मल, दे पुंइनुङ। गे रागी सेल्‍चा ङोंइती आं कली दाक्‍शा, इन सक्ति आं कली गेतीनी। मिनु मेकोपुकीमी यो आं सक्ति तामेक्‍ल। यूहन्‍ना १२:२६; हितोपदेस ८:२२-३१

प्रेरित 9:16

आं नेंमी शुश श्‍येत जचा माल्‍नेवे देंशा गो मेको कली आंमान तुइक्‍पाइक्‍नुङ” दे प्रभुमी हनानीया कली माइश्‍शा सोइक्‍ता बाक्‍त। २कोरिन्‍थी ११:२१-२८

२ कोरिन्‍थी 5:1

इं रां, रागी ङा ताम्‍बु खोदेंशो बाक्‍ब। मेको जाम्‍शा लाइब बाक्‍त। मेको जाम्‍शा लत हना यो, परमप्रभु यावेमी इं कली नक बाक्‍तीके गेब। मेको खिं गुइम सेल्‍शो मबाक्‍ब। मेको गेना हना यो लीब स्‍वर्ग ङा खिं बाक्‍ब। २पत्रुस १:१४

१ थिस्‍सलोनिकी 5:9

मारदे हना परमप्रभु यावे इं पर्बम मगाइक्‍ब। प्रभु येसु ख्रीस्‍त आ पतीके पाप रे ब्रोंइब सेल्‍तु।

तीतस 1:2

मोदेंशो दुम्‍मेनु, गो नेल्‍ल गेना हना यो परमप्रभु यावे नु बाक्‍शा ब्रोंइनय, दे आस पाइनय। २तिमोथी २:१३

हिब्रू 11:10

सरीङ नु रागी कली सेल्‍ब परमप्रभु यावेमी दुशा ग्‍येरशा बाक्‍तीक सहर यो सेल्‍ब बाक्‍ब। अब्राहाममी मेको सहर कली रिम्‍शो बाक्‍माक्‍त।

हिब्रू 13:14

एको रागीमी गेना हना यो बाक्‍चा मताइनय। जाक्‍चशो सहर कली रिम्‍शा बाक्‍नीकी। हिब्रू ११:१०; हिब्रू १२:२२

हिब्रू 6:20

येसु मेल्‍कीसेदेक आ खाल ङा ठेयब चढ़ेब नु इं कली लां कोंइब दुम्‍शा, नेल्‍ल क्‍येङा ङोंइती मेकेर ओव़दीश्‍शो बाक्‍ब। हिब्रू ५:६

हिब्रू 9:8

ङोंइती ङा कोठा बाक्‍मेनु, मुरपुकी थम चोव़खो कोठामी ओव़चा मताइनीम, दे परमप्रभु यावे आ सोक्‍तीम रुप्‍पाइक्‍ब। हिब्रू १०:२०

प्रकाश 1:5

मिनु येसु ख्रीस्‍तमी यो मो देंत। मिनु मेको सु बाक्‍ब देंशा हना, परमप्रभु यावे आ देंशो थमा पाइब सांकछी नु नेल्‍ल क्‍येङा ङोंइती बेक्‍शो रे सेंसीशो नु रागी ङा पिप आन कली सासन पाइब बाक्‍ब। येसु ख्रीस्‍तमी इं कली दाक्‍शा, आ हुशेमी इं पाप रे प्रोंइतु। प्रकाश ३:१४; यूहन्‍ना १८:३७; १तिमोथी ६:१३

प्रकाश 21:2

परमप्रभु यावे आ सहर नक यरूसलेम माइश्‍शो परमप्रभु यावे आ बाक्‍तीके रे यिना यिन पाइश्‍शो ताता। मेको सहर ग्‍युम्‍ले कली ग्रुम्‍चशो ग्‍युम्‍ली खोदेंशो दुम्‍शा, ग्‍योम्‍सीशा यिशो बाक्‍त। गलाती ४:२६; हिब्रू १२:२२; प्रकाश १९:७-८

प्रकाश 3:12

सु सुमी सैतान कली ग्रानीमी, गोमी मेको आन कली आं परमप्रभु यावे आ खिं ङा थाम खोदेंशो बोल्‍यो सेल्‍नुङ। मिनु मेको गेना हना यो परमप्रभु यावे आ खिंमी बाक्‍नीम। मिनु मेको मुर आन तारी आं परमप्रभु यावे आ नें, आं परमप्रभु यावे आ सहर आ नें नु आं नक नें ब्रेक्‍नुङ। आं परमप्रभु यावे आ सहर चहिं नक यरूसलेम माइश्‍शो बाक्‍ब। मेको नक यरूसलेम आं परमप्रभु यावे आ बाक्‍तीक स्‍वर्ग रे यीब। प्रकाश १४:१; प्रकाश २१:२

प्रकाश 3:21

सु सुमी सैतान कली ग्रानीमी, मेको आन कली आं ठेयब नित्‍तीकेमी निप्‍पाइक्‍नुङ। गो ङोंइती ग्राती। मोपा गो आं आफ आ ठेयब नित्‍तीकेमी आफ नु निस्‍साक्‍यी। मत्ती १९:२८