यूहन्‍ना 14:12 - Sunuwar Bible

¹² मिनु नोफा दाइश्‍शा नेनीन, सुमी आं कली थमा सुइक्‍बा, मेकोमी आं पशो गेय यो पाइब। मिनु आं क्‍येङा ठेयब गेय पाइब। मारदे हना गो आं आफ आ बाक्‍तीक लाइनुङ। मत्ती २८:१९

यूहन्‍ना 14:12 ပူးပေါင်းရင်းမြစ်များ

मत्ती 21:21

मिनु येसुमी “नोफा दाइश्‍शा नेनीने, दल्‍गीर मपथु थमा सुइक्‍तीनी हना, फोव़शी रवा कली पशो खोदेंशो पचा ला ममाइ, डांडा कली एकेर रे समुन्‍द्रमी याक्‍सो देंतीनी हना, मेको डांडा यो याक्‍सीशा लाइब। मत्ती १७:२०

मर्कूस 11:13

मिनु इच्‍ची आइक्‍था सफा पाइश्‍शो फोव़शी रवा तशा, फोव़शी सिश्‍शो बाक्‍म कों दे कोव़थ लमाक्‍त। मिनु जाक्‍दीश्‍शा कोव़ङानु, सफा ला तवा बाक्‍त। मारदे हना सित्‍ची मजाक्‍शो बाक्‍माक्‍त।

मर्कूस 16:17

थमा सुइक्‍बपुकी दोदेंशो सक्ति पाइश्‍शो दुम्‍नीम देंशा हना, आं नें थिशा वोल आन कली ग्रुंइशा खेरनीम। परमप्रभु यावे आ सोक्‍तीमी पपाइश्‍शो लोव़ ब्‍वाक्‍नीम। प्रेरित १६:१८; प्रेरित १०:४६; प्रेरित १९:६

यूहन्‍ना 14:28

‘गो लाइनुङ। मिनु लेंशा जाक्‍नुङ’ दे आं देंशो नेंतीनी। गेपुकी आं कली दाक्‍ताक्‍यीनी हना, ग्‍येरसीनी वा। मारदे हना गो आं आफ आ बाक्‍तीक लाइनुङ। आं आफ चहिं आं क्‍येङा ठेयब बाक्‍ब।

यूहन्‍ना 16:7

नोफा दाइश्‍शा नेनीन, आं लशो इन कली रिम्‍शो दुम्‍ब। गो मलती हना, थमा सुइक्‍ब आन कली वारच पाइब मजाक्‍ब। गो लती हना, मेको कली सोइक्‍नुङ। यूहन्‍ना १४:१६,२६

यूहन्‍ना 4:37

मारदे हना ‘का निक्‍शीमी शोक्‍नीम, का निक्‍शीमी रुप्‍‍नीम’ देंशो लोव़ थमा बाक्‍ब, दे तुंइ‍सीब।

यूहन्‍ना 5:20

मारदे हना आं आफोमी आ तौ कली दाक्‍ब। मिनु आ पशो गेय नेल्‍ल आ तौ कली कोंइब। मिनु आं आफोमी मुल सम्‍म पपाइश्‍शो गेय क्‍येङा नोले ठेयब गेय कोंइपाइक्‍ब। मेको गेय तशा गेपुकी छक लाक्‍नीनी। ३:३५

यूहन्‍ना 7:33

मिनु येसुमी “गो गेपुकी नु इच्‍का नाक्‍ती सम्‍म बाक्‍नुङ। मिनु नोले आं कली सोइक्‍ब आ बाक्‍तीकेमी लाइनुङ। यूहन्‍ना १३:३३

यूहन्‍ना 7:39

मेको आ शेंशो दोदेंशो रुम्‍सीब देंशा हना, येसुमी परमप्रभु यावे आ सोक्‍त आ पर्बम शेंशो बाक्‍त। येसु कली थमा सुइक्‍बपुकीमी मेको सोक्‍त कली तचशो बाक्‍तेक्‍म। तन्‍न मेना सम्‍म परमप्रभु यावे आ सोक्‍त थमा सुइक्‍ब आन कली मगेशो बाक्‍त। मारदे हना येसु आ आफ आ छेङछेङम लाइक्‍चा मपुंइसीशो बाक्‍त। यूहन्‍ना १६:१७

प्रेरित 10:46

मेकोपुकीमी परमप्रभु यावे आ सोक्‍तीमी पपाइश्‍शो लोव़ पा परमप्रभु यावे कली ठेयब सेल्‍शो तशा तुइक्‍तमे बाक्‍त। प्रेरित २:४

प्रेरित 16:18

नाक्‍त किंत किंत मेकोमी मोदेंशा, रेयके पवानु, पावल ब्रीताक्‍व। मिनु काबु पावल नोले हिरशा, कोव़शा वोल कली “गो येसु ख्रीस्‍त आ नें थिशा ग्रूशा लावो, देंनुङ” दे हुइश्‍शा खेरतु। मर्कूस १६:१७

प्रेरित 19:12

मुरपुकीमी आन फेक्‍शो वा, रूमाल लाइश्‍शा, पावल कली थीबाक्‍मा बाक्‍त। मिनु लेश्‍शा चाक्‍शा रोइ पाइब आन कली थीपदमेनु, साबाक्‍मा बाक्‍त। वोलमी तशो आन वोल ग्रूशा प्रोक्‍बाक्‍मा बाक्‍त। प्रेरित ५:१५

