यूहन्‍ना 13:5 - Sunuwar Bible

⁵ मिनु चिक्‍तीकेमी ब्‍वाक्‍कु कुर पा, आ शेंसीब आन खोइल चिक्‍ताक्‍मी। चिक्‍शा ङा मिन आ गिल्‍सीशो वाम फिक्‍ताक्‍मी।

यूहन्‍ना 13:5 ပူးပေါင်းရင်းမြစ်များ

उत्पत्ती 18:4

इन खोइल चिक्‍चा कली ब्‍वाक्‍कु गेनन्‍नी। मिनु चिक्‍शा, रवा आगाम नांइ‍सीन।

उत्पत्ती 19:2

मिनु लोतमी “आं प्रभु निक्‍शी, नेनीसे, मुलाक्‍दो आं खिंम बाक्‍कीसे। इस खोइल चिक्‍सीसे। सुनी बोक्‍शा, इस लां लने चाप्‍नीसी” देंमाक्‍त। मेको निक्‍शीमी “ममाइ, गो मेरे लाङगाम इप्‍नस्‍कु” देंसा बाक्‍त।

उत्पत्ती 43:24

मिनु मेको मुरुम मेको आन कली योसेफ आ खिं ओंइशा, खोइल चिक्‍चा कली ब्‍वाक्‍कु गेवा बाक्‍त। आन गधा आन कली थुला बाक्‍त।

२ राजा 3:11

तन्‍न येहो-शाफातमी “मार एकेर परमप्रभु यावे आ लोव़ पाइब सुइ मबाक्‍नीमी? मेको रे पा गो परमप्रभु यावे कली हिल्‍लो पने चाप्‍नीक” देंमाक्‍त। मिनु इस्राएल ङा पिप आ गेय पाइब आन दाते ङा काम “एलीया आ गुइम ब्‍वाक्‍कु लुक्‍ब शाफात आ तौ एलीशा एक बाक्‍ब” देंमाक्‍त। १राजा २२:५,७; १राजा १९:१९-२१

भजन संग्रह 51:2

परमप्रभु, इन शिशी पतीकेमी आं मरिम्‍शो पशो नेल्‍ल मुरशा गेयीनी। मिनु आं कली पाप रे प्रोंइयीनी।

प्रस्‍थान 29:4

मिनु हारून नु आ तौ आन कली ग्रुम्‍तीक ताम्‍बु आ ओव़तीकेमी चाक्‍चा नम। मिनु गे मेको आन कली चिक्‍चा माल्‍नेवे।

यसैया 1:16

गेपुकी चिक्‍सीन। ग्रांग्रा मदिशो दुमीन। मिनु आं ङोंइती इन नाक्‍ती किंत किंत ङा मरिम्‍शो पतीके प्रोनीन।

इजीकीएल 36:25

गो इन तार रिम्‍शो ब्‍वाक्‍कु ब्रुइक्‍नुङ। मिनु गे इन ग्रांग्रा दिशो गेय नु इन मूर्ति पूजा पतीक ताइश्‍शा रिम्‍शो दुम्‍नीनी। इन ग्रांग्रा दिशो दुम्‍शो नेल्‍ल रे ग्रांग्रा मदिशो सेल्‍नन्‍नी। जकरिया १३:१; हिब्रू १०:२२

लेवी 14:8

मिनु मेको चोव़खो सेल्‍चा पुंइसीशो मुरुम आ वा मुरचा माल्‍ब। आ चां नेल्‍ल प्रेक्‍शा, चिक्‍चा माल्‍ब। मिनु मेको ग्रांग्रा मदिशो चोव़खो दुम्‍ब। मिनु नोले मुर आन बाक्‍तीके लचा दुम्‍ब। तन्‍न ७ नाक्‍त सम्‍म आ ताम्‍बु आ लाङगाम बाक्‍चा माल्‍ब। गन्‍ती ८:७

जकरिया 13:1

मेको नाक्‍ती दाऊद आ खिं नु यरूसलेममी बाक्‍ब मुर आन पाप नु आन मरिम्‍शो पशो क्‍याम्‍चा कली ब्‍वाक्‍कु बुक्‍तीके का बुक्‍शा ग्रू‍ब। यसैया १२:३; यसैया ५५:१

लूका 7:38

मेको येसु आ खोइलीम बाक्‍शा ङाक्‍माक्‍त। मिनु आ प्रेक्‍कुम येसु आ खोइल जिप्‍‍पाइश्‍शा, आ चांमी फिक्‍गा बाक्‍त। मिनु आ खोइल पुक्‍पु पा मेको तेल ख्रेक्‍ता बाक्‍त।

लूका 7:44

मीश मुर कली कोव़शा, सिमोन कली “एको मीश मुर कली तवी? गो इ खिंमी जाक्‍ङानु, आं खोइल चिक्‍चा कली ब्‍वाक्‍कु मगेयी। एकोमी दा आं खोइल आ प्रेक्‍कुम जिप्‍‍पाइश्‍शा, आ चांमी फिक्‍तु। उत्‍पत्ती १८:४

यूहन्‍ना 13:10

येसुमी “चिक्‍शो मुर आन कली लेंशा चिक्‍चा ममाल्‍ब। खोइल ला चिक्‍चा माल्‍ब। खोइल चिक्‍शोनु, नेल्‍ल रिम्‍शो दुम्‍ब। गेपुकी चिक्‍सीशो दुम्‍तीनी। काइ मचिक्‍सीशो गेपुकी नु का बाक्‍ब” देंत। यूहन्‍ना १५:३

