यूहन्ना 14:17 - Sunuwar Bible17 मेको वारच पाइब थमा ङा सोक्त बाक्ब। आं कली थमा मसुइक्बपुकीमी मेको सोक्त ताक्ने मचाप्नीम। मारदे हना मेकोपुकीमी मेको सोक्त कली मतुइक्नीम। गेपुकी चहिं मेको कली तुइक्नीनी। मारदे हना मेको गेपुकी नु बाक्ब। मिनु इन आगामी बाक्ब। यूहन्ना १६:१३ အခန်းကိုကြည့်ပါ။ |
यूहन्ना 14:17
30 ပူးပေါင်းရင်းမြစ်များ
मिनु ठेयब नु इर ङा, गेना हना यो बाक्ब आ नें का ला बाक्शो परमप्रभुमी “गो नेल्ल क्येङा इर ङा आं बाक्तीकेमी बाक्नुङ। मिनु गो थुं लुक्च लशो नु दिप्चा पुंइसीशो मुर नु बाक्नुङ। गो दिप्शो मुर नु आन थुं लुक्च लशो आन थुं बारपाइक्चा कली मेकोपुकी नु बाक्नुङ। भजन संग्रह ११३:५-९; यसैया ६६:१-२; भजन संग्रह ५०:१९
परमप्रभु यावे आ खिं नु मूर्ति दोपा गारनीसी ङा? मारदे हना गो गेना हना यो ब्रोंइशा बाक्ब परमप्रभु यावे आ खिं बाक्नीकी। मिनु परमप्रभु यावेमी “आं मुर आगाम बाक्नुङ। मेको आन दातेम गाक्नुङ। मेको आन परमप्रभु यावे दुम्नुङ। मिनु मेकोपुकी आं मुर दुम्नीम” देंशो बाक्त। लेवी २६:११-१२; इजीकीएल ३७:२७; १कोरिन्थी ३:१६
येसु ख्रीस्तमी इन कली परमप्रभु यावे आ सोक्त गेप्तु। मिनु मेको गेपुकी नु बाक्ब। मेको परमप्रभु यावे आ सोक्त गेपुकी नु बाक्मेनु, अर्को शेंब ममाल्नीनी। परमप्रभु यावे आ सोक्तीमी इन कली नेल्ल शेंना शेंन बाक्ब। मेको आ शेंशो थमा बाक्तीके जोल मदुम्ब। मेकोमी ङोंइती इन कली शेंशो टिशा, मेको नु थुं का ङा दुम्शा, बाक्कीन। यूहन्ना १६:१३; २कोरिन्थी १:२१-२२; येरमीया ३१:३४
परमप्रभु यावे आ सोक्तीमी थमा सुइक्ब मुर आन कली शेंशो लोव़ सु सुमी नेंने चाप्नीमी, मेकोमी नेन्मेक्ल। मिनु सु सुमी सैतान कली ग्रानीमी, मेको आन कली ख्रुइश्शा वोइश्शो मन्ना शोब्ले गेनुङ। मिनु गोमी मेको ग्राब आन कली बुश हीरा का का गेनुङ। मेको बुश हीरा तार हीरा ताइब आन नक नें ब्रेक्शो बाक्ब। मेको नें हीरा ताइबमी ला तुइक्नीम। अर्को मुरुमी चहिं मतुइक्नीम” दे ब्रेक्पाइक्ती। भजन संग्रह ७८:२४; यसैया ६२:२
ကြော်ငြာတွေ