प्रेरित 2:33

मिनु येसु परमप्रभु यावे आ ग्‍युरा गे बाक्‍शा, आ आफ रे परमप्रभु यावे आ सोक्‍त ताक्‍शा, आंइ तारी मोइक्‍‍तु। मिनु मार मार नेंनी, मार मार तनी, मेको नेल्‍ल परमप्रभु यावे आ सोक्‍तीम पपाइश्‍शो बाक्‍माक्‍त, दे तुइक्‍तीने। यूहन्‍ना १५:२६

प्रेरित 2:41

मिनु शुश मुरुमी पत्रुस आ देंशो बिश्‍शा, ख्रीस्‍त कली थमा सुइश्‍शा, ब्‍वाक्‍कुम ख्रुम्‍शा ग्रुंइचा पुंइसमा बाक्‍त। मोपा ब्‍वाक्‍कुम ख्रुम्‍शा ग्रुंइचा पुंइसीबपुकी हजार सां खोइ दुम्‍मा बाक्‍त। मोपा थमा सुइक्‍ब नु तेम्‍समा बाक्‍त।

प्रेरित 4:16

मिनु लोव़सी पा “खोइल मदुक्‍ब कली सापाइश्‍शा मेको निक्‍शीमी ठेयब छक लाक्‍चा ङा गेय कोंइताक्‍स। इं यरूसलेममी बाक्‍बपुकीमी थमा लोव़ बाक्‍माक्‍त, दे नेल्‍लेमी तुइक्‍नीमी। मिनु गोपुकीमी थमा ममाइ देंने मचाप्‍नय। यूहन्‍ना ११:४७

प्रेरित 4:33

मिनु येसु आ सोइश्‍शोपुकीमी सक्ति पाइश्‍शो लोव़ पा प्रभु येसु बेक्‍शो रे सेंचा पुंइसाक्‍व, दे नेंपाइक्‍बाक्‍मा बाक्‍त। मेको नेल्‍ल शुश आसीक तामे बाक्‍त। प्रेरित २:४७

प्रेरित 4:4

पत्रुस नु यूहन्‍ना आस शेंशो लोव़ नेंशा, थमा सुइक्‍ब ५ हजार जना जाक्‍दीश्‍शो बाक्‍मा बाक्‍त। प्रेरित २:४७

प्रेरित 5:15

सोइश्‍शोपुकीमी शुश छक लाक्‍चा ङा गेय पशो तशा, मुरपुकीमी रोइ पाइब आन कली चाक्‍शा, लां पित्‍थ इप्‍पाइश्‍शा, वोइक्‍बाक्‍मा बाक्‍त। मारदे हना पत्रुस मेको लां गाक्‍मेनु, आ वांकुम योइश्‍शा साब, दे मिम्‍शा मो पाइबाक्‍मा बाक्‍त। प्रेरित १९:११-१२

प्रेरित 6:7

मिनु परमप्रभु यावे आ लोव़ तेइ तेइ बारना बारन ल‍माक्‍त। यरूसलेममी शुश मुर येसु ख्रीस्‍त कली थमा सुइक्‍ब दुम्‍शा, तेम्‍सीन सीन बारना बारन लमा बाक्‍त। चढ़ेब शुश यो थमा सुइक्‍ब दुम्‍मा बाक्‍त। प्रेरित २:४७; प्रेरित १९:२०

प्रेरित 8:7

छक लाक्‍चा ङा गेय चहिं मार कोंइबाक्‍माक्‍त देंशा हना, वोलम तशो मुर आन कली वोल खेरशा सापाइक्‍बाक्‍माक्‍त। वोल खेरानु, वोलम तशो मुर वाइ ब्रेश्‍शा, वोल प्रोक्‍बाक्‍माक्‍त। गुइ खोइल मदुक्‍ब मुर शुश आन कली गुइ खोइल दुक्‍ब गाक्‍ब सेल्‍बाक्‍माक्‍त। मर्कूस १६:१७

प्रेरित 9:34

मिनु पत्रुसमी “एनीयास, येसु ख्रीस्‍तमी इ कली सापाइक्‍ब। मोपतीके बोक्‍शा, इ ब्राख्‍ये पोक्‍शा वोतो” देंमेनु, एनीयास छुल बोक्‍माक्‍त।

प्रेरित 9:40

मिनु पत्रुसमी मेकेर ङाक्‍शा बाक्‍ब नेल्‍ल आन कली लाङगा सोइक्‍तीमी बाक्‍त। मिनु आ पोक्‍च थेक्‍शा, प्रार्थना पवा बाक्‍त। मिनु तबीता आ बेक्‍शो रां गे हिरशा कोव़शा “ए तबीता, छुल बोक्‍को” देंमेनु, तबीतामी आ मिक्‍च पाक्‍शा कोव़ङानु, पत्रुस कली तवा बाक्‍त। मर्कूस ५:४१

रोमी 15:19

परमप्रभु यावे आ सोक्‍तीम गेशो सक्तिमी चिन्‍ड नु छक लाक्‍चा ङा गेय कोंइताक्‍ङमी। यरूसलेम सहर रे लशा, इल्‍लीरीकुम रागी सम्‍म जाक्‍दीश्‍शा, सहर सहर, गाउं गाउंमी ख्रीस्‍त आ ग्‍येरपाइक्‍ब लोव़ नेल्‍ल शेंना शेंन गाक्‍ती। मर्कूस १६:१७; २कोरिन्‍थी १२:१२