यूहन्‍ना 13:6

मिनु सिमोन पत्रुस आ पालो जाक्‍मेनु, मेकोमी येसु कली “प्रभु, गेमी आं खोइल चिक्‍चा दुम्‍बा ङा?” देंत।

यूहन्‍ना 13:8

पत्रुसमी “गो आं खोइल चिक्‍चा काइ मगेनुङ” देंत। मिनु येसुमी “गो इ खोइल मचिक्‍ताक्‍न हना, गे आं मुर मनवे” दे माइक्‍तु।

यूहन्‍ना 19:34

सिपाही कामी येसु आ कोव़खामी भालामी तूताक्‍व। मिनु तूदानु, हुश नु ब्‍वाक्‍कु यित।

प्रेरित 22:16

मुल कोव़शा मबाक्‍को, छुल बोक्‍शा प्रार्थना पा, हे प्रभु येसु, आं पशो पाप क्‍याम्‍शा गेयीनी, दे पुंइशा, ब्‍वाक्‍कुमी ख्रुम्‍शा ग्रुंइने पुंइसो’ दे माइक्‍ती।

१ कोरिन्‍थी 6:11

इन दातेमी का निक्‍शी मोदेंशो बाक्‍मा बाक्‍त। तन्‍न मुल गे चिक्‍शो खोदेंशो पा, परमप्रभु यावे आ मुर दुम्‍शा, प्रभु येसु ख्रीस्‍त आ नेंमी नु इं परमप्रभु यावे आ सोक्‍तीम पतीके ठीक मुर सेल्‍चा पुंइसाक्‍नी। तीतस ३:३-७; १कोरिन्‍थी १:२; रोमी ३:२६

एफिसी 5:26

मारदे ख्रीस्‍तमी मो पाप्‍तु देंशा हना, थमा सुइक्‍बपुकी परमप्रभु यावे आ ङोंइती शिरशो मुर दुम्‍मल, दे मो पाप्‍तु। ङोंइती ख्रीस्‍तमी मेको आन कली लोव़ रे पा चिक्‍शो खोदेंशो पाप्‍तु। तीतस ३:५; हिब्रू १०:२२

१ तिमोथी 5:10

आ तमी तौ रिम्‍शो पा कोल्‍पाइश्‍शा, मुर आन कली बास बाक्‍चा गेशा, थमा सुइक्‍ब आन खोइली चिक्‍शा, श्‍येत जाइब आन कली वारच पशा, नेल्‍लेमी रिम्‍शो पना पन बाक्‍ब, दे मुरपुकीमी तुइश्‍शो मीश मुर आ नें ला ब्रेक्‍सीब। हिब्रू १३:२; यूहन्‍ना १३:१४

हिब्रू 10:22

मोपतीके रिम्‍शो थुं पा, रिम्‍शो थमा सुइक्‍ब दुम्‍शा, पाप नेल्‍ल क्‍याम्‍चा पुंइसीशो तुइश्‍शा नु इं रां रिम्‍शो ब्‍वाक्‍कुम चिक्‍शा ग्‍येरशा परमप्रभु यावे आ नेक्‍था जाक्‍दीय्‍य। हिब्रू ४:१६; एफिसी ५:२६; १पत्रुस ३:२१

१ यूहन्‍ना 1:7

मेको छेङछेङमी बाक्‍शो खोदेंशो पा, गो छेङछेङमी गाक्‍तय हना, अर्को थमा सुइक्‍बपुकी नु थुं का ङा दुम्‍नय। मिनु आ तौ येसु आ हुशेमी इं मरिम्‍शो पशो नेल्‍ल क्‍याम्‍ब। हिब्रू ९:१४; प्रकाश १:५

१ यूहन्‍ना 5:6

मिनु येसु ख्रीस्‍त ब्‍वाक्‍कु नु हुश रे जाक्‍त। ब्‍वाक्‍कु रे ला ममाइ, तन्‍न ब्‍वाक्‍कु नु हुश रे जाक्‍त। १यूहन्‍ना ४:२; मर्कूस १:९; यूहन्‍ना १९:३४-३५

प्रकाश 1:5

मिनु येसु ख्रीस्‍तमी यो मो देंत। मिनु मेको सु बाक्‍ब देंशा हना, परमप्रभु यावे आ देंशो थमा पाइब सांकछी नु नेल्‍ल क्‍येङा ङोंइती बेक्‍शो रे सेंसीशो नु रागी ङा पिप आन कली सासन पाइब बाक्‍ब। येसु ख्रीस्‍तमी इं कली दाक्‍शा, आ हुशेमी इं पाप रे प्रोंइतु। प्रकाश ३:१४; यूहन्‍ना १८:३७; १तिमोथी ६:१३

प्रकाश 7:14

मिनु गोमी “हजुर, गो मतुइक्‍नुङ, गे तुइक्‍नीनी” देंती। मिनु मेको खाल्‍पामी “मेकोपुकी ठेयब श्‍येत रे जाक्‍तेक्‍म। मिनु मेको आन मरिम्‍शो पतीके लुम्‍सीशो वा पाठा आ हुशेमी मुरतीके बुश दुम्‍त। मत्ती २४:२१; प्रकाश १२:११

न्‍यायाधीस 19:21

मिनु खाल्‍पामी आ खिंमी लाइक्‍मी बाक्‍त। गधा आस कली जचा गेवा बाक्‍त। मिनु आन खोइल चिक्‍शा, जशा तूशा बास बाक्‍मा बाक्‍त।

१ सामुएल 25:41

मिनु अबीगेल बोक्‍शा बाप्‍शा सेउ पा “गो इन गेय पाइब आन खोइल चिक्‍ब वाइलीम नङ” देंमाक्‍त।